Mupala'a 21:7 - Ata New Testament

⁷ Laso noxi'a tami­tema ane iua'uli la mimixeli mukalusi apilixinu noxi'a xo eni axolu a Mosi'a xe ane'i ixolu ta'alixeli ane.

Mupala'a 21:7 Referans Kwoze

2 Kolini 6:18

Xe eni axolu a maminge mo ngingi ngaxolu ta'alixeli.” Vaikalaou Tatananenge U'uli'uli axone.

Ipilu 8:10

Ia no anu konitalaki alavua eni a'oxonu noxi'a laili Ta'isilaeli ili'i la aloxo 'o. Eni amulaxu lo noxilo no anu alaie'i mo akaukavunu no anu opone'i. La eni axolu a Mosi'a xe ane'i ixolu tamitemaxeli.

Mupala'a 21:3

Mukalu la elomusou xoli molu no sia kingi muvikala tatila aloxo 'o, “Ngamalei, tasou Mosinge a uxoxolu noxi'a tamitema mo so anu utalupexa no taine'i. Laso ane'i ixolu tamitemaou mo anu Mosinge molu a uxolu noxi'a.

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Matiu 19:29

Xe noxi'a ta'ei ane mipilixinu tasi'a xe tavimovimo'a tamulu xe tasema xe tamami'a xe taneni'a xe ta'ili'a xe xaixa'a xo no anu ualasilo la ixalisou lakolisou upita no latanu e lapilai uasisi. Mo ane'i ixalisou mauli kaluxu uasi kalumo.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

1 Pita 3:9

Xe loxo tamitema isusunixinge la ngasu­sunixi'a so ngakoline'i uasi. Xe loxo ivikalasinge masua la ngakoline'i no anu vaikala masua uasi. Ngakoline'i aloxo 'o. Nga­lingau su'ulisou xoluxoluxa'a noxou Mosinge, xo mi e mu'ava­lingexu a so ulosinge xoluxolu laixe.

Mupala'a 2:25

Ia avikalangengi lexe ili'ilixo laixe ane ngatetelisou ne la ngakamakulunu xo mo eni ane'e noxinge.

Maki 10:17

Mukalu xe Iesua so ulutu umuamua'i la itema vile muiave mune'e muxali noxou. Muxali noxou la muxolasou tava'u no laxunu, la mutali'i lexe, “Tisa laixeo, eni a'oxonu mi ma'i so axalisou mauli kaluxu uasi?”

Matiu 25:21

La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxine la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'

Lomu 8:14

Xo tamitema ta'ei ane Ulenu Mosinge upamuxane'i la ane'i Mosinge ta'olu ane.

Lomu 8:19

Mo aloxo 'o. Mimi ane Mosinge mukokoinu ne loxo uxoxomaiou mo utatamasou voxo anene kalumo. Uxoxomaiou voxo ane Mosinge musosovosou so xoluxolu laixe noxi'a ta'olu upala'a.

2 Kolini 6:16

Mo axovala, nenge ta'unanu momosi'a kalavoi no anu tasou Mosinge? Uasi to! Xo nenge a tasou Mosinge e umamauli. Mi ne Mosinge mulemolu tatei aloxo 'o, “Eni axolu nonano noxi'a mo amuamua'i no taine'i. La eni axolu a Mosi'a xe ane'i ixolu tami­temaxeli.”