Mupala'a 3:5 - Ata New Testament

⁵ Ane'i tamitema so iua'uli ne eni asu'asi'a no anu lavuluti kea ne. Mo umomomo uasi manina so axexenu ualasi'a no anu lavuku so mauli. Axexenu uasi, alemolu no laxunu Mamilo xe no laxune'i ta'angelou.

Mupala'a 3:5 Referans Kwoze

Matiu 10:32

Xe muvikala aloxo 'ola, “Eni avikalangengi lexe ena'ei uvikala lamana no ie'i tamitema lexe anu vile noxilo la eni avikala lamana no iou Mamilo ane uxolu no tualasou lexe itema anene eni na'a xelimo.

Mupala'a 21:27

Ia mi ane malemalenga uasi xe tamitema ane i'oxonu ili'ilixo ane loxo tuma'u masua noxou Mosinge xe vaikala kalavoi la umomomo uasi manina so u'unalai ne. Ane'isi ane ualasi'a uai no anu lavuku so mauli noxou Sipisipi Ilie la ixolu no taoni ne, evilela uasi.

Mupala'a 20:15

La tamitema ta'ei ane ualasi'a uxolu no anu lavuku so mauli uasi, la ane'i muka­lusi misu'a no taxa so navu kalumo.

Luku 12:8

Xe muvikala aloxo 'ola, “Eni avikalangengi lexe ena'ei uvikala lamana no ie'i tamitema lexe anu vile noxilo la eni Itema ane melo noxou Mosinge avikala lamana no ie'i ta'angelou Mosinge lexe itema anene eni na'a xelimo.

Mupala'a 17:8

Aloxo 'o. Mi vova e nemaisou mukalu, tei anu muxolu ia vaimomo 'o uxolula uasi. Ia anu a so utelo ula no taxa e ulu'elai avile. Utelo ukalu la ulai uxalisou mamulosi. La tamitema no lialia mukalusi ikulukemolu mi vova xo imaisou muxolu tei xe uxolu vaimomo 'o uasi ia ili'i uxolula. Tamitema anene Mosinge ukauka­vunu ualasi'a uasi no anu lavuku so mauli mi ne ukoinu lialia uao.

Mupala'a 20:12

Mukalu la emaisi'a tamitema ane misoisoli mukalusi a mitulu no laxunu sia kingi. Ane'i tamitema tatiatila xe tamitema vitavitanisi a mitulu ne. La ane'i ta'angelo mixavulalanu lavulavuku ane ili'ilixone'i tami­tema muxolu mukaukavu no anu. Xe mixavulalanu lavuku so mauli kalumo. Mukalu la anu ane muta­lupexa no anu sia kingi muititi no anu lavulavuku ne so utilovosi'a tamitema no anu ili'ilixo mi ma'ia mi'oxonu.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Pilipai 4:3

La nini ane vaitamixeli manina no anu xaixai, eni alinga noxine so nasu'uline'i tasema tamei no anu tu'umaxu noxi'a ne. Xo ane'i ilou miva'isuleli no anu xaixai so alanu vaikala laixe. Xe Kilemeni oli'a tavaitamixeli mose'i mipita no anu xaixai kalumo. Ane'i ne ualasi'a uxolu ukaukavunu no anu lavuku so mauli.

Mupala'a 19:8

Xo Mosinge mulosie lavuluti kea lailaixe ane muvalukea mo male­malengasi.” Lavuluti kea lailaixe ne anu usosovosou ili'ilixo male­malenga noxi'a tamitemaou mu'isa­lili.

Mupala'a 22:19

Xe loxo evile uxexenu vaikala sevile no anu lavuku so pela'a 'o la Mosinge u'apixu no anu mimi lailaixe e lavuku 'o ua'aloxu. U'apixu laso itema ne u'ani no anu ovu so mauli uasi mo u'unalai no anu taoni noxou Mosinge u'isalili uasi.

Mupala'a 3:4

Ia ane'i se'i noxinge so pita ne Salitisi la elavusi'a lexe nuni uxolu no anu lavuluti noxi'a uasi. Laso noxi'a la a'osasi'a so lavuluti kea usu'asi'a so noxi'a tamuamua'i.

Iuti 1:24

Ioxe, Mosingesi umomomo so ulaxa'ingengi mo so ngatulaki ngalapau uasi. Mo anusi umo­momo so uxalixinge no anu tanixu iaxu no tualasou. Xe loxo ngatulu no iou ne la no anu osa'ilasi xo susu vile noxinge so usaxisou uasisi.

Luku 10:20

Ia mi e ngelemolu lexe ta'angelo tamasua ilomu­ngenge ne, anu mi so nga'osasou malaxo to uasi. Mi e so nga'osasou manina ane so ualasinge a mukaukavu no tualasou Mosinge.

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.

Mupala'a 6:11

Mivikala axone ia milosi'a lavuluti kea veveni noxi'a vilevilesi mo mivi­kalane'i aloxo 'o, “Ngaxolu mo ngama'ila sevile 'o. Ngaxolu xo taxilili a ive'ave'a tavivinge tami­tema so xaixaisio. Xo xe navasi'a umomomo no anu sosovosoui laso ane, Mosinge u'oxonu loxo ngekatu no anu.”