Mupala'a 14:7 - Ata New Testament

⁷ Ioxe, xolinu tatila so mulanu vaikalaou aloxo 'o, “Voxosou Mosinge utilovosi'a tamitema no lakoti a muxali 'oe. Laso ngamama'u noxou Mosinge mo nga'itinu ualasou. Xe ngavi­kalasou ili'ilixou laixe xo anu mukoinu loxotolo ilou lialia mo luaki mo lexa luxuluxu.”

Mupala'a 14:7 Referans Kwoze

Mupala'a 15:4

Tatananexi, nini ninisisi nelapusi. Laso vote'i so tamitema ixililiieni uasi. Ane'i mukalusi imama'u noxine mo ivikalasou ualasine laixe. Mo tamitema so tuatuala mukalusi ine'e no laxuneni so i'itineni xo mimi ane ne'oxonu malemalengasi a mupala'a.”

Mupala'a 11:18

Tami­tema so isivoxo no tuatuala la'iaxa'a ia vaimomo 'o la'ia noxine u'oki mo upala'asi. Xo tamitema loxo misoi­soli la voxosi'a so natilo­vosi'a no anu lakoti a muxali 'oe. Ia loxo tamitema so xaixai noxine e tapolopeti xe tamite­mameni u'isalili xe ane'i ta'ei imama'u mo ilu'ene'i noxine, loxo tamitema vitanisi o tatiatila, la voxo so nalosi'a lakolisou lailaixe a muxali kalumo. Ia noxi'a tami­tema so mamulo la nini namamu­lone'isi.”

Mupala'a 4:11

“Nini Tatananexi mo nini Mosixe. Ninisisi nalaixe so tami­tema i'itinu ualasine mo ia'aloxu ilixo noxine laixe mo itoxu xavi noxine. Xo nini nekoinu mimi mukalusi, mo muxali no anu masaxa noxinemo.”

Mupala'a 11:13

La no voxo anene kalumo uni'uni tatila uxali no taoni ne. Laso loxo takalipalanu uxali pa'usou 10, la pa'usou vile uma­mulo avile. Xe no anu uni'uni ne tamitema isoisoli navasi'a umo­momo no anu 7000. La ane'i loxo ixoxolusio imama'u laso i'itinu ualasou Mosinge e uxoxolu no tualasou lailaixe.

Mupala'a 18:10

Ane'i imaisi'a tate­manu taoni ne itavu­lenu tu'umaxu misevile la i'ume mo itulu nopaxa so isu'anu ie'iousi. La itama lexe, 'Iauo, iauo mala­menge Vavilonio. Taoni toxoxu mo xavinuo. Axovae, no anu aso iou vilesisi la nexalisou mamulosou ilixo noxinesi.'

Mupala'a 16:9

La aso ialuxu mu'oki e mu'oki mo muxutu lala'a tamitema ia ixiunu opone'i mo so i'itinu ualasou Mosinge uasi. Ane'i milemolu vaikala masua so mipu­puiou ualasou xo mimi tu'utu'u­maxu ne muxali no anu xavi noxousi.

Mupala'a 4:9

Laso tamimi ne i'itinu ualasou mo itoxu mo imaxa'u osa'ilasou anu ane utalupexa no anu sia kingi ne. Anu ane uxolu kaluxu uasi.

Ta'aposeli 14:15

“Ai tami­temao, loxova so nga'oxonu mi ane xo ne? Nexi 'o nexi tami­temasi, nenge nenge'a ienge vilesisi. Nexi noxou tene'e so taa'alomengixu vaikala laixesi mo so ngapilixinu ili'ilixo vuluvulusi aloxo nga'oxonu 'o. Ngapilixinu mo ngaxiungengi noxou Mosinge ane anusisi a uxoxolusi. Anu Mosinge ane mu'oxonu loxotolo ilou lialia xe luaki oli'a tatemanu.

Mupala'a 19:5

Xe xoli molu no anu sia kingi noxou Mosinge muvikala aloxo 'o, “Ngingi tamitema so xaixai noxou Mosinge, ngingi ane ngamama'u noxou, ngingi tamitema vitavi­tanisi o ngingi tatatila, ngingi mukalusi ne nga'itinu ualasou Mosingesi.”

Mupala'a 8:10

Ioxe, angelo tatalusi'a mutaunu piuka noxou la taoto vile toxoxu mulapau no loxotolo mulu'e la anu mu'ani loxo telu 'osi. Mulapau la loxo takalipalanu lexalexa mo luxuluxu uxali pa'usou tatalu la taoto ne muatasou pa'usou vile no anu mukalusi.

Luku 17:18

Axova, vilela ulivu une'e so u'itinu Mosinge ualasou uasi? Itema ano'osi so tuala va'axu mo, ne?”

Mupala'a 18:19

La ivaxanu lamulo no alaie'i la mitama tatila mo miielieli mole ie'i lexaxu munixinixi. La mivikala lexe, 'Iauo, iauo, mala­menge taoni toxoxu. Ane'i tamosou lasipi mukalusi mixalisou lamoli tatila no anu. Ia aso iou soxu vilesisi la musu'a avile.'

Mupala'a 18:17

Mixolu no latanu lamoli xe mimi lailaixe axone ia aso iou soxu vilesisi la musu'a avilesi.' La takepiteni xe tapasitia xe tamitema so xaixai no anu lasilasipi mukalusi xe tamitema ta'ei loxo ikalanu lakakoxa'a no anu lasilasipi so ixalisou lamoli la mitulu nopaxa no anu taoni ne Vaviloni.

1 Pita 4:7

Ioxe, kaluxusou mimi mukalusi a so uxali 'oe. Laso ngatilovo laixe mo ngapamuxanu ilixomengi laixe mo so axone la ngaxolu se'isisi so ngavivikala noxou Mosinge.

Matiu 25:13

La Iesua muvikala lexe, “Anu axone. Ngingi ngalo laixe xo ngalavusou voxo so Tatanangengi uxali uasi ane.”