Pilipai 3:5 - Ata New Testament

⁵ No anu lavulo'o noxilo la exolu xe no anu voxo 8-sou la mi'oxonu sosovo no anu vasimelo. Eni itema Isilaeli no laili noxou Peniamini. Vaikalaxeli Ipilu u'isalili aloxo papa olie atie. Mo opoleli mututuluou lo no anu vote'i e noxi'a Tapalisi.

Pilipai 3:5 Referans Kwoze

2 Kolini 11:22

Xo axova, ane'i i'oxo lexe ane'i vaikalai'a Ipilu, ne? Ua, eni kalumo Ipilu a. Xe i'oxo lexe ane'i so laili Isilaeli, ne? Ua, eni kalumo Isilaeli a. Xe i'oxo lexe ane'i ta'ilusunu Apala'amu, ne? Ua, eni kalumo ilusunu Apala'amu a.

Lomu 11:1

Ioxe, eni atali'i aloxo 'o. Axova, Mosinge muxiunu tumalou noxi'a tamitemaou Ta'isilaeli avile? E uasi manina. Eni kalumo a Isilaeli a. Eni vile exali a ilusunu Apala'amu no anu laili noxou Peniamini.

Ta'aposeli 23:6

Ioxe, Polu mulavu lexe tatiatila se'i ne ane'i so laili Satusi xe se'i so laili Palisi laso anu muvikala tatila lexe, “Tavivilo, eni vile noxi'a Tapalisi xe mamilo anu Palisi kalumo. Eni atutulu no lakoti 'o, tava'u xo eni alopala lexe tamitema ane misoisoli la imamaulila.”

Ta'aposeli 22:3

“Eni Iuta 'o. Atie mivo'oleli no tuala ne Tasusi e no xale lia ne Silisia. Ia eni ene'e ne Ielusalemo 'o mi ne molomoloxomo. La exolu esikulu noxou Xamalieli. Mo eno'u lavulavu laixe noxou so lavuloto noxi'a tatiatilasinge. Mo opoleli mutulu noxou Mosinge a loxo ngingi o'osi.

Luku 1:59

Ioxe, mivo'onu ilie xe muxolu voxo 8 mukalu laso tamitema mine'e so i'oxonu ilixo so ixotonu molomolo vasimolu. Mi'oxonu la ane'i so ilemolu no anu ualasou momu e Sekelaia.

Ta'aposeli 6:1

Ioxe, no voxovoxo ne tamitema mi'una'una noxi'a talopala mo navasi'a mutoxoxa'a. La ane'i se'i noxi'a vaikalai'a Kiliki mimunu­munuxa'a ane'i ane vaikalai'a Ipilu. Mimunumunuxa'a mo mivikala aloxo 'o, “Ai, tasema noxinge ane tamului'a misoisoli ne ngingi ngalavusou ngavelunuxa'a voxo­voxo utotomu to'. Ia ane'i noxixe 'o, ngingi ngavelunuxa'a malaxo uasi.”

Luku 2:21

Ioxe, muvo'o mo muxolu xo xe voxosou 8-soui, la ane'i mixotonu vasimolu mo milemolu ualasou Iesua. Uala ne angelo mulemolu lumamo mi ne muxolu noxie nenu opone uaosio.

Luku 5:38

Laso maixene tatau uaini alavua no anu lexa vexasou alavuasi.