Pilipai 2:6 - Ata New Testament

⁶ Muxolu la temanu xoluxoluxu iou vilesisi noxou Mosingesi. Ia anu usaxisou tanixu so mumomomo noxou Mosinge ne lexe anu mi so ukamakulunu uasi.

Pilipai 2:6 Referans Kwoze

Tioni 5:18

Anu tei la tatiatila noxi'a Taiuta opone'i tu'umaxuou xo muxola'u lavuloto noxi'a so Voxo so Ma'ila. Xe no anu e mulemolu lexe Mosinge anu Momu mu'isalili la laxu lexe anu iou vilesisi noxou Mosinge. Milavusou laxu vaika­laou axone laso xavine'i avile so ikamulinu vote'i so ivau usoli.

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

Ipilu 1:3

Xe anu a upala'anixu iaxu Mosinge xo lamanaxu molu noxousi. Mo anu iou vilesisi loxo Mosinge u'isalili. Xe no anu xavi no anu vaikalaou la utetelisou mimi mukalusi so uxolu ulovosi. Ioxe, anu muxalixu vote'i so ukalusou tina'u so susu mo uxalixa'a tamitema tamalemalenga. Mu'oxonu xe mukalu la anu a utalupexa no anu avolu tema Kingi Tatila ane uxolu teitexi.

Tioni 17:5

Laso Papao, nalivunixilo so axolu no ieni no anu tanixo mu'uli'uli aloxo nenge nengei texoxolu mi ne lialia uxali uao.

Mupala'a 21:6

Xe muvikalaleli aloxo 'ola, “Anu ane, mukalu. Eni ane tei xe eni kaluxu uasi a. Eni tava'u mimi mukalusi xe mi ma'ia la asivitanoxu avilesi. Loxo itema vile usoliou lexa la eni a'itixu no anu lexa so mauli luxu. A'itixu mo uiesi, ulotonu uasisi.

Tioni 10:30

La nexi noxou Maminge a vilesisi.”

Ipilu 13:8

Ilixo noxou Iesua Kalaisiti anu iou vilesisi tatei xe vaimomo 'o, la anu uxolu axonesi kaluxusou uasi.

Tioni 10:33

La ane'i Taiuta milivuxu lexe, “Nexi tavene no lavolavo'o xo no anu xaxai laixe vile e ne'oxonu uasi. Tavene xo navila'isou ualasou Mosinge mo xo nini namitema vitanisi ia ne'oxo lexe nini Mosingemo.”

Lomu 9:5

Muvavalima tei noxi'a ta'ilusu­ne'i Apala'amuena. La Kalaisiti muxali itema xo nenu mivo'onu no anu laili anene. Mivo'onu la Kalaisiti ne anu Mosinge ane Mu'uli'uli Avile, laso ta'itinu ualasou ulai utalo uasi.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

Tioni 20:28

Sila Tomasi muvikalanu lexe, “O, nini Tata­naleli mo nini Mosilosi.”

Tioni 10:38

Io loxo a'oxonu xaixai noxou xe ngalopalaleli uasisio la ngingi masi ngalopala no anu xaixai a'oxonu nesi. Mo so axone la ngingi ngalavu mo upalasi avile no opongengi lexe Maminge a uxolu noxilo xe eni a axoxolu noxou.”

Ipilu 1:6

Mo no voxo loxo mupalusou Olu laposalaxu mulu'e no lialia la muvikala lexe, “Ngingi ta'angelou Mosinge muka­lusi nga'itinu ualasou.”

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

Matiu 1:23

“Vua­nga vile ane ilai noxou mulu vile uasi la opone. Opone la ivo'onu ilie mulu la tamitema imoxo'u lexe Imanueli.” Uala ne laxu lexe Mosinge a uxolu noxinge 'o.

Tioni 14:9

La Iesua mukolinu lexe, “Pilipi, eni exolu no taingengi voxo maxuveni mukalu 'oe, ia axova, nalavusilo uao? Itema aneva mumaisilo ne anu mumaisou Mamilo ane. Laso aloxova so nalinga lexe alosoiengixu Mamilo?

Ipilu 1:8

Ia no anu Mosinge vaikalaou la muvikalasou Olu aloxo 'o, “Mosinge, nini naxolu no anu tanixene so kingi ne ulai ulai kaluxu uasi. Mo napamuxane'i tamitemameni no anu vote'i mulapusi.

Tioni 5:23

Mu'oxonu axone mo so tamitema mukalusi itaxanu ualasou Olu iou vilesisi aloxo ane'i itaxanu ualasou Maminge. Maminge molu mupa­lusou Olu laso loxo itema utaxanu ualasou Olu uasi la anu utaxanu ualasou Maminge uasi ane.

Tioni 14:28

Ngingi ngelomusou vaikalaxeli e elemolu noxinge 'o lexe, 'Eni a so alai xo xe ukalu la alivu ane'e noxingela.' Laso loxo ngingi ngesexelaxo manina la opongengi u'osa'oasi xo eni alai noxou Mamingemo, xe Maminge ne, anu u'uli'uli noxilo.

Tioni 1:18

Itema vile usaxisou Mosinge no iou lavo'onu uasi. Ia Mosinge Olu vilesisi e anu molu Mosinge ne, anu uxolu noxou Momu pa'umolu, la anusisi a mupe­la'ingexu Mosinge.

1 Timoti 1:17

Laso ta'itinu ualasou Mosinge xo anu vilesisi ane. Anu kingi na'a nenge mo uxolu no tanixu ne avile. Anu kaluxu uasi. Nenge tamitema tasaxisou no ienge uasi, ia taxolu ta'itinu ualasou no anu mauli noxinge ulai ulai utalo uasi. Vaikala ano'o maninasi.

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.