Pilipai 3:8 - Ata New Testament

⁸ La anenesi uasi, loxo noxilo la mimi no lialia mukalusi anu mi so usu'asi. Xo eni atongonu lavulavusou Kalaisiti Iesua anu Tatanaleli lexe mi lailaixe mo uua'ulixu mimi ne mukalusi avile. Xo noxou Kalaisitisi, la esu'anu mimi ne mukalusi aloxo moso­moso 'osi mo so ateteli noxoumo.

Pilipai 3:8 Referans Kwoze

Lomu 8:18

Ioxe, eni avikala lamana aloxo 'o. Tu'umaxu ane tatavulenu vai­momo 'o, taxavutalanu uasi. Xo xoluxolu iaxu ane taxalisou ili'i ne uua'ulixu ane so vaimomo 'o avile.

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

Pilipai 3:7

Ia mimi mukalusi tei ane e'oxo lexe laixe noxilo ne, eni esaxisou lexe mi so usu'a vitanisi xo vaimomo 'o taleli u'oxoxu Kalaisitisi.

Tioni 17:3

La mauli kaluxu uasi ne xinu aloxo 'o, a so tamitema ilavusine nini Namosi'a maninasou vilesisi, mo ilavusilo eni Iesua Kalaisiti e nepa­lusilo 'o.

Pilipai 3:10

La mi ane opoleli u'oxoxu a so alavusou Kalaisiti mo a'una no anu xavi e mutulusou no anu soli. Amasaxau so apita no anu tu'utu'umaxu e mutavulenu xe taleli uxali iou vilesisi noxou loxo musoli.

2 Pita 1:3

No anu xaviou Kalaisiti so uxolu Mosinge la muitimenge mimi mukalusi so taxolu muamua'inenge no anu ili'ilixou Mosinge u'isalili. Mu'itimenge axova? A no anu vote'i e so molu mupala'anixu noxinge so talavusou. Mupala'a­nixu noxinge xe temaisou lexe anu xoluxoluxu iaxu mo lailaixe mu'u­li'uli, la anene vote'i so mu'ava­linge.

1 Kolini 2:2

Mo elalaxi lumamo lexe loxo axolu no taingengi la opoleli mo anaxo ulai no anu mi vilela uasi. Ulai noxou Iesua Kalaisiti mo soli noxou no ovu valautu u'isalilisi.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

Tioni 17:8

Xo vaikala mukalusi e ne'italonu noxilo la a e'italonu noxi'a mukalu 'oe. La ane'i mi'osa so mino'usi mo milavu manina lexe eni melo a noxinesi. Xe milopala lexe nini mene nepalusilo ene'e 'o.

Tioni 14:20

La no voxo anene anu upalasi noxinge lexe eni axoxolu noxou Mamilo mo anu a uxoxolu noxilo 'o. Mo ngalavu lexe ngingi ngaxoxolu noxilo mo eni axoxolu noxinge ne.

Ipilu 3:14

Ia nenge ane lopala na'a nenge manina musoko'u no tava'u mo uxolu avile umo­momo no anu telexu olele, la nenge tamitemaou Kalaisiti maninasou ane.

2 Kolini 4:6

Xo tatei la Mosinge muvikala lexe, “Lamana uka no isivoxo.” Laso lamanaxu muta­losou oponexi kaio tesaxisou Kalaisiti iou la iaxu Mosinge mulamana noxixe.

Tioni 14:7

Loxo ngingi ngelavusilo laixe mukalu la ngingi ngelavusou Mamilo laixe kalumo. Io vaimomo 'o ngingi a ngelavusou mo ngemai­sou mukalu 'oe.”

Epesusi 4:13

Mo so nenge oponenge vilesisi no anu lopala mo lavuluvusou Mosinge Olu. Xo axone la xoluxolu noxinge loxo tamitema ane tane'i mukalu mo xoluxolu noxinge noxou Kalaisiti uxali lolonisi.

