Pilipai 3:2 - Ata New Testament

² Ngalaxa'i laixe noxi'a tamitema so xaixai masua olele xo ane'i loxo ta'a'a tavovasi. Ane'i to ne ipoposou vasime'a vitanisi so ikalavoi lexe anene sosovo noxou Mosinge.

Pilipai 3:2 Referans Kwoze

2 Kolini 11:13

Tamitema axone ixaxai so i'oxo loloxa'a tamenexi'asi. Ane'i ta'apo­seli kala­voisi ia itovonu so ixiune'i so isaxi loxo ta'aposeliou Kalaisiti.

Taitusi 1:16

No anu anaxa'a la ivikala lexe ilavusou Mosinge oponu. Ia no anu xoluxoluxa'a la umaxa'u lexe ane'i ixililiou ane. Xo xoluxoluxa'a ne masua no iou Mosinge. Ane'i ilomuxu vaikalaou to uasi mo imomomo uasi manina so i'oxonu ilixo vile laixe.

Mupala'a 22:15

Ia noxi'a ane'i ane ilixone'i loxo ta'a'a xe ane'i so ta'uluxu masua xe ane'i so ilixo nuni'u olele xe ane'i ane ive'a tamitema isoisoli xe ane'i ane i'itinu momosi'a kalavoi xe ane'i ane utotomu ikalakalavoisi, tamitema axone imomomo so i'unalai no taoni uasi manina, ixolu noalesi.

Xalesia 5:15

Ia loxo ngingi nga'oxo loxo tamisoposi so nganga­ngasinge mo ngateatea­ngengi nga­to'o la ngalaxa'i laixe. Xo loxo 'o io ngingi ngamamulo­ngengi avile ane.

Pilipai 3:19

Ane'i xo ne ilomulomuxu masamasaxa no anu vasime'a mole mi ne loxo mosi'asi. La utotomu xavutalai'a uiaveou mimi so lialiasi mo i'itinu ilixo ane laixe so imaila no anu. Tamitema anene ixalisou mamulosi.

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

Matiu 7:15

La Iesua musolonu aloxo 'ola, “Ngingi ngalaxa'i laixe noxi'a tapolopeti kalavoi. Xo ane'i ilavusou ilemolu vaikala laixe so ixilisingengisi mo so ngakalavoi lexe ane'i tami talaixe loxo tasipisipi 'o. Ia uasi, a so i'oxo lolongengesi ane, xo loxo manina la imolo mamulosinge a loxo ta'a'a tavovasi.

Mupala'a 21:8

Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”

Mupala'a 3:9

Ngalomu. Ane'i e tatemanu pita noxou Uluaou i'oxo lexe ane'i Taiuta. La uasi, ane'i ikalavoi ane. Laso ili'i eni ane'ene'i noxinge so itangatulu no tava'inge mo apela'a lexe eni asexelangenge misevile.

Iuti 1:4

Xo tamitema se'i a mipakisi mi'una'una noxinge ne. Tamitema ane xo ne sosovo so mamulo muxolu noxi'a tateimo xo ixiunu tumali'aou ilixo noxou Mosinge. Ane'i ipilixine'i no anu ilixo masumasua iouiou kaio ixiunu vaikala so iaiama noxou Mosinge so ivalaxu ilixone'i ne. La ixiunu tumali'aou Tilasinge mo Tatananenge vilesisi e Iesua Kalaisiti.

1 Timoti 1:19

Natete­lisou lopala noxine ne mo taneni uai laixe xo nalavu lexe susu noxine muiasi mukalu. Xo se'i milopala aloxone ia mune'e la mixiunu tumali'aoula. La no anu lopala noxi'a ne la mimamulo aloxo lasipi umamulo no lipi.

Pilipai 3:3

Ia uasi, sosovo manina noxou uxolu noxinge nenge'a ta'ei ane Ulenu upamuxanenge so ta'itinu Mosinge ualasou. Mo nenge ane tatoxu Kalaisiti Iesua xe talopalanu mi vile no anu vasimenge so usu'ulinenge uasisi.

Xalesia 5:13

Laso tavivilo, Mosinge molu mu'avalinge so nga'una no anu xoluxolu lalavulusi. Ia mamu so opongengi lexe, “Ai nenge taxolu lalavulusi no anu lo a, laso masaxa aneva no anu vasimenge 'o la tamulinusi.” Nga'oxo axone uasi, nga'oxo aloxo 'o. Ngaxolu no anu sexalasi so ngaxali tamitema so xaixai noxinge ngato'o.

Lomu 2:28

Mamu so ngaxavutala lexe itema uxali loxo Iuta maninasou xo uxotosou vasimolusi. Nenge taxali tamitemaou Mosinge no anu mi so vasimenge axone uasi.

Matiu 7:6

Xe mamu so ngano'u mi ane Mosinge mukalipalanu lexe noxou u'isalili so nalosi'a ta'a'a. Xo masi ixiu la ingangasingesi ane. Mo mamu so ngapilixinu xapomenge lailaixe no laxune'i tameme. Xo loxo 'o io imalomaloxo'u usu'a vitanisi no tava'asi.

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

2 Pita 2:22

Mi e muxalisi'a ne mumulinu mu'isalili vaikala manina tamei aloxo 'o, “A'a u'exi ukalu la ulivuou so u'oula.” Xe vilela lexe, “Meme i'ulo no lexa ukalu la ilai imalinga no pitala.”

Matiu 24:10

La no voxo anene ane'i tavu'alo ixiunu tumali'aou lopala. Laso ane'i imatapiane'i ngato'o sika ipili­xine'i tamenexi'a no avo'a tauluai'a.