Pilipai 2:4 - Ata New Testament

⁴ Opongengi ututu­luou mimi so ngingi menge ngaxalisou su'uli no anu uasi, ngaxavutalanu mimi so leviani ixalisou su'uli no anu kalumo.

Pilipai 2:4 Referans Kwoze

1 Kolini 10:24

Laso oponenge utulu so nenge menge taxalisou xoluxolu laixesi uasi. Taxavutalane'i tamenexinge no anu xoluxolu noxi'a.

Lomu 15:1

Ioxe, nenge se'i ne pakia'inge no anu lopala. Ia ane'i tavivinge se'i ne pakia'a malaxo uasi. Laso nenge ane pakia'inge la taxavutalanengesi uasi. Anu laixe so tanengexa'a mo tasu'uline'i tavivinge ane mamala­xa'asio.

Tiemisi 2:8

Mo aloxo 'ola. No anu lavukuou Mosinge la mulemolu lavuloto ane mu'uli'uli aloxo 'o, “Ngingi ngasexelaxa'a tamenexinge aloxo ngingi menge ngasexelangenge ne.” Laso loxo ngingi ngamulinu la nge'oxo laixe ane.

Lomu 12:15

Xe loxo tamitema i'osa la ngoli'a nga'osa ane. O loxo tamitema itama la ngoli'a ngatama.

2 Kolini 11:29

Xo loxo Mosinge olu vile pelesou la eni kalumo axamulinu mo xavi noxilo ukalu no anu. Xe loxo evile ulapunu Mosinge olu vile no anu susu la eni opoleli tu'umaxuou mi ne avile.

Matiu 18:6

Xe Iesua musolonu aloxo 'ola, “Noxi'a tamolomolo ane ilopala noxilo 'o, loxo itema vile uxovu­lau­lanixu lopala noxi'a la utavulenu tu'umaxusou ane. Xo loxo tami­tema isakinu lavo'o toxoxu ulili no limilaxu ka isu'anu no luaki xe uuo'uo la anu loxo mi vitanisi ane. Ia loxo Mosinge ukolinu susu noxou ne la tu'umaxu e tu'umaxu manina.

2 Kolini 6:3

Ioxe, nexi ta'oxonu mi vile so tamitema itulaki no anu uasi xo tamasaxau lexe vaikala masuaou xaixai noxixe 'o uxali uasi.

Pilipai 2:21

Io ane'i leviani la opone'i ututuluou mimi noxi'amo, ixavutalanu mimi noxou Iesua Kalaisiti so ixaxaisou uasi.