Pilipai 2:1 - Ata New Testament

¹ Ioxe atali'i noxinge aloxo 'o. Ngingi ngalavusou ngaxalisou mamatola noxou Kalaisiti, ne? Mo ngaxamulinu sexela noxou u'oxonu opongengi uai se'isisi, ne? Mo nge'una ngepita no anu xoluxolu noxou Ulenu, ne? Mo tangengi­ngenge so nga'oxonu alauna noxinge ngato'o, ne?

Pilipai 2:1 Referans Kwoze

Kolosi 3:12

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

1 Tioni 4:12

Itema vile usaxisou Mosinge uasi ia loxo nenge tamitema so tasexelanenge ngato'o la Mosinge a uxoxolu utalupexa nonano noxinge e ane, mo sexela noxou uxali ulomotele noxinge.

2 Kolini 13:14

Eni amasaxau lexe ngingi mukalusi ngaxamulinu iaiama noxou Tatananenge Iesua Kalaisiti xe sexela noxou Mosinge. Mo amasaxau lexe Ulenu Laixe u'oxonu opongengi uxolu vilesisi. Anu anesi.

Kolosi 2:2

A'oxo axone mo so u'oxo pakia'u tangengi xe so sexala uteinoxu opongengi upita vilesisi. Eni amasaxau lexe ngapalava no anu lavulavu mo so mi vile u'oxonu opongengi uvaxa une'e uasi. Xe ngalavu manina no anu mi e Mosinge mutalumeu ka mupa­la'anixu 'o. Mi e anu Kalaisiti molu.

1 Kolini 12:13

Xo Ulenu Laixe e vilesisi ne, muke­leninenge mupitanenge vilesisi so texali vasimolu Kalaisiti. Loxo nenge Taiuta xe Takiliki xe tami­tema so xaixai vitanisi xe nenge ane taxolu lalavulusi, nenge muka­lusi ne tepita no anu vasimolu. Mo nenge mukalusi loxo teie no anu Ulenu vilesisi ne xo anu a uxolu noxinge mukalusi.

Xalesia 5:22

Ia nene'axu xaixai noxou Ulenu no anu xoluxolunenge aloxo 'o. Ilixo so sexela mo osa mo xoluxolu lalavulusi. Xe anu upamuxanenge so tapalea no anu la'ia uasi mo ta'oxonu alauna ilou ilixo laixe noxi'a leviani. Xe ilopalanenge no anu xaixai ma'ia la ta'oxonu ulovosi.

Xalesia 4:6

La ngexolu Mosinge ta'olu, laso Mosinge mupalusou Ulenu Olu mune'e mo a uxoxolu no tangengi so u'avutinoxu katu noxinge lexe, “Papao, Mamixeo.”

Ta'aposeli 4:32

Xe ane'i talopala mixolu opone'i mo xavutalai'a vilesisi. Laso vile noxi'a u'apisou mimiou noxi'a leviani uasi, ane'i mivelunui'a ngato'osi.

1 Tioni 3:24

Anu ane ulolomuxu votovoto noxou Mosinge la mu'una mutalupexa nonano noxou mo Mosinge a mutalupexa nonano noxou itema ne. Xo mulosinge Ulenu laso anene vote'i so talavu lexe Mosinge a utalupexa nonano noxinge.

Tioni 17:13

Eni a ane'e noxine la alemolu vaikala ano'o loxo axolu no lialiasio xo amasaxau lexe ixamulinu osa noxilo uxolu ulomotele no tane'i.

1 Tioni 4:16

Xe nenge la teno'u lavulavu kaio telopala manina lexe Mosinge usexelanenge misevile. Mosinge anu mosou sexela, laso itema ane so uxolu pumuxu no anu sexela la anu uxolu utalupexa nonano noxou Mosinge mo Mosinge uxolu utalupexa nonano noxoui ane.

Pilipai 3:3

Ia uasi, sosovo manina noxou uxolu noxinge nenge'a ta'ei ane Ulenu upamuxanenge so ta'itinu Mosinge ualasou. Mo nenge ane tatoxu Kalaisiti Iesua xe talopalanu mi vile no anu vasimenge so usu'ulinenge uasisi.

