Mupala'a 1:11 - Ata New Testament

¹¹ La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 1:11 Referans Kwoze

Mupala'a 3:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Salitisi. Eni ane Mosinge Ulenu noxou 7 a uxolu noxilo mo atete­lisou tataoto 7. Akalanu vaikala ano'o ulai noxinge. Eni elavu no anu ili'ilixo ngalavusou nga'oxonu. Tamitema ilavusou ivikalasinge lexe pita noxinge ne Salitisi ne mauli no anu. Ia uasi, elavusinge lexe soli mukasingesi.

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

Mupala'a 3:14

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Laotisea. Eni amosou vaikala manina. Mi ma'ia Mosinge muxa­lixu la aa'aloxu u'isalilisi. Eni tava'u mimi mukalusi e Mosinge mukoinu a. Akalanu vaikala ano'o ulai noxinge.

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.

Mupala'a 2:18

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Taiataila. Eni Mosinge Olu a. Eni ane ieli kaxu a loxo navu mo tava'ilo loxo valasi ane mi'elaxu mo so axexaxu. Akalanu vaikala ano'o ulai noxinge.

Mupala'a 2:12

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Pelexamumi. Eni ane laviso anaxu xalevile tamei ula no anaxo 'o. Akalanu vaikala ano'o ulai noxinge.

Mupala'a 2:8

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Semelena. Eni ane tei xe eni kaluxu uasi a. Eni ane esoli ka emauli mo a axoxolu 'o. Akalanu vaikala ano'o ulai noxinge.

Epesusi 1:1

Eni Polu a. No anu masaxa noxou Mosinge la anu mutulusilo so lexe eni a aposeliou Kalaisiti Iesua. Eni akaukavunu lapasi ano'o ulai noxinge tamitemaou Mosinge u'isalili ne Epesusi. Ngingi ne ngaxolu noxou Kalaisiti Iesua mo lopala noxinge ututulu noxousi.

Mupala'a 21:5

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

Mupala'a 19:9

La angelo muvikalaleli aloxo 'ola, “Nakaukavunu vaikala 'o. Tamitema ta'ei Mosinge muali'a so ine'e no anu lavilelu so taula'i noxou Sipisipi Ilie la ixalisou osa'ilasi.” Mo mu'oxo lexe anene vaikala manina noxou Mosingesi.

Mupala'a 14:13

La elomusou xoli molu no tualasou Mosinge muvikala aloxo 'o, “Nini nakaukavunu vaikala ano'o. Usoko'u vaimomo 'o xe ulai ili'i la ane'i ta'ei loxo ilopala noxou Tatananenge ka isoisoli, ane'i ixalisou osa'ila tatila.” Mukalu la Ulenu muvikala lexe, “Manina. Ane'i i'osa'ilasi xo tei la sasaie'i no anu xaixai noxi'a ia ane'i a ima'ilasi. Mo xaixai loxo mi'oxonu la nene'axu laixe a uxolusi.”

Mupala'a 10:4

Ioxe, lele'e mupau alaxu 7 axone mo eni a so akaukavunu vaivaikala ne. Sila elomusou xoli molu no tualasou Mosinge muvi­kalaleli lexe, “Mamu. Vaikala ane nelomusou no anu lele'e mupau alaxu 7 ne natalumeu no oponenisi, nakaukavunu uasi.”

Mupala'a 1:19

Laso nini nakaukavunu mimi e nesaxisou 'o. Mimi e so vaimomo 'o xe so ili'i kalumo.

Mupala'a 1:8

La Tatananenge anu Mosinge uvikala aloxo 'o, “Eni ane tei a xe eni kaluxu uasi a. Evile uua'ulixo uasi, xo tatei eni exoxolu xe vaimomo axoxolu mo ulai ili'i la eni ane'e axolusi.”

1 Timoti 1:3

Ioxe, mala'o loxo eni so alutu ne Epesusi so ane'e ne Masetonia polovinisi la epelototosine, mo a alemolu 'ola. Naxoxolu ne Epesu­sisio mo so napelototosi'a tami­tema se'i ne mo na'apixa'a lexe mamu so imulaxu xavutala se'i iouiou no latanu votovoto.

