Mupala'a 1:9 - Ata New Testament

⁹ Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 1:9 Referans Kwoze

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Mupala'a 1:2

Mo so vaikalaou Mosinge aneva elomusou xe mi ma'ia emaisou Iesua Kalaisiti mu'oxonu o mulemolu la aa'aloxu u'isalili.

Mupala'a 13:10

Aloxo 'o. Loxo Mosinge usoso­vosou itema vile so ulai ukalavusu la anu ukalavusu ane. Xe loxo usosovosou itema vile so tamitema ivau no anu laviso so oto la ivau no anu laviso ka usoli ane. Laso loxo mi axone uxali la ngingi tamite­maou Mosinge mu'isalili ngatulu pumungenge mo ngalo­pala noxousi.

Pilipai 4:14

Ia ngingi ne nge'oxo laixe manina so nge'una no anu tu'u­maxu noxilo 'o ka ngekalanu su'uli mune'e.

Mupala'a 12:11

Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Mupala'a 7:14

La eni ekolinu lexe, “Tatila, nini nelavusi'a ane.” Sila anu muvikala aloxo 'o, “Ane'i tamitema ano'o me'a no anu voxo so ulua. Ane'i mi'uinu lavu­lutii'a no anu sialuxu Sipisipi Ilie laso muxali muvalukeasi.

2 Timoti 1:8

Ioxe, laso namaila so nalanu vaikalasou Tatananenge mamu. Xe eni amitema so lakalavusu xo noxou a, ia mamu so namaila­mulileli. Nini nano'u xavi noxou Mosinge so napita noxilo mo natavulenu tu'umaxusou vaikala laixe kalumo.

Lomu 8:25

Ia nenge talavu lexe mimi ane taxalisou uao ne, la nenge taxalisou ane. Talavu axone mo ta'osasou laso taxolu se'isisi so taxomaiousi.

Mupala'a 14:12

Ioxe, mimi axone uxali ili'i laso avikalangengi tamitemaou Mosinge u'isalili lexe ngaxolu pumu­ngengesi. Xo ngingi ne ngaxolu ngamulinu lo noxou Mosinge mo lopala noxinge a noxou Iesuasi.

Ipilu 10:36

Ngatulu pakia'inge axone mo ngaxolu ngamulinu masaxa noxou Mosinge xo mo ngaxalisou mimi ane muvava­limasou.

Pilipai 1:7

Ngingi ngaxolu no anu e'eleli 'o laso anu laixe so axavutalangengi axone. Xo Mosinge muiaiama noxilo so axolu akalavusu 'o xe so a'oxonu latolo mo avalaxu vaikala manina. La ngingi nge'una so ngava'isuleli no anu mukalusi.

Mupala'a 11:7

Ioxe, ilou ixolu ilanu vaikalaou Mosinge xo xe ukalui laso ane. Mi vova molu no taxa e ulu'elai avile olele utelo so u'otoxa'a. U'otoxa'a xola uua'ulixa'a mo uve'a ilou isoli.

Lomu 8:17

Ioxe vaimomo 'o nenge taxolu Mosinge ta'olu. Laso ili'i la nenge taxalisou mimi lailaixe. Xo mi ma'ia so anu ulosou Kalaisiti la anu ulosinge kalumo. Vaimomo 'o nenge tatavulenu tu'umaxu a loxo anu a utavulenu. Ia ili'i la nenge noxou taxolu no anu xoluxolu iaxusi.

Mupala'a 19:10

Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Mupala'a 12:17

Mukalu la sineke la'iaxuie sema laso mulai so u'otoxa'a ta'ilie se'ila. Ane'i ane ilavusou ilomuxu lo noxou Mosinge xe ikasou vaikalasou Iesua lexe maninasou.

Mupala'a 6:9

Mukalu la Sipisipi Ilie mulokenu sosovo ta'uvesou e muteinoxu lavuku ne. Xe emalei loxo 'o sila no tava'u tanixu navu emaisou ulene'i ane'i ane tamitema mive'a­ve'axu vaikalaou Mosinge. Xo ane'i ne pakia'a so mitetelisou mo milanu vaikalou laso taxilili mive'axu.

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

2 Tesalonaika 3:5

No anu masaxa noxixe lexe Tatananenge upamuxanu opo­ngengi mo so ngalavu laixe no anu sexela noxou Mosinge mo so ngatulu pumungenge so ngatavu­lenu tu'utu'umaxu a loxo Kalaisiti.

Matiu 20:23

La anu muvikalane'i ilou lexe, “Ani, ili'i la ngilou ngaie no anu lexa sixula noxilo. Ia ena'ei so uxolu no avolo tema xe no anu kaisi, la anu mi noxilo so apilixinu noxi'a tamitema uasi. Anu tanixu anene noxi'a ta'ei ane Mamilo molu mulalaxinu si'a.”

Maki 10:39

La ilou mi'oxo lexe, “Ani nexi tamomomo ane.” La Iesua muvikalane'i lexe, “E ani. Xo lexa sixula ane so aiexu 'o ngilou ngaie no anu ili'io. Xe tu'utu'umaxu a so akelele no anu la ngilou ngakelele no anu ili'io kalumo.

Ta'aposeli 1:15

Ioxe, no voxo anene la navasi'a tamitema loxo milopala noxou Iesua mumomomo no anu 120. La Pita mutulu no taine'i la muvikalane'i lexe,

2 Kolini 1:7

La nexi telopala avile lexe ngingi ngatulu pakia'inge ane. Xo telavu lexe loxo ngingi ngapita no anu tu'utu'umaxu noxixe 'o la no anu vote'i anenesi ngapita no anu mamatola noxixe kalumo.

1 Pita 5:1

Ioxe, eni pelototo so alemolu noxi'a tamitema so saxila'u no taingengi ne. A eni kalumo amitema so saxila'u mo aa'aloxu navunavu noxou Kalaisiti e emaisou no ieli 'o. Mo nenge nenge'a taxalisou mimi lailaixe Mosinge uvelununenge no voxo loxo Kalaisiti upala'a no iaxu avile. Laso eni apelototosinge ngingi tamitema so saxila'u aloxo 'o.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 1:6

Xe anu kingi na'a nenge mo taxolu noxou, laso nenge tapilisiti noxou Mosinge anu Maminge. Ioxe manina, laso ta'itinu ualasou Iesua Kalaisiti teitexi manina so anu u'uli laxu­nenge ulai ulai kaluxu uasi.

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.