Mupala'a 11:3 - Ata New Testament

³ Xe eni apalusi'a tamite­maxeli tamei so ilanu vaika­laxeli. La ilou isakinu lavalava so tama mo ixolu aso 1260 ne so ilanu vaikala so pela'asi.

Mupala'a 11:3 Referans Kwoze

Mupala'a 12:6

Ia sema ne mi'ume milai no xale lia esi'esi la mixolu no tanixe Mosinge mulalaxinusie. Mixolu so ane'i ia'a'ane umomomo anu aso 1260.

Mupala'a 11:2

Ia matamataunu noale no tasou Mosinge la naua'ulixusi, natilovosou uasi xo anene tanixa'a tamitema noale'alesi. Ane'i noale'ale ne ine'e ixixao isoasoa no taoni noxou Mosinge umomomo no anu so'io 42.

Mupala'a 13:5

Ioxe, Mosinge mu'italonusi mo so mi vova ne mulanu vaivaikala so molu mu'itinu ualasou ia noxou Mosinge la mulu'enu mo mupu­puiou. Mosinge mu'italonu so u'oxo axone umomomo no anu so'io 42.

Ta'aposeli 13:31

Mo ili'i no anu soli noxou voxo tapiena ane'i tamitema se'i mimaisou. Tamitema ne ane'i tamenexu e oli'a milutu ne Xalili milai ne Ielusa­lemo tatei. Vaimomo 'o nexi noxi'a tamitema ne taa'aloxu noxi'a laili noxixe Ta'isilaeli xo nexi mexe temaisou no iexisi.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Luku 24:48

Xo ngingi menge ngemaisou mimi ano'o laso ngaa'aloxu.

2 Kolini 13:1

Ioxe, eni a so ane'e noxinge la anu alaxu tatalusou 'o. Laso ngalaxa'i laixe xo loxo Mosinge vaikalaou mulemolu lexe, “Vote'i vilesisi so talovonixu susu, a so tamitema tamei o tatalu isaxisou ka ilemolu susu noxou menexi'a.”

Ta'aposeli 2:32

Ioxe, anu itema e Iesua, Mosinge mutulusou mu'u­menu no anu soli. Mo nexi latala temaisou lexe mumaulila laso nexi taa'aloxu.

Tioni 15:27

Xe ngingi la ngalanu vaikala so ngavalavalaxo kalumo xo ngingi ngexoxolu noxilo no anu soko'u xaixai noxilo mune'e avile 'o.

Matiu 18:16

Ia loxo ulomuxene uasi la na'avalou tangaxene vile o tameila so ngalai ngavikalanula. Laso axone la anu umulinu vaikalaou Mosinge lexe tamitema tamei o tatalu so ivalaxu vaika­lai'a mukalusi lexe manina.

Mupala'a 19:10

Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

Ta'aposeli 3:15

Ngingi ngevau Mosou Mauli musoli, ia Mosinge mutulusou mu'umenu no anu soli. Nexi taa'alomengi xo nexi mexe temaisou mi ne.

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.

Epesusi 4:11

Mimi lailaixe muiti'a tamitema ne lavulavu so xaixai aloxo 'o. Noxi'a se'i la ane'i tamitema ta'aposeli xe se'i tamitema so pela'a xe se'i la ane'i tamitema so ilanu vaikala laixe so Kalaisiti xe se'i so ivu'uline'i mo ipelototosi'a Mosinge ta'olu.

1 Kolini 12:28

Xo Mosinge molu musosovosi'a tate­manu pita noxou so i'oxonu xaixai no anu vilevilesi aloxo 'o. Tei la ane'i ta'aposeli xe ili'i la tamitema so pela'a xe ili'i la tamitema so ilanu vaikala laixe. Mukalu la muso­sovosi'a se'i so i'oxonu sosovo so xavi xe se'i so ipamau­line'i tapi­piena xe se'i so su'uli xe se'i so saxila'u xe se'i so ivikala no anu vaikala iouiou.

Tioni 3:27

Ia Tioni mukoline'i lexe, “Itema vile utulu­sou no anu xaixai vile uasi. Mi ma'ia so u'oxonu la anene molu no tualasou Mosingesi.

Matiu 11:21

La muvikala lexe, “Auo, anu uxali masua manina noxinge ne Kolasini, mo uxali masua manina noxinge ne Vetisaita to. Xo loxo sosovo so xavi muxali no taoni ne Taili mo Saitoni a loxo muxali no taingengi ne la ane'i masi mixiunu mo mi'isalilinoxu opone'i tateimo. Xe axone la masi a isakinu lavalava so tama mo ipeipenu lomulo no kisi'a so imaxa'u mama'u so susu noxi'a.

Luku 10:13

La Iesua musolonu aloxo 'ola, “Auo, anu uxali masua manina noxinge ne Kolasini, mo uxali masua manina noxinge ne Vetisaita to. Xo loxo sosovo so xavi muxali no taoni ne Taili mo Saitoni a loxo muxali no taingengi ne la ane'i masi mixiunu mo mi'isalilinoxu opone'i tateimo. Xe axone la masi a isakinu lavalava so tama mo ipeipenu lomulu no kisi'a.

Mupala'a 11:6

La ilou ane'i xavine'i umomomo so no anu voxo loxo ilou ixoxolu ilanu vaikala so pela'a la itanuxu uali no loxotolo so usili uasi. Mo xavine'i so ixiunu lexalexa uxali sialusi. Mo loxo no voxovoxo aneva ilou imasaxau, la ixalixu tu'utu'umaxu masumasua noxi'a tatemanu lialia.