Pilipai 3:3 - Ata New Testament

³ Ia uasi, sosovo manina noxou uxolu noxinge nenge'a ta'ei ane Ulenu upamuxanenge so ta'itinu Mosinge ualasou. Mo nenge ane tatoxu Kalaisiti Iesua xe talopalanu mi vile no anu vasimenge so usu'ulinenge uasisi.

Pilipai 3:3 Referans Kwoze

Kolosi 2:11

Mo aloxo 'ola. No anu vote'i e so ngepita noxou la ngexalisou sosovo no anu vasimenge. Ia sosovo ano'o ne anu muxali no avo'a tamitema uasisi. Sosovo maninasou 'o ngexa­lisou noxou Kalaisiti xo no anu xaixai noxou la mukalipalanenge no anu xavinu susu tava'u no vasimenge.

Lomu 7:6

Ia vaimomo 'o tesoli mo tekalipala no anu lo e mukasinge ne. Nenge tamulinu vote'i so lo ane Mosisi mukaukavunu uasi. Nenge tamulinu vote'i alavua ane noxou Ulenu Laixesi.

Xalesia 5:25

Anu mauli noxinge 'o a noxou Ulenu Laixesi, laso nenge tapi­lixinenge so anu molu upamaxunu muamua'inenge.

Lomu 8:15

Xo Mosinge ulosinge Ulenu so ukalavusunenge no anu umela uasi. Anu mulosinge Ulenu so muxalinenge ta'olu. Mo anu usu'ulinenge so takatu noxou Mosinge lexe, “Papao”.

Epesusi 6:18

Xe mimi mukalusi e elemolu 'o ne ngapitanu no anu vaikalamengi ane ngalemolu noxou Mosinge. Ulenu usu'ulingengi so ngavikala mo ngalingau su'ulisinge noxou. Mo ngalaxa'i laixe, ngatalo uasi. Utotomu ngalingau su'uli noxou Mosinge si'a tamitemaou mu'isa­lili.

Lomu 1:9

Eni asexelaxu Mosinge misevile mo xavileliou xaixai mulosilo. Xaixai anene so alanu vaikala laixe so Olu. Anu ulavusou opoleli lexe ututulu noxingesi.

Iuti 1:20

Ia tamaula, loxo noxinge la nga'italongengi mo so lopala laixe noxinge uxalixu lemengenge. Mo ngapilixingengi noxou Ulenu Laixe so upamuxangengi no anu vaikala e ngalemolu noxou Mosinge.

Lomu 15:17

Laso axolu noxou Kalaisiti Iesua aloxo 'o la eni a'osasou xaixai anene noxou Mosinge so a'oxonu.

Lomu 9:6

Ia axova? Mosinge muiloune'i Ta'isilaeli lexe ane'i tamitemaou, ia tapiena noxi'a ilopala noxou uasi. Laso axova, vaikalaou mulapau vitanisio? Uasi, vaikalaou mumauli. Xo se'i no anu laili Isilaeli ne ane'i tamitemaou Mosinge ia se'i ne uasi.

2 Kolini 11:18

Ane'i leviani imulinu ilixo so lialia mo i'itinu ualasi'a kena, laso eni kalumo amuli axone.

Xalesia 6:16

La noxi'a ane'i ane opone'i ututuluou vote'i nesi so imulinu, la ixalisou xoluxolu lalavulusi ilou iaiama xo ane'i so laili Isilaeli noxou Mosinge u'isalili ane.

Pilipai 1:1

Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Pilipai 3:12

La eni avikala lexe exalisou ilixou Kalaisiti mukalusi mo exali itema laixe loloni uasi. Ia eni asoa so lexe axalisou mo ateteli no anu mi nesi xo anu mi e Kalaisiti Iesua mutetelisiloxu anesi.

Pilipai 3:14

Eni asoa so axali no anu lamaki so axalisou palaisi. Palaisi e ava noxou Mosinge mupolonu noxou Kalaisiti Iesua. Mua'avalilo so atelai axolu laixe noxou.