Mupala'a 5:13 - Ata New Testament

¹³ Mo kalumo elomusi'a tamimi mukalusi ane Mosinge mukoinu mipitanu anaxa'a. Tamimi e no tualasou Mosinge xe no lialia xe no laxu lialia xe no luaki. Mipitanu anaxa'a la mivikala aloxo 'o, “Anu ane utalupexa no anu sia kingi ilou Sipisipi Ilie a. Ta'osa'ilasi'a misevile mo tavika­lasou ili'ilixo noxi'a laixe mo ta'itinu ualasi'a xo ane'i ixolu i'uli laxunenge ulai ulai kaluxu uasi.”

Mupala'a 5:13 Referans Kwoze

Pilipai 2:10

Mo so loxo ualasou Iesua upala'a la tami mukalusi no tualasou Mosinge xe no lialia xe no laxu lialia la ixolasou tava'a so imaxa'u mama'u noxi'a.

Mupala'a 5:3

Mu'ava axone ia evile no tualasou Mosinge xe no lialia 'o xe no laxu lialia umomomo so ulokenu mo u'itisou lavuku ne uasi.

Mupala'a 5:12

Sila ane'i mukalusi mipatanu anaxa'a mo mivikala tatila lexe, “Sipisipi Ilie e mivau musoli a. Anu anusisi laixe umomomo so tavika­lasou laixe. Anu u'uli laxunu mimi mukalusi mo mimiou mulolutusi mo lavulavu noxou mutoxoxa'a mo anu mosou xavi. Laso nenge tavikalasou ili'ilixo noxou laixe mo ta'itinu ualasou mo ta'osa'ilasou misevile.”

Lomu 11:36

Anu anusisi tava'u mimi mukalusi. Mo xo anu uxoxolu laso maixene mimi uxoxolu 'o. Manina misevile, mimi mukalusi ne uxoxolu so u'oxonu ualasou utilasi. Laso nenge kalumo taxolu ta'itinu ualasou ulai ulai utalo uasi.

1 Pita 5:11

Anu anusisi ne u'uli laxunu mimi mukalusi ulai ulai kaluxu uasi. Vaikala ano'o maninasi.

Luku 2:14

“Ta'itinu ualasou Mosinge e uxoxolu teitexi avile. Xe noxi'a tamitema no lialia ane Mosinge u'osasi'a la ixolu lalavu­lusi.”

Mupala'a 6:16

Mi'u­me'ume la mi'ava no anu la'ola'olu xe lavolavo'o lexe, “Auo, ngane'e ngasu'asixe mo ngatalumeixe noxou anu ane utalupexa no anu sia kingi. Mo ngautululunexi no anu la'ia noxou Sipisipi Ilie.

Iuti 1:25

Mosinge anu mosou pamauli­singe xo muxalixu a noxou Iesua Kalaisiti anu Tatananenge. Laso nenge ta'itinu ualasou xo anusi iaxu mo anu kingi u'uli'uli mo xaviou ilou ualasou uua'ulixu mimi muka­lusi. Tei no anu voxovoxo la anu uxoxolu, xe uxoxolu vaimomo, xe uxoxolu ili'i kaluxu uasi. Vaikala ano'o maninasi. Anu anesi.

Lomu 16:27

Ai manina misevile. Mosinge anu anusisi lavulavuou. Laso nenge masi taxavutalanu mimi ane mupala'a­nixu no avolu Iesua Kalaisiti. Taxavutalanu mo ta'itinu ualasou ulai ulai utalo uasi. Anu anesi.

Lomu 9:5

Muvavalima tei noxi'a ta'ilusu­ne'i Apala'amuena. La Kalaisiti muxali itema xo nenu mivo'onu no anu laili anene. Mivo'onu la Kalaisiti ne anu Mosinge ane Mu'uli'uli Avile, laso ta'itinu ualasou ulai utalo uasi.

Mupala'a 5:6

Ioxe, emalei loxo 'o la Sipisipi Ilie vile a ututulu nonixi manina no anu sia kingi e muxolu no taine'i tamimi tami'a oli'a tatiatila. Ututulu la musaxi loxo sipisipi ilie ane tamitema mivau ka musoli. Anu komonu 7 xe iou lavo'onu 7 kalumo. Anene usosovosou Mosinge Ulenu ane noxou 7 e Mosinge mupalusou so uxolu no lialia mukalusi.

Mupala'a 1:6

Xe anu kingi na'a nenge mo taxolu noxou, laso nenge tapilisiti noxou Mosinge anu Maminge. Ioxe manina, laso ta'itinu ualasou Iesua Kalaisiti teitexi manina so anu u'uli laxu­nenge ulai ulai kaluxu uasi.

1 Pita 4:11

Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.

Epesusi 3:21

Avikala manina aloxo 'o. Laixe so nenge tatemanu pita noxou Kalaisiti Iesua ta'itinu ualasou Mosinge voxovoxo utotomu ulai utalo uasi.

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Matiu 6:13

Mo na'oxonu latolosixe mo so tovotovo ukasixe uasi. Na'ume­nexi no anu susu. Xo nini naxolu na'uli laxunu mimi muka­lusi xe xavineni misevile xe ualasine utiatila avile ulai ulai xo mo kaluxu uasisi. Vaikala ano'o manina.

1 Timoti 4:16

Nini nalaxa'i laixe no anu muamua'ixene mo votovoto noxine. Xo loxo natalo uasi la naxalisou nene'axu laixe no anu xoluxolu noxine xe noxi'a ane'i ane ilomuxu vaikalameni.

Tioni 1:29

Xe no voxo loxo nei'ela la Tioni mumaisou Iesua a umuamua'i une'e noxou la Tioni muvikala lexe, “Ngamalei, anene Sipisipi Ilie noxou Mosinge ane! Anu mosou e so uxexenu susu noxi'a tatemanu lialia.

Mupala'a 5:1

Ioxe, anu ane mutalupexa no sia kingi mutetelisou lavuku vile no avolu tema. Lavuku ne lapepa veveni ia mupipisi. Anu kaukavu no anu xalevile xe xalevile. Lapepa veveni mupipi ne utei no anu tanixu 7 so uvula uasi. Mutei, la no anu keniteli lexaxu ane sosovo muxolu no anu.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.