Mupala'a 1:17

Ioxe, emaisou sila elapau no tava'u a loxo itema musoli. Ia anu mumulaxu avolu tema noxilo mo muvikala aloxo 'o, “Na'ume uasi. Eni ane tei xe eni kalaxu uasi a.

Mupala'a 1:2

Mo so vaikalaou Mosinge aneva elomusou xe mi ma'ia emaisou Iesua Kalaisiti mu'oxonu o mulemolu la aa'aloxu u'isalili.

1 Kolini 16:8

Ia ane'e noxinge uao xo axolu ne Epesusi xo xe voxo so Penikosi ukalui laso alutu alai noxinge.

1 Kolini 15:32

Mo loxo ne Epesusi la tamitema mikasilo e mikasilo manina, la eni loxo itema ane u'oto noxi'a tamisoposi tamosou la'ia. La axova, tava'u xoluxoluxo axo'o xo no anu masaxa noxilomo? Eni axalisou nene'axu laixe no anu xoluxolu so vasimelo 'o? E uasi. Laso loxo tamitema imauli no anu soli uasi la eni apilixinu xaixai ialuxu 'oe. Apilixinu mo so nenge'a ta'ani mo taie xo ili'i la tasoli tasiaunenge avile.

Ta'aposeli 20:17

Texali ne Miletusi la Polu mukalanu vaikala mulai noxi'a tamitema so saxila'u no pita ne Epesusi lexe ine'e noxou ne Miletusi.

Ta'aposeli 18:24

Ioxe, no voxo anene la Iuta vile anu so tuala ne Alekisanita mulai ne Epesusi. Anu ualasou lexe Apolosi. Apolosi ne anu lavulavu noxou mutiatila no anu Mosinge vaikalaou mo anu itema so vaikala laixe.

Ta'aposeli 16:14

La sema vile ualasie lexe Litia ane a mixolu milomusou vaikalamexi. Ane milavusou i'itinu Mosinge ualasou. Ane sema so tuala Taiataila mo ane milavusou isalimunu lavalava lauoinu so lailoto. Mixolu milomusou vaika­lamexi, xe Tatananenge mulama­nanixie la mi'osasou votovoto noxou Polu.

Kolosi 2:1

Ioxe, eni amasaxau ngalavu lexe eni sasaieli manina no anu su'ulisinge ngoli'a tamitemaou Mosinge no taoni Laotisea, xe ane'i mukalusi ane ngoli'a ngalavusou ieli uasi.

Mupala'a 1:20

Xo nemaisou tataoto 7 no avolo tema xe lalamo koli 7 a ututulu. Anu so latilovo mo laxu mutalume ia apala'anixu noxine aloxo 'o. Tataoto 7 ne anu soso­vosi'a ta'angelo 7 no anu pita 7 vilevilesi. Xe lalamo 7 ne anu usosovosou pita 7 ne.

Mupala'a 2:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Epesusi. Eni ane atetelisou tataoto 7 no avolo tema, mo axixao no tainu lalamo koli 7. Akalanu vaikala ano'o ulai noxinge.

Mupala'a 2:24

Ioxe, eni avikalangengi ngingi ta'ei so pita na Taiataila ane ngamulinu vaikalaie sema ne uasi. Mo ngaxolu va'axu no anu mi e ilemolu lexe, 'vaikala mu'asi'asi mo mutatalume noxou Uluaou'. Ngingi ne, eni vaikala vile tu'umaxu so apilixinu noxinge uasi.

Mupala'a 3:4

Ia ane'i se'i noxinge so pita ne Salitisi la elavusi'a lexe nuni uxolu no anu lavuluti noxi'a uasi. Laso noxi'a la a'osasi'a so lavuluti kea usu'asi'a so noxi'a tamuamua'i.

Mupala'a 22:10

La muvikalaleli aloxo ola, “Vaikala so pela'a ano'o mamu so na'apisou xo voxosou nene'axu uxali a mune'e alai mukalu 'oe.

Mupala'a 22:16

Eni Iesua a. Eni ane epalusou angeloxeli une'e noxinge. Mune'e la pelototosi'a tatemanu pitapita la muvulunu noxinge. Eni e vuvulu'u kingi Teviti mo eni a ilusunu a. Eni taoto ane uiei tatila no maxasesela.”