Pilipai 1:7 - Ata New Testament

⁷ Ngingi ngaxolu no anu e'eleli 'o laso anu laixe so axavutalangengi axone. Xo Mosinge muiaiama noxilo so axolu akalavusu 'o xe so a'oxonu latolo mo avalaxu vaikala manina. La ngingi nge'una so ngava'isuleli no anu mukalusi.

Pilipai 1:7 Referans Kwoze

2 Kolini 7:3

Eni alemolu vaikala ano'o so ato'omengexu uasi. Xo elemolu mukalu lexe nexi telosinge oponexi laso loxo nenge'a tasoli o tamauli la mi vile so ukalipala­nenge uasi.

Pilipai 1:5

Tava'u osa noxilo ne xo musoko'u no anu voxo tei xo mo muxali avile vaimomo 'osi, la ngeva'isu no anu xaixai so talanu vaikala laixe.

2 Timoti 2:9

Alalanu la anenesi tava'u so tamitema ilosilo tu'utu'umaxu. Ilosilo tu'u­tu'uma­xusou mole mikalavusuleli aloxo eni alasikelisi. Ia mi vile uasi, xo imomomo so ikalavusunu vaika­laou Mosinge uasisi.

Kolosi 4:18

Eni Polu melo akaukavunu aso noxinge no avolo 'o. Ngingi tangengixo xo eni axolu no lakalavusu 'osio. Eni amasaxau lexe ngaxamulinu iaiama noxou Mosinge. Anu anesi.

Pilipai 4:14

Ia ngingi ne nge'oxo laixe manina so nge'una no anu tu'u­maxu noxilo 'o ka ngekalanu su'uli mune'e.

Epesusi 6:20

Xo Mosinge musosovosilo no anu xaixai so alanu vaikalaou. Elanu, laso tamitema misakileli no anu seni mo axolu akalavusu 'o. Ia mamu so a'ume, laso ngalingau mamatolasilo so alanu aloxo Mosinge umasaxau.

Epesusi 3:1

Ioxe, mo eni 'o exixao no tuatuala so e'oxonu xaixai noxou Kalaisiti Iesua so evotongengi ngingi tamitema noale'ale. Evotongengi axone xe Taiuta la'iaxa'ailo laso maixene akalavususou 'o.

Ta'aposeli 20:23

Mi ano'osi mulamana noxilo. Elailai no tuala ne'ei, la Ulenu Laixe upela'ilo lexe lakalavusu mo tu'utu'umaxu a uloxosi so axalisou ili'i.

1 Tioni 3:14

Xo loxo telavu, tei la texolu no anu soli ia tevula tela mo a taxolu no anu mauli. La tela­vusou axova? A xo nenge talavusou tasexelaxa'a tavivinge talopala. Ia ane'i ane ilavusou isexela manina uasi la ixolu no anu solisio.

2 Pita 1:13

Mo axamulinu lexe anu laixe so loxo axolu no vasimelo so lialia 'osio la a'avutinixinge so xavu­talamengi ulivuoula.

1 Pita 4:13

Ngingi a nge'una no anu navunavu e Kalaisiti mutavulenu laso loxo navunavu ne utila la osa noxinge kalumo utilasi. Mo so no voxosou Kalaisiti upala'a no iaxu avile la osa'ila noxinge ulolutusi.

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

2 Timoti 1:8

Ioxe, laso namaila so nalanu vaikalasou Tatananenge mamu. Xe eni amitema so lakalavusu xo noxou a, ia mamu so namaila­mulileli. Nini nano'u xavi noxou Mosinge so napita noxilo mo natavulenu tu'umaxusou vaikala laixe kalumo.

1 Tesalonaika 5:5

Ngingi tamitema so lamana xe asosi. Nenge tamitema so isivoxo xe olovoxo uasi.

Kolosi 4:3

La ngapilixinexi noxou Mosinge kalumo mo so anu ukisinu vote'isixe la talanu vaikalasou Kalaisiti. Vaikala ne mutalume tatei la vaimomo 'o a mupala'a 'o. Ia leviani ixililiou laso maixene akalavususou 'o.

