Mupala'a 17:8 - Ata New Testament

⁸ Aloxo 'o. Mi vova e nemaisou mukalu, tei anu muxolu ia vaimomo 'o uxolula uasi. Ia anu a so utelo ula no taxa e ulu'elai avile. Utelo ukalu la ulai uxalisou mamulosi. La tamitema no lialia mukalusi ikulukemolu mi vova xo imaisou muxolu tei xe uxolu vaimomo 'o uasi ia ili'i uxolula. Tamitema anene Mosinge ukauka­vunu ualasi'a uasi no anu lavuku so mauli mi ne ukoinu lialia uao.

Mupala'a 17:8 Referans Kwoze

Mupala'a 17:11

Xe noxou mi vova ane muxolu tei ia vaimomo 'o uxolu uasi la anu vile noxi'a takingi 7 ne. Anu vile noxi'a xe ili'i la uxali 8-sia kalumo, ia anu so uxalisou mamulo ane.

Mupala'a 11:7

Ioxe, ilou ixolu ilanu vaikalaou Mosinge xo xe ukalui laso ane. Mi vova molu no taxa e ulu'elai avile olele utelo so u'otoxa'a. U'otoxa'a xola uua'ulixa'a mo uve'a ilou isoli.

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

Mupala'a 3:5

Ane'i tamitema so iua'uli ne eni asu'asi'a no anu lavuluti kea ne. Mo umomomo uasi manina so axexenu ualasi'a no anu lavuku so mauli. Axexenu uasi, alemolu no laxunu Mamilo xe no laxune'i ta'angelou.

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Mupala'a 20:12

Mukalu la emaisi'a tamitema ane misoisoli mukalusi a mitulu no laxunu sia kingi. Ane'i tamitema tatiatila xe tamitema vitavitanisi a mitulu ne. La ane'i ta'angelo mixavulalanu lavulavuku ane ili'ilixone'i tami­tema muxolu mukaukavu no anu. Xe mixavulalanu lavuku so mauli kalumo. Mukalu la anu ane muta­lupexa no anu sia kingi muititi no anu lavulavuku ne so utilovosi'a tamitema no anu ili'ilixo mi ma'ia mi'oxonu.

Taitusi 1:2

Mo asu'uline'i so ixolu ilopalanu mauli kaluxu uasi ane Mosinge muvavalimasou tatei loxo mi vile uxali uao. Xo loxo telavu, anu ukalavoi uasi ane.

Epesusi 1:4

Xo no voxo loxo Mosinge ukoinu mimi no lialia uao, la anu musosovosinge noxou Kalaisiti mukalu. Musosovosinge lexe nenge taxolu tamalemalenga mo talapusi no iou.

Tioni 17:24

Papa, amasaxau lexe ane'i ane nepilixine'i lexe tanoxilo la ixolu kalumo no apu e so alai no anu. Xo amasaxau lexe ane'i isaxisilo mi ne axolu no anu tanixo iaxu mu'uli'uli e nepilixinu noxilo ne. Nepilixinu noxilo xo nasexelaxomo mi ne lialia uxali uao.

Mupala'a 20:15

La tamitema ta'ei ane ualasi'a uxolu no anu lavuku so mauli uasi, la ane'i muka­lusi misu'a no taxa so navu kalumo.

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Ta'aposeli 15:18

Xo eni elalaxinu opoleli so xaixai anene tei tei manina.'”

1 Pita 1:20

Tei manina loxo Mosinge ukoinu lialia uao la musovosou Kalaisiti lumamo no anu xaixai ane so ulotongengi ngalivu noxou. Laso vaimomo 'o no anu kaluxusou voxovoxo 'o la anu mupala'a so usu'ulingengi.

Luku 8:31

La ane'i milinga noxou Iesua pakia'u lexe upalusi'a ilai no taxa ane ulu'elai avile mamu.

Luku 10:20

Ia mi e ngelemolu lexe ta'angelo tamasua ilomu­ngenge ne, anu mi so nga'osasou malaxo to uasi. Mi e so nga'osasou manina ane so ualasinge a mukaukavu no tualasou Mosinge.

Mupala'a 17:2

Ane'i takingi so xale tuatuala oli'a tatemanu lialia milailai noxie so i'oxonu ilixo nuni'u. Milailai la ilixo nuni'u ne muxovulaulaunixi'a a loxo itema uie mo usipaki.”