Mupala'a 14:3 - Ata New Testament

³ La ane'i latala ne mitulu no laxunu sia kingi noxou Mosinge xe no laxune'i tamimi tami'a oli'a tatiatila 24 olele. Mitulu la milexenu lexe vile alavua. Tamitema 144,000 e Mosinge molu mulotone'i so mu'umene'i no lialia ne, ane'isi imomomo so ilavusou lexe ne, evilela uasi.

Mupala'a 14:3 Referans Kwoze

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.

Mupala'a 14:1

Ioxe, emaleila la emaisou Sipisipi Ilie a mututulu no anu la'olu Saioni. La oli'a tamitemaou 144,000. La noxi'a tamitemaou ne ualasou Sipisipi Ilie xe ualasou Momu a muxolu no alaie'i.

Mupala'a 15:3

Mitulu la milexenu lexe noxou itema so xaixai noxou Mosinge e Mosisi. Mo milexenu lexe noxou Sipisipi Ilie kalumo. Lexe ne aloxo 'o, “Tatananexi nini Mosixesi. Nini Na'ulu'ulisi. Mi ma'ia na'oxonu la xavinu mo lailaixesi. Ili'ilixo noxine malemalenga mo maninasi. Nini Kingi so tuatuala mukalusi.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

1 Kolini 2:14

Ia tamitema ane Ulenu Mosinge uxolu noxi'a uasi la ane'i ixililiou mimi lailaixe noxou ne xo ilavusou uasi. Ane'i i'oxo lexe mi xovulaulausi ane. Ia nenge tamitema ane Ulenu uxolu noxinge la ta'osasou mimi lailaixe noxou xo anu usu'ulinenge so tatongonu laixe.

1 Kolini 1:18

Avikala aloxo 'o. Tamitema so imamulo loxo ilomusou vaikalasou soli noxou Iesua no ovu valautu, la i'oxo lexe anene vaikala xovulau­lausi. Ia nenge tamitema ane Mosinge a upa­maulinenge la talo­palanu lexe manina ane. Talopala axone laso maixene vaikala anene vote'isou xavi noxou so upamau­linenge.

Mupala'a 7:4

La elomusi'a ilemolu navasi'a tamitema so ixalisou sosovo ne lexe 144,000. Isosovosi'a no anu laili noxi'a Ta'isilaeli mukalusi.