Mupala'a 17:9 - Ata New Testament

⁹ Ioxe, loxo itema lavulavuou u'asi'asi la mi 'o upala'a noxou. Anu kisou 7 ne usosovosou la'ola'olu 7 e sema mitalupexa no anu.

Mupala'a 17:9 Referans Kwoze

Mupala'a 13:18

Laso loxo ena'ei lavulavuou laixe, la mi 'o masi upala'a noxou. Upala'a noxou xo utongonu nava noxou mi vova ne lexe anu nava noxou itema vile. La anu nava noxou 666.

Mupala'a 17:7

Ioxe, angelo muvikalaleli lexe, “Tanenilili xo ma'ia? Eni apala'a­nixu laxu latilovosie sema. Xe apala'anixu latilovo so mi vova e utavulene 'o, ane kisou 7 mo komonu 10.

Mupala'a 17:18

Xe noxie sema e nemaisie la isosovosou taoni toxoxu e u'uli laxune'i takingi so lialia mukalusi.”

Mupala'a 17:3

Angelo muvikalaleli mukalu laso Ulenu Laixe mupamuxaleli mo mulaixilo no xale lia esi'esi. Sila emaisie sema vile mitalupexa noxou mi vova e lauoinu. Xe no vasimolu mukalusi la ualauala tavu'alo masua so ulu'enu Mosinge ualasou mo uxililiou no anu. La mi vova ne kisou 7 xe komonu 10.

Mupala'a 13:1

Ioxe, emalei la emaisou mi vova vile mupa no luaki. Anu kisou 7 xe komonu 10. La ati aini loxo noxi'a takingi 10 mumomoxu komokonu. Xe no kisokisou la ualauala. Ualauala ne so anu ulu'enu Mosinge ualasou mo uxililiou no anu.

Matiu 24:15

Ioxe, Iesua musolonu vaika­laou, ia itema ena'ei u'itisou la uxavutalanu laxu laixe. Muvikala aloxo 'o, “Laso ili'i la ngamaisou mi e so matapia mo mamulo uxolu no tanixu malemalenga. Vaikala­sou mi ne Mosinge mupolonu noxou polopetiou Tanieli tatei.

Matiu 13:11

La anu muvika­lane'i aloxo 'o, “Vaikala so voxo ane Mosinge molu u'uli laxune'i tamitemaou no tualasou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a levianila uasi.