Mupala'a 14:4 - Ata New Testament

⁴ Ane'i ne ilai noxi'a tasema so i'oxonu ilixo nuni'u uasi, mi'apixa'a laixe no anu. Xe loxo Sipisipi Ilie ulai ne'ei la ane'i imulinusi. Ane'i laili tei ane Mosinge ilou Sipisipi Ilie milo­tone'i milivu noxi'a.

Mupala'a 14:4 Referans Kwoze

Mupala'a 3:4

Ia ane'i se'i noxinge so pita ne Salitisi la elavusi'a lexe nuni uxolu no anu lavuluti noxi'a uasi. Laso noxi'a la a'osasi'a so lavuluti kea usu'asi'a so noxi'a tamuamua'i.

2 Kolini 11:2

Mosinge u'oxo latolosi'a tamite­maou mo so mi vile ulapune'i ixexesou uasi. La anu axonesi noxilo xo eni esosovosinge lexe ngingi tanoxou Kalaisitisi. Eni loxo itema usaxane vuanga male­malenga ilai so itaula'ixu mulue.

Tiemisi 1:18

Anu molu muma­saxausi, laso no anu vote'i e so vaikala temanu anu manina la muxalixinge. Muxalixinge axone mo so nenge taxolu laili ane u'uli'uli no taine'i tamimi mukalusi e mukoine'i.

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Tioni 10:27

Xo ane'i tasipisipi ane tanoxilo la ilomuxu xolileli mo eni alavusi'a xe ane'i ilavusou imulilelisi.

Mupala'a 17:14

La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

1 Kolini 6:20

Xo anu mulotongengi no anu lape mutia­tila e mutiatila musuku. Laso no anu vasimenge xe ulengengi ne la nga'oxonu mi ane so u'itinu ualasousi, xo anu noxoumo.

Tioni 8:12

La Iesua muvikalane'i tamotu ne aloxo 'ola, “Eni 'o lamana so lialia a. Ena'ei ane umulileli la mua­mua'ixu no anu isivoxo la uasi, anu lamana so mauli uxolu noxousi.”

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

Epesusi 1:14

Nenge'a tamitemaou la mulosinge Ulenu Laixe so sosovo lexe ili'i la taxalisou mimi lailaixe ane muvavalimasou. Laso nenge oponenge ututulu mo ta'itinu ualasousi xo manina, mi ne uxali ane.

1 Kolini 16:15

Tavivilo eni apelototo pakia'u noxinge aloxo 'o. Ngingi ngalavusi'a laili noxou Sitevanasi lexe ane'i tei noxinge no anu lopala ne Akaia polovinisi. Mo ngalavu lexe ane'i opone'i ututulu so isu'uline'i tamitemaou Mosinge u'isalili.

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

Tioni 13:37

Ia Pita muvik­lanu lexe, “Tatananexi, loxova so eni amulineni alala'e se 'o ua'? Eni a elalaxi so apilixinu maulixo mole asolisine avile 'o.”

Matiu 25:1

Ioxe, Iesua musolonu vaikalaou lexe, “No anu voxo olele so Mosinge molu u'uli laxune'i tami­temaou no tualasou la latilovosou aloxo 'o. Tavuanga 10 milai no vote'i so ialaxu itema vile mutaula'i alavua. La mino'u lalamo xo masi olovoxoie'i.

Matiu 8:19

Xe itema vile so lavulavu no anu lavuloto mune'e la muvikalanu Iesua lexe, “Tisao, no tuala aneva loxo nini nalai no anu la eni amulinenisi ane.”

1 Timoti 4:3

Xo tamitema ane xo ne ivikala lexe tatavunenge no anu taula'i mo no anu la'ilali iouiou. Ia la'ilali anene Mosinge mukoinu mo so nenge ta'ei talavusou mo talopalanu vaikala manina la tavikala laixe noxou ka ta'ousi.

1 Kolini 7:28

Laso loxo ngataula'i la mi vile uasi, anu susu uasi. Xe loxo tavuanga itaula'i ne la itaula'isi, isusu uasi ane. Ia eni talelilingenge ngingi loxo ngataula'i axone xo anu masi ialuxu no anu xoluxolu so vasimenge.

Matiu 19:12

Ngalomu. Tami­tema se'i imomomo no anu taula'i uasi. Xo ane'i se'i no voxo loxo taneni'a ivo'one'i la vasime'a umomomo no anu uasi. Xe se'i la tamitema ixotone'i so ipala uasi. Xe se'i la opone'i ututuluou voxo so Mosinge molu u'uli laxune'i tamitemaou no tualasou mo ixaxaisou mi nesi, laso i'apixa'a no anu taula'i. Itema aneva oponu uloxu vaikala ano'o la ulomuxusi.”

Epesusi 5:27

Mu'uinenge no anu vaikalaou axone xo mulalaxinu iou pita ne lexe iaxusi. Umasaxau lexe nuni'u o susu vile no anu so evile uvikalasou masua uasisi. Muma­saxau lexe pita noxou ne malemalengasi.

Ipilu 12:23

Mo ngexali no anu pita tatila noxi'a talaposalaxa'a ane ualaualasi'a muxolu mukau­kavu no tualasou Mosinge. Mo noxou Mosinge anu Tiasi noxi'a tamitema mukalusi. Mo noxi'a ta'ulene'i tamitema talapusi ane muxalixi'a tamalemalenga.

Mupala'a 21:22

Xe no taoni ne la amaisou tasou Mosinge vile uasi xo Tatananenge anu Mosinge U'uli'uli ilou Sipisipi Ilie ne ane'i me'a a ixolu no taine'i tatemanusi.

Mupala'a 21:23

Xe kalumo no taoni ne la tava'u so aso ilou so'io iiesou uasisi. Xo iaxu Mosinge a ulusou lamanaxu mo Sipisipi Ilie anu uxolu loxo lalamosou kalumo.