Pilipai 1:21 - Ata New Testament

²¹ Xo loxo noxilo 'o la mauli noxilo e Kalaisitisi, xe loxo asoli la apalavasi.

Pilipai 1:21 Referans Kwoze

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

2 Kolini 5:8

Ia loxo elemolu, oponenge utulu pakia'usi mo masaxa noxinge lexe taxolu no anu tani e vasimenge 'o uasi. Tamasaxau xoluxolu so ta'unalai tatalupexa no nunisinge noxou Tatananenge avile.

2 Kolini 5:1

Ioxe, laso nenge telavu lexe vasimenge anu loxo tani alelaxu so lialia 'osi. Taxoxolu no anu ia loxo ili'i ukisilala la nenge tani maninasou a uxoxolu. Tani anene uxali no anu tamitema avo'a uasi, Mosinge molu mulalaxinu so uxolu kaluxu uasi no tualasou.

Pilipai 1:23

Xo mi tamei ulapunu opoleli. Masaxa noxilo lexe axexe mo noxou Kalaisiti tapita taxolui xo axone la lailaixe lapilai uasisi.

Kolosi 3:4

La mauli noxinge maninasou a noxou Kalaisitisi. Laso no voxo so upala'a avile la ngingi kalumo, xo ngingi ngoli'a Kalaisiti ngapala'a no anu xolu­xoluxu iaxu.

2 Kolini 5:6

Laso taxavutalanu mi ne so u'oxonu pakia'inge utotomu. Xo telavu, nenge taxolu no anu tani e vasimenge 'o la tatalupexa avile noxou Tatananenge uao.

Pilipai 1:20

Mo mi ane alopalanu xe opoleli u'oxoxu aloxo 'o. A'oxonu mi vile so atavulenu maila no anu uasi. Mo loxo amauli o asoli la amama'u uasi. Mi ma'ia a'oxonu no anu vasimelo vaimomo 'o mo ili'i avile la so a'itinu ualasou Kalaisiti no anusi.

Mupala'a 14:13

La elomusou xoli molu no tualasou Mosinge muvikala aloxo 'o, “Nini nakaukavunu vaikala ano'o. Usoko'u vaimomo 'o xe ulai ili'i la ane'i ta'ei loxo ilopala noxou Tatananenge ka isoisoli, ane'i ixalisou osa'ila tatila.” Mukalu la Ulenu muvikala lexe, “Manina. Ane'i i'osa'ilasi xo tei la sasaie'i no anu xaixai noxi'a ia ane'i a ima'ilasi. Mo xaixai loxo mi'oxonu la nene'axu laixe a uxolusi.”

Xalesia 6:14

Ia loxo noxilo la axamulinu lexe mamu so a'itinu ualasilo o mi vilela. Mi ane so a'itinu a ovu valautusou Tatananenge Iesua Kalaisitisi. Xo no anu soli noxou Kalaisiti la xavi no anu ili'ilixo so lialia musoli no anu vasimelo xe eni la esoli ekalipala no anu.

1 Kolini 1:30

Xo Mosinge molu mumulangenge noxou Kalaisiti Iesua. Mo anu anusisi vote'isinge so texalisou lavulavusou Mosinge ane u'asi'asi. Mo noxou Kalaisitisi Mosinge muxalinenge tamalema­lenga mo ukalipalanenge lexe nenge tanoxou mu'isalili. Xo no anu xaixai noxou Kalaisitisi la anu mulotonenge mo mu'ume­nenge no anu mi e mukalavusunenge tei.

Pilipai 2:21

Io ane'i leviani la opone'i ututuluou mimi noxi'amo, ixavutalanu mimi noxou Iesua Kalaisiti so ixaxaisou uasi.

1 Kolini 3:22

Xo eni Polu xe Apolosi xe Pita xe mimi no lialia mukalusi xe mauli ilou soli xe mimi ane uxolu vaimomo 'o xe uxali ili'i, mimi ne so usu'uli­ngengisi.

Pilipai 1:22

Ia loxo axolu amauli la xaixai noxilo masi uxalixu nene'axu laso eni alavu lexe a'osasou vote'i aneva uasi.