Pilipai 1:10 - Ata New Testament

¹⁰ Mo so axone la ngingi ngatilovosou mimi mukalusi ka ngailounu aneva laixe mu'uli'uli. Laso no anu voxo noxou Kalaisiti olele la ngingi ngaxolu ngamalemalenga mo mi vile so ngamailamulinu uasi.

Pilipai 1:10 Referans Kwoze

Lomu 12:2

Mo ngingi ngamuamua'i loxo tamitema ane ixoxolu no isivoxosio uasi. Ngingi ngapilixingengi noxou Mosinge so anu uxiuxiunu xavuta­lamengi mo uxalixu alavua. Uxa­lixu alavua laso no anu xoluxolu noxinge ngingi ngamomomo so ngatilovosou masaxa noxou Mosinge. Mo axone la ngalavu no anu ilixo laixe mo ulapusi ane u'osasou.

1 Tesalonaika 3:13

Mo axone la u'oxonu xoluxolu noxinge pumuxu mo malemalengasi. Laso voxosou lailivuxu Tatananenge Iesua oli'a tamitemaou mu'isalili la Mosinge anu Maminge utongongengi lexe mi vile masua noxinge uasi.

1 Tesalonaika 5:23

Xe nexi talinga noxou Mosinge e mosou xoluxolu lalavulusi aloxo 'o. Anu uxalixu xoluxolungenge malemalenga avile. Mo anu uutululunu ulengengi mo tangengi mo vasimenge so xoluxolu noxinge pumuxusi. Mo so no voxosou lailivuxu Tatananenge Iesua Kalaisiti la mi vile masua uxolu noxinge uasi.

Lomu 2:18

Ngingi ngalavu no anu oponu mo lo ne upela'inge so ngatilovo lexe mi ma'ia laixe.

Epesusi 5:10

Mo ngatovonu so ngaxalisou lavulavu no anu ilixo ma'ia Tatananenge u'osasousi.

1 Tioni 4:1

Tamaula, tamitema masi ine'e mo ivikala lexe, “Eni eno'u vaikala ano'o noxou Ulenu a.” Ia ngalopala noxi'a avile uasi, ngatilovosou vaikalai'a lexe molu noxou Ulenu Mosinge o uasi. Xo tamitema so pela'a kalavoi to a ixixaoxao no xale tuatuala mukalusi.

Pilipai 1:6

Laso elavu manina no opoleli lexe anu ane mu'avutinoxu xaixai laixe nonano noxinge la u'oxonu axone xo mo no anu voxosou Kalaisiti Iesua la uxali ulomotele avile.

1 Tesalonaika 5:21

Ia mimi mukalusi la ngatilo­vosou mo ngakamakulunu aneva laixesi.

1 Kolini 1:8

Anu molu utetelisinge pakia'u umomomo no anu kaluxu­sou voxosinge. Xo no anu voxo so lailivu noxou la itema vile umomomo so uto'omenge uasi. Ngingi ngaxolu tamalemalenga noxou ane.

Mupala'a 2:2

No anu mi ma'ia nga'oxonu la elavusou mukalu. Elavu lexe nga'oxonu xaixai ialuxu mo ngatulu pakia'inge. Mo opongengi u'oasi'a tamitema tamasua uasi. Xe ane'i mose'i ane mi'oxo lexe ane'i ta'aposeli kalumo la ngetilovosi'a lexe ane'i mikalavoisi ane.

Epesusi 5:27

Mu'uinenge no anu vaikalaou axone xo mulalaxinu iou pita ne lexe iaxusi. Umasaxau lexe nuni'u o susu vile no anu so evile uvikalasou masua uasisi. Muma­saxau lexe pita noxou ne malemalengasi.

Tioni 1:47

Xe Iesua mumaisou Natanieli unene'e mo a so uxali noxoui, la muvikalasou lexe, “Ngamalei, itema e unene'e 'o anu so Isilaeli kena, noxou la kalavoi sevile uasisi!”

Matiu 16:23

La Iesua muxiu mo mulavixu Pita lexe, “Nini Uluaou a navikala ne. Na'apixo uasi, nalai no tumalilo. Oponeni ulovou Mosinge oponu uasi, nini a namulinu masamasaxa noxi'a tamitemasi ane.”

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

Lomu 12:9

Mo aloxo 'o. Loxo ngasexelaxa'a tamenexinge la ngasexelaxa'a manina, ngakalavoi uasi. Xe ngamatapianu ilixo masua mo ngakamakulunu ilixo laixe pakia'u.

