Mupala'a 11:19 - Ata New Testament

¹⁹ Ioxe, tatiatila mivikala axone mukalu laso aitengaxu tasou Mosinge no tualasou mukisi. Mukisi laso emaisou kesi so konitalaki muai ne. Emaisou la lele'e mulamilami mo mupaupau. Xe uni'uni mukunikuni mo uali loxo aisi mululu'e.

Mupala'a 11:19 Referans Kwoze

Mupala'a 16:21

Mo kalumo uali loxo aisi mulapalapau mulu'e. La aisi vilevilesi ne tu'umaxu e tu'umaxu, mumomomo no anu 50 kilo. Aisi mulapalapau no loxotolo mulu'e xe mutuvusi'a tamitema la mitavulenu navuna­vusou mu'oki e mu'oki avile. Laso ane'i mivikala masuaou ualasou Mosinge so mupalusou tu'umaxu ne.

Mupala'a 4:5

Xe no anu sia kingi la emaisou lele'e mulamilami mo elomusou mupaupau. Mo no laxunu sia ne la telu 7 a muka. Telu 7 ne so usosovosou Mosinge Ulenu ane noxou 7.

Mupala'a 8:5

Ioxe, angelo muno'u navu no anu tanixu navu ka mumulaxu no anu lisi so mi tuma'u lailaixe. Mukalu la musu'anu no lialia sila lele'e mupaupau mo mulamilami mo uni'uni mukuno­kunoxu lialia.

Mupala'a 19:11

Ioxe, mukalu la emaisou loxo­tolo mukisi sila osi kea vile. La anu ane mutalupexa no anu osi la ilemolu ualasou vile lexe Vaika­laou Uxalixu Nene'axu, xe no anu vile lexe Vaikalaou Maninasi. Mo loxo anu utilovosou ili'ilixo so ukolinu xe loxo ulai no anu oto la mi ma'ia u'oxonu ne ulapusi.

Mupala'a 11:15

Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”

Mupala'a 16:18

La lele'e mulamilami mo mupaupau xe uni'uni tatila e tatila. No voxo loxo tamitema mixali no lialia mo mune'e avile la ixamulinu uni'uni axone uasi.

Mupala'a 11:13

La no voxo anene kalumo uni'uni tatila uxali no taoni ne. Laso loxo takalipalanu uxali pa'usou 10, la pa'usou vile uma­mulo avile. Xe no anu uni'uni ne tamitema isoisoli navasi'a umo­momo no anu 7000. La ane'i loxo ixoxolusio imama'u laso i'itinu ualasou Mosinge e uxoxolu no tualasou lailaixe.

Mupala'a 8:7

Xe angelo vile mutaunu piuka noxou la uali loxo aisi ilou navu mupita no anu sialu mulapau no lialia. Mulapau la loxo takalipalanu lialia uxali pa'usou tatalu la vile mu'ela avile. La anu axone no anu ovu ovu xe mimi mulemeleme kalumo.

Mupala'a 4:1

Ioxe, mune'e xe esaxila, sila emaisou aitenga mukisi no loxo­tolo. La xoli utama loxo piuka e elomusou tei muvikalaleli mulu'e aloxo 'o. “Nini natelo 'o mo so apela'inexu mimi so uxali ili'i.”

Mupala'a 7:15

Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a.

Mupala'a 12:1

Ioxe, mi vile iou vilemo manina mo so tanengelili no anu mupa no loxotolo. Mi ne aloxo 'o. Sema vile lavulutie no anu aso a mixoxolu. Xe so'io muai no tava'e laxu. Xe tataoto 12 muxixaosou kisie a loxo ati.

Mupala'a 16:1

Ioxe, elomu la xoli tatila molu no tasou Mosinge la muvikalane'i ta'angelo 7 aloxo 'o, “Ngingi ngano'u lisi 7 e muana'ana no anu la'ia noxou Mosinge mo ngani­xinixi'u ulu'elai no lialia.”