Mupala'a 7:4 - Ata New Testament

⁴ La elomusi'a ilemolu navasi'a tamitema so ixalisou sosovo ne lexe 144,000. Isosovosi'a no anu laili noxi'a Ta'isilaeli mukalusi.

Mupala'a 7:4 Referans Kwoze

Mupala'a 14:1

Ioxe, emaleila la emaisou Sipisipi Ilie a mututulu no anu la'olu Saioni. La oli'a tamitemaou 144,000. La noxi'a tamitemaou ne ualasou Sipisipi Ilie xe ualasou Momu a muxolu no alaie'i.

Mupala'a 14:3

La ane'i latala ne mitulu no laxunu sia kingi noxou Mosinge xe no laxune'i tamimi tami'a oli'a tatiatila 24 olele. Mitulu la milexenu lexe vile alavua. Tamitema 144,000 e Mosinge molu mulotone'i so mu'umene'i no lialia ne, ane'isi imomomo so ilavusou lexe ne, evilela uasi.

Luku 22:30

Xo no voxo loxo eni a'uli laxune'i temitemaxeli la ngingi ngaxolu nonano so nga'ani mo ngaie no latevolo noxilo ne. Mo ngingi ngatalupexa no anu sia kingi so ngatilovosou ili'ilixone'i laili 12 noxi'a Ta'isilaeli.”

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Ta'aposeli 26:7

Tamitema so laili 12 noxixe Taiuta mukalusi opone'i ututulu so ixomaiou nene'axu vavalima anene. Ixoxomaiou mo no anu aso xe olovoxo ane'i i'itinu Mosinge ualasousi. Ia Kingi, nalomu, opone'i axone la eni kalumo, ia ane'i a ito'omeloxu lopala noxilo 'o.

Mupala'a 9:16

La emaisi'a ta'ami mitaluta­lupexa noxi'a ta'osi. La elomusou mile­molu navasi'a lexe 200 milioni.

Tiemisi 1:1

Eni Tiemisi a, eni amitema so xaixai noxou Mosinge xe noxou Tatananenge Iesua Kalaisiti. Eni akaukavunu lapasi ano'o so ulai noxinge ngingi so laili 12 noxi'a Ta'isilaeli e ngepaxepaxele mo a ngatalupexa no anu xale tuatuala mose'i. Avikala aso noxinge.

Lomu 9:27

Xe Aisaia muvikalasi'a Ta'isilaeli aloxo 'ola, “Manina lexe Ta'isilaeli ixali ilolutu loxo io'io'i 'o. Ia ane'i utuxa'asi ixalisou pamauli.

Mupala'a 7:5

Laso miso­sovosi'a tamitema aloxo 'o. Tamitema 12,000 no anu laili noxou Iuta. Xe 12,000 no anu laili noxou Lupeni. Xe 12,000 no anu laili noxou Xati.

Luku 14:22

Ioxe, itema so xaixai mulai xo xe mulivu mune'e la muvikalanu lexe, 'Tilao, e'oxo loxo nelemolu mukalu. E'avali'a tamitema anene mo a mi'una ia tanitanixa'a tamitema se'i a uxolusio.