Pilipai 1:11 - Ata New Testament

¹¹ Xe ilixo ulapu ane molu noxou Iesua Kalaisiti uxalixu nene'axu mo uana'ana noxinge. Mo so tamitema imaisou la itoxu Mosinge mo i'itinu ualasou.

Pilipai 1:11 Referans Kwoze

Ipilu 12:11

Xe loxo no voxovoxo u'isalili so Mosinge upilixinu tu'umaxu so uxalisinge la nenge masi ta'osasou malaxo uasi, oponenge tu'umaxuousi. Ia loxo ilixo noxinge ulovoe laso ane, uxalixu nene'axu e xoluxolu lalavulusi mo ulapusi.

Tioni 15:8

Loxo ngingi ngaxalixu nene'axu ulolutu la anu umaxa'u lexe ngingi tatisaipelixeli. La anene vote'i so Mamilo ualasou utilasi.

Kolosi 1:10

Xe no anu muamua'ingenge la ulovou xolu­xolungenge noxou Tatana­nenge mo so u'osasou no anu teletelexu mukalusi. Xe no anu xaixai aneva laixe nga'oxonu la uxalixu nene'axu. Xe no anu lavulavu noxinge so Mosinge la ulelemesi.

Pilipai 4:17

Ia anu loxo opoleli ukakamulinu avonge temanu axone uasi. Mi ane opoleli ututuluou a so alauna noxinge uleme mo so ngingi menge ngaxalisou nene'axu laixe no latanula.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

Lomu 6:22

Ia vaimomo 'o Mosinge mu'umengengi no anu xavinu susu mo muxalixinge tamitemaou. Vaimomo 'o anu molu upamuxangengi so nga'oxonu ili'i­lixo ane no anu masaxa noxou mu'isalili. Laso nene'axu axova? Aloxo 'o. Anu molu ulosinge mauli kaluxu uasi.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

2 Tesalonaika 1:12

Laso tamitema imaisou xoluxolungenge axone la i'itinu ualasou Tatananenge Iesua mo anu kalumo uvikalasinge laixe no anu. Xo mi ne uxali no anu iaiamasi, iaiama noxou Mosinge ilou Tatananenge Iesua Kalaisitisi.

Epesusi 5:9

Ngamuamua'i no anu lamanaxu so ngaxalixu nene'axu aloxo 'o. Xoluxolu noxinge laixe mo malemalenga mo maninasi.

Epesusi 1:14

Nenge'a tamitemaou la mulosinge Ulenu Laixe so sosovo lexe ili'i la taxalisou mimi lailaixe ane muvavalimasou. Laso nenge oponenge ututulu mo ta'itinu ualasousi xo manina, mi ne uxali ane.

1 Kolini 10:31

Laso no anene la avika­langengi aloxo 'o. Loxo nga'ani o ngaie o nga'oxonu mi ma'ia la nga'oxonu so uxalixu mi vilesisi. Ane so uxalixu Mosinge ualasou utilasi.

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

1 Pita 4:14

Loxo tamitema ipupuiengixu ualasou Kalaisiti la anu mi so nga'osasousi, xo Ulenu Mosinge lailaixe misevile mo xavinu a uxolu noxinge ne.

1 Pita 2:12

Muamua'ingenge ulapusi no taine'i tamitema so isivoxo. Xo masi ikalavoisinge lexe ngingi tamitema so susu 'o, ia loxo ilixomengi laixe upala'a no ie'isi la no anu voxo loxo Mosinge une'e 'o la i'itinu ualasouxu.

1 Pita 2:5

La ngingi kalumo aloxo lavolavo'o ane uma­mauli xe no anu xavi noxou Ulenu Laixe la Mosinge a ututulusou tasou noxinge ne. Mo no anu vote'i anene anu mukalipalangengi lexe ngingi laili pilisiti noxou u'isalili. Laso Ulenu upamuxangengi so ngane'enu mo ngapilixinu mimi lexe noxou Mosinge xe anu u'osasou xo noxou Iesua Kalaisitisi.

Epesusi 2:10

Xo xoluxolu noxinge 'o ne Mosinge molu muxalixu noxou Kalaisiti Iesua. Muxalixu so tamuamua'i no anu ili'ilixo laixe e mulalaxinu tatei so lexe tamulinu.

Epesusi 1:12

La musosovosixe so nexi ane tei so telopala noxou Kalaisiti mo so ualasou utilasi.

2 Kolini 9:10

Ioxe, Mosinge molu uxalixu ngiangiaxu so itema utapu'u no xai xe anu molu uxalixu temanu so ani'anixu itema ne. La anu axonesi noxinge kalumo so ngaxaxai no anu ilixo ulapusi. Xo anu molu ulosinge mimi so ngapilipilixinu xe anu molu uxalixu nene'axu lailaixe no anu.

Tioni 15:16

Ngingi ngailouleli uasi, eni melo eiloungengi ane. Xe mukalu la esosovosinge so lexe ngingi ngalailai mo ngaxalixu nene'axu ane so uxolu avile. Laso loxo mi ma'ia ngalingau noxou Maminge no anu ualasilo la anu ulosingesi.

Tioni 15:2

Laso loxo avo'avolu noxilo ane unene'a uasi la anu uxotosou uxexe mukalusi. Io anu ane uxaxalixu nene'axu la Mamilo avo'avolusou xo upe'esou malusou mo so uxolu malemalengasi xo axone la nene'axu ulolutusi.

Lomu 15:28

Laso tei la akalusou xaixai ano'o so alaixu lamoli ne Ielusalemo. Alaixu ukalui la apolo noxinge ne so alai ne Sipeni.

Taitusi 3:14

Xe napelototosi'a tamitema­menge so ilavu laixe no anu vote'i so su'uli. Laso loxo tamitema isoti no anu mi ma'ia xe isu'uline'i la uxalixu nene'axu laixe ane.