Mupala'a 2:7 - Ata New Testament

⁷ Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Mupala'a 2:7 Referans Kwoze

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

Matiu 11:15

Itema loxo sangalou la ulomuxu vaikala ano'o.”

Mupala'a 13:9

Loxo itema sangalou la ulomuxu vaikala ano'o.

Matiu 13:43

Xe noxi'a ane'i ane ixolu nonano so Mami'a molu u'uli laxune'i la lamanaxa'a a loxo aso 'osi. Itema loxo sangalou la ulomuxu vaikala ano'o.”

Matiu 13:9

Itema loxo sangalou la ulomuxu vaikala ano'o.”

Mupala'a 22:14

Ioxe, ane'i ane mi'uinu lavu­lutii'a la i'osa'ilasi xo ane'i imomomo so i'ani no anu ovu so mauli. Mo ane'i imomomo so i'unalai no anu aitengaxu taoni, evile u'apixa'a uasi.

Mupala'a 21:7

Laso noxi'a tami­tema ane iua'uli la mimixeli mukalusi apilixinu noxi'a xo eni axolu a Mosi'a xe ane'i ixolu ta'alixeli ane.

Luku 23:43

La Iesua mukolinu lexe, “A avika­laneni manina aloxo 'o. Masi 'osi nengei taxolu no tualasou Mosinge lailaixe.”

Mupala'a 22:17

La Ulenu olie Sipsipi Ilie semau mivikala aloxo 'o, “Nane'e 'o.” Xe ta'ei loxo ilomuxu vaikala ano'o la ane'i kalumo ivikala lexe, “Nane'e 'o.” Laso ena'ei usolixu lexa la une'esi. Une'e uie no anu lexa so mauli xo anu lapesou uasi.

Maki 7:15

Loxo itema u'ou mi vile so u'una no vasimolu la umomomo so u'oxonu masua no iou Mosinge uasi. Ia mi ane a uxoxolu no anu itema oponu xe loxo uxalixu nene'axu, la anenesi u'oxonu masua no iou Mosinge.

Mupala'a 22:2

Molu no anu sia kingi la mupolo no anu tainu vote'i tatila so taoni ne. No anu pa'umolu lexa, xalevile xe xalevile la ovu so mauli a mutulu. Anu unene'a umulinu so'ioso'io vilevilesi. Laso axone la uxalixu ngiangiaxu iou 12 u'isalili no anu so'ioso'io ne. Xe volovoloxu la anu loxo lamalasini so upaipoune'i tatemanu xale tuatuala.

1 Kolini 2:10

Mimi anene mutalume ia Mosinge mupala'anixu noxinge noxou Ulenu Laixe. Xo Ulenu Laixe utongonu mimi mukalusi. Mimi e mu'asi'asi noxou Mosinge kalumo la Ulenu utongonu ane.

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Mupala'a 15:2

Mo kalumo emaisou mi vile loxo luaki ia titilosi. La navu mu'ani'ani no anu. Xe emaisi'a tamitema latala a itutulu no pa'umolu luaki titilo ne mo itetelisou mi loxo kitakita noxou Mosinge. Ane'i tamitema anene miua'ulixu mi vova ilou mi e tamitema mixalixu so usaxi loxo anu xe navasou ualasou kalumo.

Mupala'a 14:13

La elomusou xoli molu no tualasou Mosinge muvikala aloxo 'o, “Nini nakaukavunu vaikala ano'o. Usoko'u vaimomo 'o xe ulai ili'i la ane'i ta'ei loxo ilopala noxou Tatananenge ka isoisoli, ane'i ixalisou osa'ila tatila.” Mukalu la Ulenu muvikala lexe, “Manina. Ane'i i'osa'ilasi xo tei la sasaie'i no anu xaixai noxi'a ia ane'i a ima'ilasi. Mo xaixai loxo mi'oxonu la nene'axu laixe a uxolusi.”

Maki 4:9

Iesua muti­lovo axone mukalu laso muvika­lane'i lexe, “Itema loxo sangalou la ulomuxu vaikala ano'o.”

Luku 8:8

Ia uiti ngiaxu se'i mulapau no lia lailaixe la muleme xe unene'a laixe mo ai'ainu vilevilesi muxalixu 100.” Iesua mutilovo axone mukalu laso mu'ava lexe, “Itema loxo sangalou la ulomuxu vaikala ano'o.”

1 Tioni 2:13

Tamamilo 'o, eni akaukavu ulai noxinge xo ngingi ngelavusou anu ane muxolu tei tei manina mune'e avile 'o. Ngingi tamaulu kalumo, akaukavu ulai noxinge xo ngingi a ngeua'u­lixu mosou susu to ne.

Maki 7:16

Itema ena'ei sangalou la ulomuxu vaikala ano'o.”