Pilipai 2:8 - Ata New Testament

⁸ xe ane'i misaxisou loxo itema 'osi. Xe anu molu mulu'enu ka mumulinu masaxa noxou Mosinge xo mole mumomomo avile no soli. Ani, soli e no ovu valautu.

Pilipai 2:8 Referans Kwoze

Tioni 10:18

Maulixo 'o evile so u'umenu noxilo uasisi io eni melo a'avuti a'italonu no anu masaxa na'a xelimo. Eni xavi uxolu noxilo so a'italonu maulixo mo xavi uxolu noxilo so ano'u atulu no anula. Voto so mi ne eni eno'u noxou Mamilo.”

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Lomu 5:19

Itema vile ne mulomuanu vaikalaou Mosinge laso nenge latala texali tamitema so susu. Xe itema vile ne mulomuxu vaikalaou Mosinge laso nenge tamitema tapiena texali tamalemalenga no iou Mosinge.

1 Pita 2:24

Anu Kalaisiti mutavulenu susu noxinge no anu vasimolu mi ne mulili no ovu valautu. Mu'oxo axone so uxalixu vote'isinge so takalipala no anu susu xe taxolu no anu malema­lengasi. Anu vasimolu mukakaka mo so nenge tapamauli.

1 Pita 3:18

Xo tangengi umulinu Kalaisiti kalumo. Anu mulapusi ia muno'u tanixa'a tamitema tamasua. Musoli alaxu vilesisi anesi so ukolinu tina'unenge so susu ka muno'inge tene'e noxou Mosinge. Ane'i tamitema mivau musoli no anu vasimolu ia anu a umamauli no anu xoluxoluxu ulenu.

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

Matiu 26:39

Anu muvikalane'i mukalu xe mulai sevile la mulapau mo mutonu alaiou no lia. Muai no lia la mukatu noxou Mosinge lexe, “Papao, tu'umaxu e so uxali noxilo 'o la loxo lexa sixula. Laso loxo vote'i la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”

Ta'aposeli 8:33

Anu ilixou axone no voxo ane tamitema mito'omolu no anu vaikala kalavoi so mimolo maila noxou. Taa'aloxu ilixo noxi'a laili ne axova? Xo mauli noxou mukalu no lialia 'o.”

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

Xalesia 3:13

Ioxe, no anu telexu lo la ule­molu mamulosingesi. Ia Kalaisiti mu'umenenge no anu vaikala so mamulo ne xo anu molu muno'u taninenge so mutavulenu. A loxo mulemolu no anu Mosinge vaika­laou lexe, “Itema aneva ulili no ovu la utavulenu vaikala so mamulo no iou Mosinge ane.”

Tioni 14:31

Ia eni amasaxau lexe tatemanu lialia ilavu lexe eni asexelaxu Maminge laso voto ma'ia Maminge mupilixinu noxilo la eni amulinusi. Ioxe, laso ngatu­lutulu mo talaisi.”

Tioni 15:10

Eni 'o la emulinu voto noxou Mamilo mukalusi mo a atalupexa avile no anu sexelasilo noxou. La anu axonesi noxinge, ngingi ngamulinu voto noxilo mo so ngatalupexa avile no anu sexelasinge noxilo 'o.

Matiu 26:42

Xe anu muxexesi'a alaxu tameisou la muvikala noxou Mosingela lexe, “Papao, loxo vote'i so lexa sixula 'o uxexesilo uasi la namulinu masaxa na'a ninisi, eni aiexusi.”

Matiu 17:2

Mixolu xe mimalei loxo 'o la vasimolu muxiu musaxi iou vilemo. Anu alaiou lamanaxu loxo aso xe lavulutiou muvalukea aloxo laiti 'o.

Tioni 4:34

Xe Iesua muvika­lane'i lexe, “Eni la'ilalixo ane so amulinu masaxa noxou anu ane mupalusilo ene'e 'o, xe so amo­momoxu xaixai noxou e mupilixinu noxilo.

Luku 9:29

Muxolu muvikala noxou Mosinge sila iou muxiu muxali iou vilemo manina. Xe lavulutiou muvalukeasi mo muiei.

Ipilu 12:4

Xo ngingi nga'otoxu susu ia no anu oto anene la vile noxinge sialuxu unixisou uasi.