Pilipai 1:5 - Ata New Testament

⁵ Tava'u osa noxilo ne xo musoko'u no anu voxo tei xo mo muxali avile vaimomo 'osi, la ngeva'isu no anu xaixai so talanu vaikala laixe.

Pilipai 1:5 Referans Kwoze

Ipilu 3:14

Ia nenge ane lopala na'a nenge manina musoko'u no tava'u mo uxolu avile umo­momo no anu telexu olele, la nenge tamitemaou Kalaisiti maninasou ane.

Vilemoni 1:17

Laso ane, loxo nasaxisilo aloxo amenexine no anu xaixai noxou Kalaisiti la na'unanu Onesimusi noxine a loxo anu a eni ne.

Pilipai 1:7

Ngingi ngaxolu no anu e'eleli 'o laso anu laixe so axavutalangengi axone. Xo Mosinge muiaiama noxilo so axolu akalavusu 'o xe so a'oxonu latolo mo avalaxu vaikala manina. La ngingi nge'una so ngava'isuleli no anu mukalusi.

1 Tioni 1:3

Nexi temaisou mo telomusou laso maixene tapala'anixu noxinge kalumo. Mo so axone la ngingi ngaxolu opongengi vilesisi noxixe xo nenge nenge'a taxolu oponenge vilesisi noxou Maminge ilou Olu Iesua Kalaisiti.

Epesusi 3:6

Mi e mutalume tatei ne aloxo 'o. Ngingi tamitema noale'ale ne, ngelomusou vaikala laixe so Kalaisiti Iesua laso ngingi kalumo ngexalisou nene'axu vavalimasou. Mo axone la ngingi kalumo ngexali loxo pa'usou vasimolu. Mo ili'i la ngingi kalumo ngaxalisou mimi lailaixe e muvavalimasou lexe noxinge ta'olu.

2 Kolini 8:1

Ioxe tavivixe, nexi tapalo mata­nangengi no anu iaiama noxou Mosinge ane mu'avutinoxu no taine'i tatemanu pitapita ne Masetonia polovinisi.

Lomu 15:26

Xo se'i noxi'a ne la'ilalixa'a mo lamoli uasi. La Mosinge ta'olu ne Masetonia xe Akaia polovinisi 'o mi'oxo laixe so mipitanu lamoli sevile so ulai noxi'a olele.

1 Tioni 1:7

Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

Pilipai 2:12

Ai tamaula, utotomu ngingi ngalavusou ngalomuxu pelototo noxilo, laso ngalomuxu ano'ola. Anu laixe so ngalomuxo loxo axolu no taingengisi uasi, xo axolu nopaxa noxinge a ia ngalomuxu pelototo ano'o laixe manina. No anu pamauli e ngexalisou mukalu la ngamama'u mo opongengi u'olo'olou so ngamomosou avile.

1 Kolini 1:9

Xo talavu lexe Mosinge uxiunu oponu uasi. Mo mi ne noxoumo, xo anu molu mu'avalinge so ta'una no anu xoluxolu noxou Olu Iesua Kalaisiti anu Tatananenge.

Lomu 11:17

Ovu ne anu ovu olivi ane evile usaxila'u. Usaxila'u xe umaisou lexe avo'avolu se'i uxa­loxalo la uxotosou uxexe. Uxoto­sou uxexe la uno'u ovu olivi samele avolu. Uno'u ukalu la utoxosou no tanixu ane muxotosou muxexe. Utoxosou ne la anu uxolu mo tava'u ovu ne ulosou leme laixe.

Ta'aposeli 2:42

Ioxe, mixolu la opone'i mutu­tulu so ilomusou votovoto noxi'a ta'apo­seli xe so isu'uline'i ngato'o xe so ipita ivelunuxa'a pileti xe so ivikala noxou Mosinge.

Lomu 12:13

Loxo tamitemaou Mosinge u'isalili se'i i'a mimi o la'ilali uasi la ngapitanu avonge so ngasu'uline'i. Xe loxo taasila ixali la ngavu'uline'i laixe. Xe aitengasinge ukisi noxi'a tamitema mukalusi.

Pilipai 1:12

Ioxe tavivilo, eni amasaxau lexe ngalavu aloxo 'o. Mi e muxali noxilo 'o ne anu so u'apixu vaikala laixe uasi, anu musounu musu­kusuku ane.

Pilipai 1:16

Ane'i ane opone'i laixe 'o, la tava'u xaixai noxi'a no anu sexelasi. Xo milavu lexe axolu no anu tanixo no lakalavusu 'o so a'oxonu latolosou vaikala laixe.

Pilipai 1:27

Ioxe, mi e mutiatila aloxo 'o. Xoluxolungenge laixe umomomo no anu vaikala laixe so Kalaisiti. Laso loxo ane'e amaisinge o loxo alomusou a'alosingesi la alavu manina lexe ngingi ngaxolu tangengi pumuxu mo vilesisi. Xe masaxa noxinge upita ka ngasoa vilesisi so ngalapune'i tamitema ilopalanu vaikala laixe nesi.

Pilipai 2:22

Ia loxo noxou Timoti 'o la ngingi ngelavusou ilixo noxou. Anu upalasi lexe musu'ulileli so texaxaisou vaikala laixe aloxo itema olu usu'ulinu no anu xaixai noxou.

Pilipai 4:3

La nini ane vaitamixeli manina no anu xaixai, eni alinga noxine so nasu'uline'i tasema tamei no anu tu'umaxu noxi'a ne. Xo ane'i ilou miva'isuleli no anu xaixai so alanu vaikala laixe. Xe Kilemeni oli'a tavaitamixeli mose'i mipita no anu xaixai kalumo. Ane'i ne ualasi'a uxolu ukaukavunu no anu lavuku so mauli.