Epesusi 4:1

Ioxe loxo elemolu, eni Polu a. Eni e'oxonu xaixai noxou Tatananenge laso maixene ekalavususou 'o. Xaixai noxilo so elanu vaikala ane Mosinge molu mu'avalinge no anu. Ngelomuxu ava ne laso atama pakia'u noxinge lexe xoluxolu noxinge ulovou ava anene.

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

2 Kolini 3:2

Xo ngingi to ne, a loxo lapasi so upala'anixu ilixomexi. La vaivai­kala so lapasi ne a uxolu no oponexi 'o so tamitema mukalusi i'itisou mo ilavusou.

1 Kolini 13:7

Mo loxo tu'umaxu uxali la anu uvau oponu tu'umaxu avile uasi. Anu uxolu mo ulopalasi lexe, “Uasi, mi vile uasi. Ili'i la Mosinge uxalixu nene'axu laixe no anu mi ano'o.” Mo so axone la anu utulu pumuxu no anu tu'umaxu anene.

1 Kolini 9:23

Opoleli ututulu so alanu vaikala laixe so Kalaisiti axone, mo so nenge nenge'a mukalusi taxalisou vaikala ne nene'axu lailaixe.

Ta'aposeli 21:33

Ioxe, mixali mukalu la tatila ne muvikalane'i ta'amiou lexe iteteli­sou Polu mo isakinu no anu seni tamei. Mukalu la mutali'i lexe, “Itema ano'o ena'ei? Anu mu'oxonu mi ma'ia?”

1 Pita 5:1

Ioxe, eni pelototo so alemolu noxi'a tamitema so saxila'u no taingengi ne. A eni kalumo amitema so saxila'u mo aa'aloxu navunavu noxou Kalaisiti e emaisou no ieli 'o. Mo nenge nenge'a taxalisou mimi lailaixe Mosinge uvelununenge no voxo loxo Kalaisiti upala'a no iaxu avile. Laso eni apelototosinge ngingi tamitema so saxila'u aloxo 'o.

Pilipai 1:12

Ioxe tavivilo, eni amasaxau lexe ngalavu aloxo 'o. Mi e muxali noxilo 'o ne anu so u'apixu vaikala laixe uasi, anu musounu musu­kusuku ane.

Pilipai 1:13

Xo ta'ami so latolosou tasou kingi Sisa xe tamotu lai 'o mukalusi milavu lexe tava'u vilela uasi, e'oxonu xaixai noxou Kalaisitisi laso maixene ekalavusou 'o.

Pilipai 1:14

Xe tavu'alo noxi'a tavivinge milavu lexe axolu akalavusu 'o la anene mu'oxo pakia'u lopala noxi'a noxou Tata­nanenge. Laso i'ume uasi, xavine'i so ilalanu vaikalaou Mosingesi.

Pilipai 2:22

Ia loxo noxou Timoti 'o la ngingi ngelavusou ilixo noxou. Anu upalasi lexe musu'ulileli so texaxaisou vaikala laixe aloxo itema olu usu'ulinu no anu xaixai noxou.

Pilipai 4:3

La nini ane vaitamixeli manina no anu xaixai, eni alinga noxine so nasu'uline'i tasema tamei no anu tu'umaxu noxi'a ne. Xo ane'i ilou miva'isuleli no anu xaixai so alanu vaikala laixe. Xe Kilemeni oli'a tavaitamixeli mose'i mipita no anu xaixai kalumo. Ane'i ne ualasi'a uxolu ukaukavunu no anu lavuku so mauli.

Pilipai 4:15

La loxo ngingi Tapilipai ngelavu, tatei mi ne elanu vaikala laixe tei xe exexesou polovinisi Masetonia la tatemanu pita vilela i'una noxilo so isu'ulileli no anu mi vile uasi. A ngingi nesi ngeva'isu no anu xaixai noxilo axone.

Vilemoni 1:13

Eni axolu akalavusu 'o xo no anu vaikala laixe la nini vote'i so nasu'uleli uasi. Laso eni emasaxau lexe noxou Onesimusi taxolui so uno'u tanixene mo usu'ulileli 'o.