Mupala'a 5:6 - Ata New Testament

⁶ Ioxe, emalei loxo 'o la Sipisipi Ilie vile a ututulu nonixi manina no anu sia kingi e muxolu no taine'i tamimi tami'a oli'a tatiatila. Ututulu la musaxi loxo sipisipi ilie ane tamitema mivau ka musoli. Anu komonu 7 xe iou lavo'onu 7 kalumo. Anene usosovosou Mosinge Ulenu ane noxou 7 e Mosinge mupalusou so uxolu no lialia mukalusi.

Mupala'a 5:6 Referans Kwoze

Mupala'a 5:12

Sila ane'i mukalusi mipatanu anaxa'a mo mivikala tatila lexe, “Sipisipi Ilie e mivau musoli a. Anu anusisi laixe umomomo so tavika­lasou laixe. Anu u'uli laxunu mimi mukalusi mo mimiou mulolutusi mo lavulavu noxou mutoxoxa'a mo anu mosou xavi. Laso nenge tavikalasou ili'ilixo noxou laixe mo ta'itinu ualasou mo ta'osa'ilasou misevile.”

Tioni 1:29

Xe no voxo loxo nei'ela la Tioni mumaisou Iesua a umuamua'i une'e noxou la Tioni muvikala lexe, “Ngamalei, anene Sipisipi Ilie noxou Mosinge ane! Anu mosou e so uxexenu susu noxi'a tatemanu lialia.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Tioni 1:36

La anu mumaisou Iesua a umaumua'i sila muvikala lexe, “Ngamalei, anene Sipisipi Ilie noxou Mosinge ane!”

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

Ta'aposeli 8:32

Itema tila ne a u'itisou vaikala vile ane uxolu no anu lavukuou Mosinge aloxo 'o. “Anu mu'italonu mumuline'i loxo tasipisipi i'oxo loxo tamitema so ive'a. Xe anu mutomunu anaxu mo muxolu tasiau loxo tasipisipi ta'ili'a i'oxonu no voxo loxo tamitema ixotosou laxusi'a.

Mupala'a 22:3

La tu'utu'umaxu ane mukasi'a tami­tema no lialia tatei ne uxolula uasi. Xe sia kingi noxou Mosinge ilou Sipisipi Ilie uxolu ne. Mo ane'i tamitema so xaixai noxou ixolu i'itinu ualasou.

Mupala'a 22:1

Ioxe, emaisou mimi ne mukalu la angelo mulosoielixu lexa vile. Anu lexa so mauli ane. Anu lamana e lamana loxo laxalasi 'o. Lexa ne molu no anu sia kingi noxou Mosinge ilou Sipisipi Ilie.

Mupala'a 21:23

Xe kalumo no taoni ne la tava'u so aso ilou so'io iiesou uasisi. Xo iaxu Mosinge a ulusou lamanaxu mo Sipisipi Ilie anu uxolu loxo lalamosou kalumo.

Mupala'a 17:14

La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

Mupala'a 12:11

Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Mupala'a 6:16

Mi'u­me'ume la mi'ava no anu la'ola'olu xe lavolavo'o lexe, “Auo, ngane'e ngasu'asixe mo ngatalumeixe noxou anu ane utalupexa no anu sia kingi. Mo ngautululunexi no anu la'ia noxou Sipisipi Ilie.

Luku 1:69

No anu laili noxou itemaou Teviti anu mutulusou itema xavinu so upa­mau­linenge.

Mupala'a 4:8

La tamimi tami'a ne vivivisi'a 6 mukalusi. Ie'i ie'i musu'asou vasi­me'a mo muxolu no laxu vivisi'a kalumo. Mo kakau olovoxo ivikala lexe, “Tatananenge anu Mosinge anusisi U'uli'uli. Anu malema­lenga. Anu malemalenga. Anu malemalenga. Anu muxolu tei tei manina mo a uxoxolu vaimomo 'o mo anu une'e uxolu ili'i avile.” Ane'i ixolu ivikala axone mo italo uasi.

Mupala'a 5:11

Ioxe, esaxila la ta'angelo talaixe tavu'alo mixolu ne. Ane'i milolutu e milolutusi, tautauseni e tautauseni, ta'itisi'a uasisi. La ta'angelo mixi­xaosi'a tamimi tami'a oli'a tatiatila ane mixolu alai no anu sia kingi.

Mupala'a 5:13

Mo kalumo elomusi'a tamimi mukalusi ane Mosinge mukoinu mipitanu anaxa'a. Tamimi e no tualasou Mosinge xe no lialia xe no laxu lialia xe no luaki. Mipitanu anaxa'a la mivikala aloxo 'o, “Anu ane utalupexa no anu sia kingi ilou Sipisipi Ilie a. Ta'osa'ilasi'a misevile mo tavika­lasou ili'ilixo noxi'a laixe mo ta'itinu ualasi'a xo ane'i ixolu i'uli laxunenge ulai ulai kaluxu uasi.”

Mupala'a 5:14

La tamimi tami'a mivivikala lexe, “Ani manina misevile.” La tatiatila milalusi so mitangatulu mo mi'itinu ualasi'a ilou.

Mupala'a 14:1

Ioxe, emaleila la emaisou Sipisipi Ilie a mututulu no anu la'olu Saioni. La oli'a tamitemaou 144,000. La noxi'a tamitemaou ne ualasou Sipisipi Ilie xe ualasou Momu a muxolu no alaie'i.

Mupala'a 21:22

Xe no taoni ne la amaisou tasou Mosinge vile uasi xo Tatananenge anu Mosinge U'uli'uli ilou Sipisipi Ilie ne ane'i me'a a ixolu no taine'i tatemanusi.