Pilipai 1:9 - Ata New Testament

⁹ La utotomu alinga noxou Mosinge lexe u'oxonu sexela noxinge u'oki mo ulolutisi. Ia sexelasi uasi, upita no anu lavulavu laixe ilou tilovo lamanasi.

Pilipai 1:9 Referans Kwoze

1 Tesalonaika 3:12

Mo tamasaxau lexe Tatananenge u'oxonu sexela noxinge ngato'o loxo uleme mo utila. Mo axone noxi'a tamitema mukalusi a iou vilesisi loxo nexi tasexelangenge 'o.

Kolosi 1:9

Laso musoko'u no voxo loxo telomusou a'alosinge laixe ne la utotomu talingau su'ulisinge noxou Mosinge. Mo so ngalavu avile no anu masaxa noxou mo Ulenu Laixe ulosinge lavulavu u'asi'asi ilou tilovo laixe.

Vilemoni 1:6

Nenge nengei lopala na'a nenge vilesisi axone, laso eni alinga noxou Mosinge lexe u'oxonu lavulavu noxinge no anu mimi lailaixe e texalisou noxou Kalaisiti uleme tatila.

Kolosi 3:10

Nge­xexenu ka ngetelonu mauli alavua. Mosinge mukoi­ngengi ngexali tamitema ta'alavua axone mo a uxiuxiungengi so ngaxali ta'ala­vuala. U'oxongengi axone so ngaxali loxo anu molu mo lavulavu noxinge sou ulomotelesi.

1 Pita 1:22

Ioxe, ngingi ngelomuxu vaikala ane temanu manina la no anu vote'i anene nge'uingengi ngexali tamalemalenga no iou Mosinge. Xe ngingi a ngasexelaxa'a tavi­vinge Mosinge ta'olu, laso xavingengiou so ngasexelangenge no opongengi manina.

2 Kolini 8:7

No anu mimi mukalusi nga'oxonu la nene'axu mulolutusi. Aloxo 'o. Lopala noxinge mo vaikala laixe noxinge mo lavulavumengi mo masaxa noxinge noxou Tatananenge mo sexela noxinge e te'avutinoxu ne, anene mukalusi mulolutusi. Laso no anu xaixai so iaiama ano'o la ngalolutuxusi kalumo.

1 Kolini 14:20

Tavivilo, xavutalamengi loxo tamolomolo uasi xo ane'i itilovo laixe uasi. Ngaxolu loxo tamitema ane tane'i mukalu. Ia no anu ngiou no anu sususi, la laixe so xoluxo­lungenge loxo takeakeasi. Xo noxi'a la opone'i ututulu no anu susu mo so ukasi'a uasi.

2 Tesalonaika 1:3

Ioxe tavivixe, utotomu nexi tavi­kala laixesinge noxou Mosinge. Laixe so ta'oxo axone xo telavu lexe lopala noxinge a uleleme mo sexela noxinge ngato'o mulo­lutusi.

2 Pita 3:18

Ngingi ngexalisou iaiama noxou Iesua Kalaisiti anu Tatananenge xe mosou pamaulisinge mo ngingi a ngelavusou, ia amasaxau lexe iaiama mo lavulavu ne uleme noxingesi. Nenge ta'itinu ualasou vaimomo 'o xe voxo ili'i ulai ulai kaluxu uasi. Vaikala ano'o mani­nasi. Anu anesi.

Ipilu 5:14

Ia loxo la'ilali pakia'u ne la anu si'a tamitema tane'i mukalu. Ane'i ilavusou vote'i so itilovosou mi ane laixe xe mi ane masua xo itovoto­vonu utotomu. Anu loxo ipilekitisi no anu.

Epesusi 5:17

Mamu so nga'o­xonu ili'ilixo vuluvulusi. Ngalavu laixe no anu masaxa noxou Tatananenge so singe.

1 Tesalonaika 4:1

Ioxe tavivixe, mo aloxo 'ola. Nexi tepela'ingexu vote'i so mua­mua'ingenge ane ulovou masaxa noxou Mosinge. Mo a ngamulinu ne. Ia nexi tatama so tapelototo­singe no anu ualasou Tatana­nenge Iesua lexe xavingengiou avile.