Pilipai 2:3 - Ata New Testament

³ Mamu so nga'oxonu mi vile no anu masaxa noxingemo o so ngaxalixu ualasinge utila no anu. Ngingi vilevilesi ngalu'engengi no anu opongengi mo ngasaxisinge lexe ngingi tami vitanisi no taine'i tamenexinge.

Pilipai 2:3 Referans Kwoze

Lomu 12:10

Mo ngamasaxa'inge ngato'o xo ngingi tavivinge ane. La ngingi vilevilesi ngalu'engengi io ngavi­kalasi'a tavivinge laixe.

Xalesia 5:26

La nenge ta'itinenge mo takusukusu'inge mo taisuisunenge ngato'o mamu.

Epesusi 5:21

Ioxe, ngingi ngataxanu Kalaisiti laso ngalu'engeni mo ngalomu­ngenge ngato'o.

Epesusi 4:2

Aloxo 'o. Ngingi masi nga'itingengi uasi ngalu'engengi noxi'a tavivinge. Loxo ane'i i'oxo axova la opongengi ulu'e noxi'asi. Xe loxo ilosinge tu'umaxu axova la ngaxavutalanu uasi, ngasexela­xa'asi.

1 Pita 5:5

La ngingi tamaulu kalumo, ngalu'engengi noxi'a tamitema so isaxila'inge ne. Mo ngingi muka­lusi ngalu'engengi so nga'oxonu xaixai noxinge ngato'o. Aloxo Mosinge vaikalaou ulemolu lexe, “Noxi'a tamitema ane me'a i'itine'i la Mosinge uxililiie'i ia noxi'a ane'i ane ilu'ene'i la uiaiama noxi'asi.”

Pilipai 2:14

No anu mi ma'ia so nga'oxonu la no anu osasi. Ngakalapusou uasi mo ngapelesou anangenge no anu uasi.

Xalesia 5:15

Ia loxo ngingi nga'oxo loxo tamisoposi so nganga­ngasinge mo ngateatea­ngengi nga­to'o la ngalaxa'i laixe. Xo loxo 'o io ngingi ngamamulo­ngengi avile ane.

1 Timoti 6:4

Tamitema ane xo ne ane'i itoxa'a mo xavutalai'a ulamana no anu mi vile uasi. Opone'i ututulu no anu talitali'i mo vaikala kitukitu, ia so ino'u lavulavu no anu uasi. Ilemolemolu xo i'osasou tu'umaxu mo oto no anu vaikalasi. I'oxo axone laso anu uxalixu isuisu mo la'ia mo vaikala masumasua mo xavutala masuai'a no opone'i ngato'o.

Luku 18:14

La Iesua muvikala lexe, “Itema ane so utaxusou taxisi mulivu no tani. Mo eni avikalangengi lexe no voxo anene la anu muxali itema mulapu no iou Mosinge. Ia Palisi ne uasi manina. Xo aloxo 'o, itema ena'ei molu u'itinu, la Mosinge ulu'enu ane. Xe itema ena'ei anu molu ulu'enu, la Mosinge u'itinusi.”

Kolosi 3:8

Ia vaimomo 'o ngapilixinu ili'i­lixo masua loxo la'ia mo xalo u'ela mo opongengi sixula mo ngapupui mo ilixo so vaikala nuni'u ula no anangenge.

2 Kolini 12:20

Xo opoleli uuali lexe no voxo loxo ane'e noxingela, la masi amaisou ilixomengi ulovou masaxa noxilo uasi. Xe ngingi kalumo masi ngamaisou ilixoleli ulovou masaxa noxinge uasi. La loxo 'o io ane'e amaisou ili'ilixo aloxo 'o uxolu no taingengi. Ilixo so tamitema ipelesou anaxa'a xe iisuisu xe xalo u'ela no anu la'ia xe opone'i sixulai'a xe ipupui xe itunana xe itoxa'a xe ixalixu tu'umaxu vitavitanisi.

1 Kolini 3:3

Xo aloxo 'o. No anu xoluxolungenge la ngingi vasime­ngesi upamuxangengisio. Xo isu'isu ilou tu'utu'umaxu a uxolu no taingengi to ne, laso talavu lexe ma'ia upamuxangengi ne? Anu vasimengesi ane. Xe no anu muamua'ingenge ne la loxo tamitema so lialia 'osi.

1 Kolini 15:9

La ane'i ta'aposeli latala iua'ulixo mo eni amitema alaixe so atavulenu uala aposeli aloxo 'o uasi. Xo tei la elosi'a tatemanu pita noxou Mosinge tu'utu'umaxu.

Lomu 13:13

Ngingi masi ngamuamua'i ulovo loxo tamitema ane imua­mua'i no anu lamanasi, ngapakisi loxo ane'i so isivoxo uasi. Loxo ngaxolaxola mo ngasipaki uasi. Xe ngingi nga'oxonu vasimenge vuluvulusi mo ilixo nuni'u uasi. Xe nga'avutinoxu tu'umaxu mo ngaisu'isu uasi.

Lomu 2:8

Ia tamitema se'i ne, ixavutalane'isi mo ixiunu tumali'aou vaikala manina. Ane'i imulinu ili'ilixo masuasi. Tamitema axone ixalisou nene'axu la'ia toxoxu noxou Mosinge.

Kolosi 3:12

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

1 Pita 3:8

Ioxe, telexu vaikalaxeli aloxo 'o. Ngingi mukalusi ngaxolu opo­ngengi vilesisi mo tangengingenge xe ngasexelangenge ngato'o xo ngingi tavivinge no anu lopalasi ane. Xe nga'oxonu alaunasi'a tamitema mukalusi mo ngalu'e­ngengi noxinge ngato'o.