2 Pita 3:18

Ngingi ngexalisou iaiama noxou Iesua Kalaisiti anu Tatananenge xe mosou pamaulisinge mo ngingi a ngelavusou, ia amasaxau lexe iaiama mo lavulavu ne uleme noxingesi. Nenge ta'itinu ualasou vaimomo 'o xe voxo ili'i ulai ulai kaluxu uasi. Vaikala ano'o mani­nasi. Anu anesi.

1 Tioni 1:3

Nexi temaisou mo telomusou laso maixene tapala'anixu noxinge kalumo. Mo so axone la ngingi ngaxolu opongengi vilesisi noxixe xo nenge nenge'a taxolu oponenge vilesisi noxou Maminge ilou Olu Iesua Kalaisiti.

2 Timoti 4:6

Ioxe, voxo mune'e alai mukalu so sialuxo unixi ula aloxo uaini e inixi'u so lexe noxou Mosinge. Voxo so alutu a so uxali 'oe.

Tioni 20:28

Sila Tomasi muvikalanu lexe, “O, nini Tata­naleli mo nini Mosilosi.”

Tioni 16:3

Ane'i i'oxo mimi to axone xo ilavusou Maminge uasi mo ilavusilo uasi.

1 Tioni 2:19

Ane'i anene mixolu mipita noxinge kaio mixexesinge mila. Mipita noxinge tei ia ane'i tanoxinge manina uasi xo axone la ane'i ixolu noxinge avile. Ia mila axone so umaxa'u lexe ane'i mukalusi ne tanoxinge to uasi.

1 Pita 2:7

Laso noxinge ane ngelopalanu ne la ngelavusou lexe anu lavo'o lailaixe misevile. Ia noxi'a ane'i ane ilopala uasi la muxali aloxo Mosinge vaikalaou ulemolu lexe, “Lavo'o ane taka­penita mima­tapianu lexe mi so usu'asi, la vaimomo 'o muxali lavo'o lailaixe so utetelisou tani kisou pakia'u.”

Xalesia 1:16

Anu mupala'anixu Olu noxilo mo so eni alanu vaikala laixesou noxi'a tamitema noale'ale. Xe no voxo e mupala'anixu noxilo ne la etatali'i noxou itema vile so upela'iloxu uasi.

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

1 Kolini 9:10

Vaikala mukaukavunu ne so singe kalumo. Xo loxo itema umamulonu lia no xai la anu ulopala lexe ili'i la uxalisou nene'axu ane. Mo itema ane uxaxai so uxexenu uiti sosou la axone kalumo. Anu oponu ututulu lexe anu u'ani no anu nene'axu xaixai noxou ne.

Tioni 20:13

La ane'i ilou mivikalane lexe, “Semao, natata­masou mi ma'ia ne?” La ane mikoline'i lexe, “Ata­tama xo ane'i mixexenu Tata­naleli vasimolu mo alavu lexe mimulaxu a ne'ei uasi.”

Luku 11:20

Ia loxo Mosinge avolu uxolu noxilo so akusai'a ta'angelo tamasua la masi ngalavu lexe voxo so Mosinge molu u'uli laxune'i tamitemaou a mune'e alai noxinge 'oe.

Luku 1:43

Ia tava'u axova so nini Tatananenge nenu nene'e noxilo aloxo 'o? Anu mi lailaixe manina.

Pilipai 1:1

Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Pilipai 3:12

La eni avikala lexe exalisou ilixou Kalaisiti mukalusi mo exali itema laixe loloni uasi. Ia eni asoa so lexe axalisou mo ateteli no anu mi nesi xo anu mi e Kalaisiti Iesua mutetelisiloxu anesi.

2 Pita 1:2

Ngingi a ngala­vulavu noxi'a Mosinge ilou Iesua anu Tatananenge laso eni alinga lexe lavulavu ne u'oxonu iaiama ilou xoluxolu lalavulusi uleme mo ulolutu no anu mauli noxinge.

2 Pita 1:8

Loxo telemolu, ngingi ngexa­lisou lavulavu manina sou Tatananenge Iesua Kalaisiti. Laso loxo ili'ilixo laixe ano'o upita no anu lavulavu ne mo uleleme xe ulolutu noxinge la xoluxolungenge xalusou vitanisi uasi, anu uxalixu temanu laixe.