Pilipai 1:1 - Ata New Testament

¹ Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Pilipai 1:1 Referans Kwoze

2 Kolini 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o so ulai noxinge tatemanu pita noxou Mosinge ne Kolini ne. Xe ulai noxi'a tamitemaou Mosinge u'isalili ta'ei ixoxolu no xale tuatuala no Akaia polovonisi.

Lomu 1:1

Eni Polu a. Eni amitema so xaixai noxou Kalaisiti Iesua. Anu molu mutulusilo so axali aposeliou mo musosovosilo so alanu vaikala laixe noxou Mosinge.

Taitusi 1:1

Eni Polu a. Eni amitema so xaixai noxou Mosinge xe eni aposeliou Iesua Kalaisiti. Anu mupalusilo so a'oxonu pakia'u lopala noxi'a tamitema ane Mosinge musoso­vosi'a lexe tanoxou. Mo so ilavu­lavu no anu vaikala manina e ulovo u'isalili no anu masaxa noxou.

1 Timoti 3:8

Mo axone kalumo noxi'a tami­tema so su'uli. Xo itema so su'uli ne anu uxolaxola uasi, anu oponu utulu no anu xaixai noxousi. Anu itema so uxiuxiunu vaikalaou uasi. Xe anu itema so usipaki uasi mo uisuisuxu lamoli uasi.

2 Tesalonaika 1:1

Eni Polu xe Sailasi xe Timoti a. Nexi takaukavunu lapasi ano'o ulai noxinge tatemanu pita ne Tesalo­naika. Ngingi ne ngaxolu noxou Mosinge anu Maminge xe noxou Tatananenge Iesua Kalaisiti.

1 Tesalonaika 1:1

Eni Polu xe Sailasi xe Timoti a. Nexi takaukavunu lapasi ano'o ulai noxinge tatemanu pita ne Tesalonaika. Ngingi ne ngaxolu noxou Mosinge anu Maminge xe noxou Tatananenge Iesua Kalaisiti laso eni amasaxau lexe ngingi ngaxamulinu iaiama mo xoluxolu lalavulusi noxi'a.

Epesusi 1:1

Eni Polu a. No anu masaxa noxou Mosinge la anu mutulusilo so lexe eni a aposeliou Kalaisiti Iesua. Eni akaukavunu lapasi ano'o ulai noxinge tamitemaou Mosinge u'isalili ne Epesusi. Ngingi ne ngaxolu noxou Kalaisiti Iesua mo lopala noxinge ututulu noxousi.

Lomu 1:7

Laso lapasi ano'o ulai noxinge ngingi Talomu ane Mosinge muse­xelangenge mo mukalipalangengi lexe noxou mu'isalili. Masaxa noxilo lexe ngingi ngaxa­mulinu iaiama mo mamatola noxou Mosinge anu Maminge xe Tatana­nenge Iesua Kalaisiti.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

Tiemisi 1:1

Eni Tiemisi a, eni amitema so xaixai noxou Mosinge xe noxou Tatananenge Iesua Kalaisiti. Eni akaukavunu lapasi ano'o so ulai noxinge ngingi so laili 12 noxi'a Ta'isilaeli e ngepaxepaxele mo a ngatalupexa no anu xale tuatuala mose'i. Avikala aso noxinge.

1 Timoti 1:2

Eni akaukavunu lapasi ano'o ulai noxine Timoti. Nini loxo alixeli manina no anu lopala xo eni melo evotoneni. Eni amasaxau lexe nini naxamulinu iaiama mo mamatola mo xoluxolu lalavulusi noxou Mosinge anu Maminge ilou Kalaisiti Iesua anu Tatananenge.

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Iuti 1:1

Eni Iuti a. Eni amitema so xaixai noxou Iesua Kalaisiti mo eni avimou Tiemisi a. Eni akaukavunu lapasi ano'o ulai noxinge tami­tema ane Mosinge molu mu'ava­linge. Ngingi ne Mosinge anu Maminge usexelangenge misevile xe Iesua Kalaisiti a u'oxo lato­losinge.

1 Pita 2:25

Tatei xoluxolungenge vuluvu­lusi aloxo tasipisipi ivaxa ine'e 'osi. Ia vaimomo 'o ngingi ngelivu ngene'e mukalu noxou Tatanane'i tasipisipi e ulavusou u'oxo latolosou tangengi.

Taitusi 1:7

Xo itema so uvu'ulinu pita axone la xoluxoluxu lamanasi no ie'i tamitema xo anu so ulaxa'inu xaixai noxou Mosinge. Anu itema so usoune'i tamitema so imulinu masaxa noxoumo uasi. Anu itema so la'iaxu palea uasi xe itema so usipaki uasi. Xe itema so u'oto uasi mo kalumo oponu ututuluou lamoli ilou mimi so vasimenge uasi.

Ipilu 13:23

Mo amasaxau so ngalavu lexe ane'i mipilixinu vivinge Timoti mula no anu lakalavusu. Loxo anu upalea uxali noxilo la noxou talai noxinge ne.

2 Tesalonaika 1:10

Ia loxo nenge tami­temaou mu'isalili la taxolu ta'itinu ualasou no anu voxo loxo une'e ne. Mo ngingi ngelomuxu vaika­lamexi no taingengi laso ngingi kalumo ngaxolu so nenge'a talo­pala mukalusi tatoxu Tatananenge ne.

