Mupala'a 3:11 - Ata New Testament

¹¹ Xo maxuveni uasi la eni ane'e noxinge. Laso mi ane ngexalisou no anu vaikalaxeli la ngatulu pakia'inge no anu. Xo uasi, la masi evile ulapungengi mo ngaxalisou palaisi na'a ngingila uae.

Mupala'a 3:11 Referans Kwoze

Tiemisi 1:12

Laso anu laixe noxou itema ane utulu pumuxu no anu tu'umaxu loxo utovonu lopala noxou. Xo uxolu uua'uli no anu xo xe ukalu la Mosinge ulosou palaisisou. Palaisi ne anu mi so mauli kaluxu uasi ane muvavalimasou noxi'a ane'i ane isexelaxu.

Mupala'a 22:12

La Iesua vaikalaou aloxo 'o, “Ngalomu, eni so apalea ane'e noxinge 'o. Ane'e la ano'u lakolisou ili'ilixo noxi'a tamitema vilevilesi so apilixinu noxi'a.

Mupala'a 2:10

Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.

Mupala'a 2:25

Ia avikalangengi lexe ili'ilixo laixe ane ngatetelisou ne la ngakamakulunu xo mo eni ane'e noxinge.

2 Timoti 4:8

La palaisi na'a xeli so itema uuini no anu lesisi a mulalaxi muai mukalu xo Mosinge mumoxo'ilo lexe eni alapu no iou. Xe Tatananenge e mosou tilovo mulapusi, la ulosilo palaisi ne no anu voxo olele. Ia enisi uasi, anu ulosi'a ane'i mukalusi ane opone'i u'oxoxu voxo so pala'axu kalumo.

2 Timoti 2:5

Xe vile, la noxou itema so ulesisi. Xo loxo umulinu votevote'i so lesisi u'isalili uasi, la anu umomomo uasi so uno'u palaisi so itema uuini.

Mupala'a 22:20

La anu ane mupala'anixu mimi mukalusi 'o a uvikala aloxo 'o, “Ani, eni so apalea ane'e noxinge ane.” Uo manina misevile, Tatana­nenge Iesua nane'esi.

Mupala'a 1:3

Laso ena'ei u'itisou o ulomusou vaikala so pela'a 'o mo ulomuxu, la uxalisou osa no anu xoluxoluxu xo voxosou nene'axu a so uxali.

Mupala'a 4:10

Tamimi i'oxo axone laso tatiatila 24 itangatulu mo ixolasou tava'a no laxunu anu ane utalupexa no sia kingi ne. Mo i'itinu ualasou xo anu ane uxolu kaluxu uasi ane. Mo ati koli no kisi'a ne ino'u so ipilixinu no tava'u. La ivikala aloxo 'o,

1 Kolini 9:25

Xe noxi'a tamitema so isipoti la opone'i ututulu so iuinisi laso i'oxonu mi vile no anu vasime'a vuluvulusi uasi. No anu xoluxolu noxi'a la i'isalilinoxu masaxa mukalusi no anu mi vilesisi e so ino'u palaisi olele. Ia anu palaisi ne uai ka u'uisi. Ia loxo palaisi ane so nenge tano'u la u'ui uasi, uxolu avilesi.

Mupala'a 3:3

Xe vaikala laixe nge'osasou mo ngelomuxu mala'o la tangengioula. Ngaxiunu opongengi so susu noxinge mo nga'isalilinoxu no anu vaikala anenela. Xo loxo ngatulu no anu ai ne uasi la eni ane'e akulukengengi a loxo itema so pakali. La ngala­vusou voxosilo uasi ane, axali noxingesi.

Mupala'a 4:4

La sia 24 muxixaosou sia kingi ne. Mo emaisi'a tatiatila 24 a mitaluta­lupexa no anu. Ane'i mitalupexa la lavulutii'a kea veveni xe no kisi'a la ati koli a loxo takingi ilavusou itanu.

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 22:7

Laso ngalomu. Iesua muvikala aloxo 'o, 'Eni a so apalea ane'e noxinge 'o.' Xe itema ane ulomuxu vaikala so pela'a no lavuku 'o la uxalisou osa'ilasi.

Tiemisi 5:9

Tavivilo, ngakalakalapu noxinge ngato'o mamu xo loxo 'o io Mosinge utilovosou ilixomengi kalumo lexe masua. Ngalomu, anu ane so utilovosou mi ma'ia ta'oxonu a unene'e mo a no aitenga sesi.

Pilipai 4:5

Anu laixe so upalasi no ie'i tamitema latala lexe opongengi lexasi noxi'a tamenexinge. Mo ngalavu aloxo 'o, Tatananenge alaimanasi.

Mupala'a 16:15

La Tatananenge vaikalaou aloxo 'o, “Ai ngalomu. Ane'e la tamitema ikulukemelo aloxo ikulukemolu itema so pakali. Laso ngingi la ngaai uasi, ngasakinu lavalava so ngaxolu ngalalaxi. Mo so axone la ngaxalisou osa. Xo loxo uasi la ngingi loxo itema ane ukuluke xe ula mo uxalisou maila no ie'i tamitema xo pangapanga'usi.”