Mupala'a 22:16 - Ata New Testament

¹⁶ Eni Iesua a. Eni ane epalusou angeloxeli une'e noxinge. Mune'e la pelototosi'a tatemanu pitapita la muvulunu noxinge. Eni e vuvulu'u kingi Teviti mo eni a ilusunu a. Eni taoto ane uiei tatila no maxasesela.”

Mupala'a 22:16 Referans Kwoze

Mupala'a 5:5

Etatama ia vile noxi'a tatiatila ne muvikalaleli lexe, “Natama uasi, natalo. Xo nalomu. Laioni vile muxali no anu laili noxou Iuta. Anu ilusunu Teviti. Anu muua'uli laso anu umomomo so ulokesou sosovo 7 no anu lavuku mo uxavulalanu.”

2 Pita 1:19

Mi e tesaxi­sou ne muvalaxu vaikalai'a tapo­lopeti e uxolu no anu Mosinge vaikalaou laso maixene lopala noxixe no anu pakia'u e pakia'u avilesi. Vaikala ne anu loxo lalamo so uka no anu tanixu isivoxo xo mo Kalaisiti uxali uieisou opongengi aloxo taoto so maxasesela uiei no loxotolo. Laso anu laixe so ngingi kalumo xavutalamengi ututuluou vaikala anenesi.

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

Mupala'a 22:20

La anu ane mupala'anixu mimi mukalusi 'o a uvikala aloxo 'o, “Ani, eni so apalea ane'e noxinge ane.” Uo manina misevile, Tatana­nenge Iesua nane'esi.

Matiu 22:42

“Ngingi ngaxavutala axova, anu ane so Kalaisiti, ne anu so uxali ena'ei olu?” La ane'i mikolinu lexe, “A Teviti ilusunu.”

Mupala'a 22:6

La angelo muvikalaleli aloxo 'ola, “Vaikala ano'o uxalixu nene'axu mo anu maninasi. Tatananenge anu Mosinge ulavusou u'avutinoxu ulene'i tapolopeti so ilanu vaika­laou. Anusi a mupalusou angelou so upela'a tamitema so xaixai noxou no anu mimi ane a so uxali.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Matiu 2:2

Mixali la mitalitali'i lexe, “Keakea e so kingi noxi'a Taiuta a uxolu ne'ei? Nexi texolu no tualasixe no aso uxali la temaisou taoto vile so musoso­vosou laso tene'e so taitinu ualasou.”

Mupala'a 3:22

Anu ane, loxo itema sangalou la ulomuxu vaikalaou Ulenu Laixe anu upili­xinu noxinge no anu pitapita.”

Mupala'a 3:13

Anu ane, loxo itema sangalou la ulomuxu vaikalaou Ulenu Laixe anu upili­xinu noxinge no anu pitapita.”

Mupala'a 3:6

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita.”

Lomu 9:5

Muvavalima tei noxi'a ta'ilusu­ne'i Apala'amuena. La Kalaisiti muxali itema xo nenu mivo'onu no anu laili anene. Mivo'onu la Kalaisiti ne anu Mosinge ane Mu'uli'uli Avile, laso ta'itinu ualasou ulai utalo uasi.

Mupala'a 22:11

Laso ane. Ta'ei ane isususu la isususi. Xe ta'ei ane i'oxonu ilixo nuni'u la i'oxonusi. Ia ta'ei ane i'oxonu mimi ulapusi la i'oxonusi. Xe ta'ei ane Mosinge musosovosi'a lexe tanoxou mu'isa­lili la ikalipalane'i lexe ane'i tanoxousi ane.”

Mupala'a 22:1

Ioxe, emaisou mimi ne mukalu la angelo mulosoielixu lexa vile. Anu lexa so mauli ane. Anu lamana e lamana loxo laxalasi 'o. Lexa ne molu no anu sia kingi noxou Mosinge ilou Sipisipi Ilie.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Luku 1:78

Xo Mosinge oponu mamalaxu mo u'oxonu iaiama la upalusou Tatananenge molu teitexi une'e. Anu uxali loxo aso uxali no loxotolo.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Matiu 22:45

"Ioxe, Teviti mulemolu lexe anu Tatananu, laso vote'i axova so anu uxali Teviti ilusunu?”

Matiu 1:1

Ioxe, ano'o nanasou Iesua Kalaisiti. Iesua anu ilusunu Teviti xe Teviti anu ilusunu Apala'amu.

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

Lomu 15:12

Xe Aisaia kalumo mukaukavunu no anu Mosinge vaikalaou lexe, “Kingi alavua no anu laili noxou Iesi uxali. Anu uxali la u'uli laxune'i tamitema noale'ale. Mo lopala noxi'a utulu noxousi.”

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Luku 20:44

La Teviti molu mulemolu Itema ane Mosinge musosovosou ne lexe Tatananu. Laso vote'i axova so Tatananu Teviti ne anu muxali ilusunu?”