1 Tesalonaika 2:2

La ngelavu lexe texolu ne Pilipai mala'o mine taxali noxinge uao la ane'i milosixe tu'umaxu mo tetavulenu navunavusou. Tetavu­lenu navusou ia texali noxinge la Mosixe mu'oxo pakia'ixe mo ta'ume uasi. Xilili mu'oki ia pumunexe so telanu vaikala laixe noxou Mosinge.

Epesusi 1:15

Ioxe, eni elomusou a'alosou lopala noxinge noxou Tatananenge Iesuasi. Mo elomu lexe ngingi tamitemaou Mosinge mu'isalili ngasexelangenge ngato'o.

1 Kolini 16:10

Ia aloxo 'o. Loxo Timoti ulai uxali noxinge la ngavalaxu laixe mo so oponu uai se'isisi no anu xaixai noxou. Xo anu u'oxonu xaixai noxou Tatananenge a loxo eni 'osi.

Mupala'a 19:10

Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Ta'aposeli 9:13

Ia Ananaiasi mukolinu lexe, “Tata­naleli, eni elomusi'a tamitema tavu'alo ipitanu anaxa'aou itema anene. Ia'aloxu ilixo masumasua anu u'oxonu noxi'a tamitemameni u'isalili ne Ielusalemo.

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Maki 13:34

Aloxo 'o. Loxo itema vile u'umesou tasou so uxixao ulai nopaxa. So ulutu la utulusi'a tamitema so xaixai noxou no anu xaixai noxi'a vilevilesi. Mo itema so ulo no aitenga la upeloto­tosou lexe uloxu laixe xo ulavusou voxosou lailivuxu uasi.

Mupala'a 22:9

Ia anu muvikalaleli aloxo 'o, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine tamitema so pela'a xe ane'i ane ilomuxu vaikala no anu lavuku 'o. Na'itileli uasi, na'itinu Mosingesi.”

Mupala'a 2:12

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Pelexamumi. Eni ane laviso anaxu xalevile tamei ula no anaxo 'o. Akalanu vaikala ano'o ulai noxinge.

Mupala'a 2:8

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Semelena. Eni ane tei xe eni kaluxu uasi a. Eni ane esoli ka emauli mo a axoxolu 'o. Akalanu vaikala ano'o ulai noxinge.

Mupala'a 1:20

Xo nemaisou tataoto 7 no avolo tema xe lalamo koli 7 a ututulu. Anu so latilovo mo laxu mutalume ia apala'anixu noxine aloxo 'o. Tataoto 7 ne anu soso­vosi'a ta'angelo 7 no anu pita 7 vilevilesi. Xe lalamo 7 ne anu usosovosou pita 7 ne.

Ta'aposeli 1:20

Xe Pita muvikala aloxo 'ola, “Teviti mukaukavunu no anu lavuku so Lexelexe aloxo 'o, 'Tanixu ne usivu, evile uxolu nela uasi.' Xe no anu mautunu vilela muvikala lexe, 'Itema vilela uno'u tanixu so u'uli laxune'i tamenexu.'

Xalesia 1:10

Xo axova, nga'oxo lexe alemolu vaikala ano'o so tamitema i'osasilo o so Mosinge u'osasilo? Eni sasaieli so axilisine'i tamitema, ne? Uasi to, xo loxo eni opoleli ututulu lexe tamitema i'osasilosi, la vote'i so axolu amitema so xaixai noxou Kalaisiti uasisi.

Xalesia 3:26

Xo ngingi mukalusi ngepita noxou Kalaisiti Iesua no anu vote'i e so lopalasi laso maixene ngingi Mosinge ta'olu ane.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

Epesusi 6:24

Ngingi ne ngasexelaxu Tatana­nenge Iesua Kalaisiti mo sexala noxinge umomomo so tasiaxu vitanisi uasi. Laso maixene ngaxa­mulinu iaiama noxou Mosingesi. Anu anesi.

Pilipai 2:5

Anu laixe so tangengi iou vilesisi aloxo noxou Kalaisiti Iesua.

Pilipai 2:19

Ioxe, eni alopalanu Tatananenge Iesua lexe anu u'oxonu vote'i so maxuveni uasi la apalusou Timoti une'e noxinge. Mo so loxo ua'alo­ngenge noxilo no anu lailivuxu la u'avutinoxu osa noxilo.

Pilipai 3:3

Ia uasi, sosovo manina noxou uxolu noxinge nenge'a ta'ei ane Ulenu upamuxanenge so ta'itinu Mosinge ualasou. Mo nenge ane tatoxu Kalaisiti Iesua xe talopalanu mi vile no anu vasimenge so usu'ulinenge uasisi.

Pilipai 3:8

La anenesi uasi, loxo noxilo la mimi no lialia mukalusi anu mi so usu'asi. Xo eni atongonu lavulavusou Kalaisiti Iesua anu Tatanaleli lexe mi lailaixe mo uua'ulixu mimi ne mukalusi avile. Xo noxou Kalaisitisi, la esu'anu mimi ne mukalusi aloxo moso­moso 'osi mo so ateteli noxoumo.

Pilipai 3:12

La eni avikala lexe exalisou ilixou Kalaisiti mukalusi mo exali itema laixe loloni uasi. Ia eni asoa so lexe axalisou mo ateteli no anu mi nesi xo anu mi e Kalaisiti Iesua mutetelisiloxu anesi.

Vilemoni 1:1

Eni Polu a, eni amitema so lakalavusu xo no anu xaixai noxou Kalaisiti Iesuasi. Nexi noxou vivinge Timoti a takaukavunu lapasi 'o so ulai noxine Vilemoni. Nini vivixe ane tasexelaxene mo namenexixe no anu xaixai 'o.