Lomu 8:7

Tamitema ane opone'i utulu no anu sususi, la ixililiou Mosinge. Xo ane'i vote'i so imulinu lo noxou uasi manina.

Matiu 26:33

La Pita muvikalanu lexe, “Ane'i mukalusi masi i'ume'umesine, ia loxo eni la uasi manina. Axolu noxine avilesi.”

Pilipai 1:16

Ane'i ane opone'i laixe 'o, la tava'u xaixai noxi'a no anu sexelasi. Xo milavu lexe axolu no anu tanixo no lakalavusu 'o so a'oxonu latolosou vaikala laixe.

Epesusi 6:24

Ngingi ne ngasexelaxu Tatana­nenge Iesua Kalaisiti mo sexala noxinge umomomo so tasiaxu vitanisi uasi. Laso maixene ngaxa­mulinu iaiama noxou Mosingesi. Anu anesi.

Epesusi 4:15

Mamu so ta'oxo axone, ta'oxo aloxo 'o. Nenge tasexelanenge ngato'o mo talemolu vaikala maninasi. Mo so axone la taxali pakia'inge xo tano'u lemenenge noxou Kalaisitisi. Xo nenge vasimolu mo anu kisinge.

Xalesia 5:11

Ioxe tavivilo, loxo anu manina lexe vaikala so tamitema ixotosou vasime'a ne alanusio, laso axova so imamasualeli aloxo 'o? Ane'i opone'i la'iaxuou votovoto so ovu valautu alalanu 'o, ia loxo eni avalaxu ilixo so sovovo ne la umomomo so ilosilo tu'umaxu aloxo 'o uasisi.

2 Kolini 8:8

Ia amulaxu lo noxinge no anu uasi. Epela'inge lexe ane'i leviani mi'osa so isu'uli axone mo so utovonu sexela noxinge. Mo so axova, ngingi kalumo nga'osa so ngasu'uli axone o uasi?

2 Kolini 6:3

Ioxe, nexi ta'oxonu mi vile so tamitema itulaki no anu uasi xo tamasaxau lexe vaikala masuaou xaixai noxixe 'o uxali uasi.

2 Kolini 2:17

La nexi loxo tamitema leviani uasi xo ane'i la ilailai so imaketi no anu Mosinge vaika­laousi. Ia nexi 'o takalavoisou uasi xo texalisou xaixai ano'o noxou Mosinge mu'isalili. Laso taxolu noxou Kalaisiti so talanu vaikalaou no iou Mosingesi.

1 Kolini 10:32

Mo aloxo 'o kalumo. Tange­ngingenge ngato'o. Ngingi Taiuta xe Takiliki xe tatemanu pita noxou Mosinge mukalusi ne, nga'oxonu ilixo ane so uxalixu tu'umaxu no opongengi ngato'o uasi.

1 Kolini 8:13

Mi ne telexu aloxo 'o. Loxo la'ilalixo ma'ia ulapunu vivilo vile no anu susu la umomomo uasi manina. Axone la eni a'apixo no anu misoposi avile umomomo no anu kaluxusou lialia 'o.

Lomu 16:17

Ioxe tavivilo eni apelototosinge aloxo 'o. Ngingi masi ngalaxa'i laixe noxi'a tamitema se'i no taingengi. Xo ane'i masi ixalixu vaikala ane uxililiou votovoto loxo ngelomusou. I'oxo axone la masi tu'umaxu uxali la pita noxinge umamulo. Laso ngamaloxo'u vaikalai'asi.

Lomu 7:22

Xo no anu opoleli manina la a'osasou lo noxou Mosinge so amulinu.

Lomu 7:16

A'oxonu mi ane amatapianu axone, la akuluke mo a'oxo lexe, “Ai manina, lo noxou Mosinge ne uvikala mulapusi.”

Ta'aposeli 24:16

Laso utotomu opoleli ututulu pakia'u lexe a'oxonu mi vile so amaila no ie'i tamitema o no iou Mosinge uasi.”

Tioni 3:20

Tami­tema so ilixo masua mukalusi imatapianu lamana mo ine'e no anu lamana uasi xo loxo 'o io ilixone'i upala'asi.

Pilipai 2:16

Xe ngatolosou vaikala so mauli noxi'a. Mo so no anu voxo noxou Kalaisiti olele la tava'u osa noxilo a ngingi nesi. Xo upala'a lexe eni esoa mo sasaieli no taingengi, la epuleli uasi.