1 Kolini 3:16

Xo axova, ngalamana no anu mi anene uao? Ngalavu laixe, tasou Mosinge a ngingi ne. Xo Ulenu Mosinge a uxoxolu noxinge.

Lomu 8:26

Mo aloxo 'o. Nenge taxolu taxomaiou la nenge xavinenge uasi. Mo nenge talavu lexe tavikala noxou Mosinge axova uasi. Ia Ulenu molu usu'ulinenge xo mi ma'ia nenge tamomomo so talemolu laixe uasi, la anu molu ulemolu noxou Mosinge. Xo vaikala ulemolu ne, nenge tamitema talavusou uasi.

Lomu 5:5

Xo lopala noxinge anu umomomo so ulapau vitanisi uasi, nene'axu uxali ane. Xo Mosinge mulosinge Ulenu Laixe mukalu. Mo no anu vote'i anenesi munixi'u sexela noxou no opo­nenge.

Ta'aposeli 2:46

Mo no voxo utotomu ane'i mipita no mataunaxu tasou Mosinge. Xe ane'i mipita so i'ani no tatasi'a la opone'i laixe mo mi'osasi'a ngato'o.

1 Pita 1:2

Tateimo Mosinge anu Maminge mula­vusinge lumamo kaio musoso­vosinge so Ulenu ukalipalangengi lexe ngingi tano­xou u'isalili. Mo so axone la ngalomuxu vaikalaou Iesua Kalaisiti xe sialuxu e munixi la mu'uingengi so ngexali tamale­malenga no iou Mosinge. Eni amasaxau lexe ngingi ngaxa­mulinu iaiama ilou xoluxolu lala­vulusi noxou avile.

Ipilu 6:18

Laso ane. Telavu lexe anu umomomo so ukalavoi uasi xo no anu mi tamei pumuxu manina ane telavusou lexe uxiu uasi. Mi e vavalima noxou xe ualasou e musakinu no anu. Xo nenge te'ume telai so taxolu tatalume noxou. Laso oponenge utulu pakia'u mo tateteli no anu mi ane talopalanu taxomaiou so taxalisou ili'i.

Pilipai 1:8

Mosinge molu mulavu lexe vaikalaxeli 'o manina. Eni talelingenge misevile no anu sexela noxou Kalaisiti Iesua mu'isalili.

Epesusi 4:4

Xo vasimolu Kalaisiti vilesisi mo Ulenu vilesisi mo ngalopalanu ngaxomaiou mi vilesisi kalumo. Mosinge molu mu'avalinge so ngalopalanu ngaxomaiou mi vilesisi e voxo lailaixe ili'io.

2 Kolini 2:14

Ia alemolu laixe noxou Mosinge xo anu upamuxanexi aloxo 'o. Kalaisiti muua'uli no anu oto ka anu u'uli laxunexi 'o. Xe nexi taxixao taa'aloxu laso lavu­lavusou anu loxo mi tuma'u lailaixe ane sivo utavulenu uxalixu no tuatuala mukalusi.

1 Kolini 15:31

Tavi­vilo, xoluxolungenge ne noxou Kalaisiti Iesua anu Tatananenge anu nene'a­xu xaixai noxilo. Mi ne a'osasou mo alemolu lamana mo so ngingi ngalomuxu pelototo noxilo 'o. Eni la loxo soli so xaixai noxilo 'o a utotomu uxolu no ielisi.

Tioni 14:27

Eni loxo a'italongengi la apili­xinu xoluxolu lalavulusi noxinge. Apilixinu la anene xoluxolu lalavulusi noxilomo, anu kaini ane loxo tatemanu lialia i'oxe ilosinge 'o uasisi. Laso ngapili­xingengi so tangengi uavuavuti mo kalaua mamu.

Tioni 14:18

Eni apilixingengi so ngalili vitanisi aloxo ta'oloxola uasi. Eni alivu ane'e noxingela.

Luku 2:25

La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.