Pilipai 2:2 - Ata New Testament

² Loxo anene manina, la nga'oxonu osa noxilo uxali loloni avile no anu vote'i aloxo 'o. Ngaxolu no anu xavutala vilesisi mo ngateteli no anu sexela vilesisi mo ngapita opongengi vilesisi mo xavingengiou masaxa vilesisi.

Pilipai 2:2 Referans Kwoze

Lomu 12:16

Ilixo noxinge iou vilesisi noxi'a tamitema mukalusi. Nga'itingengi so ngaxi­xao noxi'a tamitema tatiatilasi uasi. Ngalu'engengi mo ngaxixaosi'a tamitema vitanisi kalumo. Mamu so nga'itingengi mo nga'oxo lexe, “Ai, eni amosou lavulavu a.” Nga'oxo axone uasi.

1 Kolini 1:10

Tavivilo, eni atama pakia'u noxinge no anu ualasou Tatana­nenge Iesua Kalaisiti lexe ngingi mukalusi ngaxolu opongengi vilesisi. Ngingi ngakalipalangengi no taingengi ngato'o uasi. Ngaxolu xavutalamengi vilesisi mo nga­tilovo vilesisi.

2 Kolini 13:11

Ioxe tavivilo, telexu aloxo 'o. Ngingi nga'osa xe xoluxolungenge laixe loloni xe ngaxamulinu mamatola xe opongengi vilesisi mo lexa noxinge ngato'osi. La Mosinge e mosou sexela ilou xoluxolu lalavulusi a uxolu noxinge ne.

3 Tioni 1:4

Iaxoma'i, xo loxo alomu lexe ta'alixeli no anu lopala muamua'ixa'a no anu maninasi, la osa'ilasou uua'ulixu osa no anu mi se'ila. Xaiusi u'oxonu xaixai laixe

Pilipai 2:16

Xe ngatolosou vaikala so mauli noxi'a. Mo so no anu voxo noxou Kalaisiti olele la tava'u osa noxilo a ngingi nesi. Xo upala'a lexe eni esoa mo sasaieli no taingengi, la epuleli uasi.

Ta'aposeli 2:46

Mo no voxo utotomu ane'i mipita no mataunaxu tasou Mosinge. Xe ane'i mipita so i'ani no tatasi'a la opone'i laixe mo mi'osasi'a ngato'o.

2 Tioni 1:4

Eni elomu lexe ta'iline mose'i muamua'ixa'a no anu vaikala anu temanu manina aloxo texalisou voto noxou Maminge lexe tamu­linu. Elomu axone la e'osa manina.

2 Tesalonaika 2:13

Ia noxinge tavivixe la laixe so tavikalasinge laixe noxou Mosinge utotomu. Xo Tata­nanenge muse­xelangenge mo Mosinge muso­sovosinge tei tei manina lexe ngaxalisou pamauli. Xo ngingi ngelomusou vaikala manina xe ngekasou lexe maninasi laso Ulenu mukali­palangengi lexe ngingi tanoxou Mosinge mu'i­salili.

Kolosi 2:5

Xo manina, eni exolu nopaxa noxinge aloxo 'o ia taleli a uxolu noxinge ne. Laso eni a'osa so amaisou xaixai noxinge ulovosi mo lopala noxinge pakia'u noxou Kalaisiti.

Pilipai 4:2

Xe noxinge Iuotia xe Sinitike avikala pakia'u noxinge lexe ngingi tanoxou Tatananenge ane, laso ngaxolu opongengi vilesisisi.

Pilipai 2:20

Apalu­sou Timoti xo itema vilela oponu vilesisi noxilo aloxo anu 'o uasi. Xo anu oponu u'oxoxu xoluxolu noxinge manina ane.

2 Kolini 7:7

Texalisou mamatola so muxali axone ia no anu vote'i vilela aloxo 'o. Anu mua'aloxu voxo so muxali noxinge lexe ngingi ngemama­tolanu. Xe mua'alongenge lexe opongengi ututulu so ngamaisilo mo ngingi tangengixo misevile mo ngetatamasou mi e ngepolo va'axu no anu. Mua'alongenge axone laso osa'ila noxilo mutiatila.

2 Kolini 2:3

Laso maixene ekaukavunu lapasisi mune'e noxinge mala'o. Xo e'oxo lexe mamu so ane'e mo axalisou tu'umaxu noxinge ngingi tamosou e ngalavusou ngaxalixu osa noxilosi. Eni elavu manina lexe mi ma'ia uxalixu osa noxilo la anu uxalixu osa noxinge kalumo ane.

Ta'aposeli 5:12

Ioxe, ta'aposeli mi'oxonu sosovo so xavi iouiou no taine'i tamitema. La tamitema so lopala milavusou mipita voxo utotomu no tasou Mosinge no mataunaxu e ilemolu lexe noxou Solomoni.

Ta'aposeli 1:14

Ane'i mixoxolu la utotomu mipita mo mivikala noxou Mosinge. La Malia Iesua nenu oli'a tasema se'i xe Iesua tavimovimou, ane'i kalumo ilavusou ine'e ipita noxi'a ta'aposeli.

Pilipai 1:4

Laso loxo apilixingengi noxou la vaikala mukalusi alemolu no anu osasi.

Tioni 3:29

Aloxo 'o. Loxo itema vile utaula'i la semau ne mulue a anu nesi. Xe loxo menexu la masi utulu va'axu sevile so ulomusou xolinu menexu e mutaula'i ne. Ulomusou xolinusi la u'osa'ilasou tatila. Laso maixene eni osa'ila noxilo mulolutu no anu vote'i anenesi.

2 Timoti 1:4

Mo axavutalanu mala'o loxo ieni lexaxu mulapau, la opoleli utatama so amaisine ne. Xo axone la axamulinu osa'ila tatila ane.

Ta'aposeli 2:1

Ioxe, no anu voxo tatila noxi'a Taiuta e ilemolu lexe Penikosi la ane'i talopala mukalusi mixolu mipita tanixa'a vilesisi.

Vilemoni 1:20

O vivilo, nalomu. No anu ualasou Tatananenge eni amasaxau lexe na'alaunasilo so na'unanu Onesi­musi axone. Xo nenge nengei taxolu noxou Kalaisiti laso na'oxonu mi ne so opoleli uai laixe.