Mupala'a 21:1 - Ata New Testament

¹ Ioxe, emaleila la emaisou loxotolo alavua xe lialia alavua xo loxotolo ilou lialia ane tei tasiauxu mo mukalu avile. Mo luaki uxolula uasi.

Mupala'a 21:1 Referans Kwoze

2 Pita 3:13

Ia vavalima noxou Mosinge lexe anu uxalixu loxotolo alavua ilou lialia alavua mo so anu tanixu xoluxolu mulapusi. Laso mi anenesi a taxolu taxomaiou 'o.

Mupala'a 21:5

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

2 Pita 3:10

Ia voxo noxou Tatananenge uxali alaxu vilesisi aloxo itema so pakali uxali ukulukene'i tamitema. La voxo ne luluxu toxoxu ka loxotolo umamulosi xe aso mo so'io mo tataoto xe lialia ilou mimi no anu u'ela mole kavukunoxusi.

Mupala'a 20:11

Ioxe, ieli muka loxo 'o la emaisou sia vile noxou kingi. Anu kea mo toxoxu e toxoxu. La emaisou evile muxolu no anu sila lialia ilou loxotolo mi'umolu mo tasiauxu avilesi.

Mupala'a 13:1

Ioxe, emalei la emaisou mi vova vile mupa no luaki. Anu kisou 7 xe komonu 10. La ati aini loxo noxi'a takingi 10 mumomoxu komokonu. Xe no kisokisou la ualauala. Ualauala ne so anu ulu'enu Mosinge ualasou mo uxililiou no anu.

Lomu 8:21

Xo vaimomo anu mimi anu loxo uxolu ukalavusu xo u'uiui mo uxaloxalosi. Ia ili'i la Mosinge ta'olu ixalisou xoluxolu lalavulusi. Mo axone, la mimi ane Mosinge mukokoinu ne uxalisou xoluxolu laixe kalumo.

Mupala'a 6:14

Xe loxotolo muxexe a loxo mo'e ilokenu so ipipinu. Xe la'ola'olu mo ailani no luaki kalumo muvula muxexe no anu tanitanixu.