Matiu 9:8 - Ata New Testament

⁸ Xe tamitema latala ne mimalei axone la mama'u mukasi'a mo mi'iti'itinu Mosinge ualasou xo anu molu mupilixinu xavi anene noxi'a tamitema.

Matiu 9:8 Referans Kwoze

Luku 7:16

Tamitema mimaisou mi ne la mama'u mukasi'asi mo misoko'u so i'itinu Mosinge ualasou. La mivikala lexe, “Ai, polopeti vile tila manina a muxali no tainenge 'oe!” Mo mivikala lexe, “Mosinge a mune'e noxi'a tamitemaou 'o.”

Matiu 15:31

La tamitema latala ne mikuluke kena xo mimaisi'a ane'i ane anaxa'a mutomu a mivivikala xe ane'i ane xine'i musoisoli laixene'i xe ane'i ane vasime'a kaupe a vasime'a manamana'u so imuamua'i xe ane'i ane ie'i selevenu a mimaleisi. Tami­tema latala mimaisi'a axone laso ane'i mi'iti'itinu Mosi'a Ta'isilaeli ualasou.

Ta'aposeli 4:21

Ioxe, tatiatila mivikala pakia'u noxi'a iloula xo xe mukalu la mipilixine'isi. Mipilixine'isi xo tamitema latala mi'itinu Mosinge ualasou no anu sosovo so xavi ne. Laso tatiatila mi'ume so ixililiou tamitema latala opone'i, mo vote'i vile so imasuane'i Pita ilou Tioni uasi.

Luku 23:47

La tilasi'a ta'ami 100 a muxolu ne mo mumalei. Laso anu mu'itinu Mosinge ualasou mo muvikala lexe, “Manina misevile, susu vile noxou itema ano'o uasisi e uasisi.”

Luku 17:15

Xe vile no taine'i mumalei lexe vasimolu a laixenui laso mulivu noxou mo mu'ava'ava so mu'itinu Mosinge ualasou.

Maki 2:12

Sila alaxu vilesisi anu mutulu no ie'i tamitema ne mo muno'u lusou ka mumuamua'i mulai. La ane'i latala mimaisou mo mikuluke la mi'itinu Mosinge ualasou mo mivikalane'i ngato'o lexe, “Ai, tatei ne tamaisou mi aloxo 'o uxali uasi manina.”

Xalesia 1:24

Milomusou a'alo­sou mimi ane Mosinge muxalixu noxilo axone la mi'iti'itinu Mosinge ualasouxu.

Tioni 15:8

Loxo ngingi ngaxalixu nene'axu ulolutu la anu umaxa'u lexe ngingi tatisaipelixeli. La anene vote'i so Mamilo ualasou utilasi.

Luku 13:13

Mukalu la anu mumulaxu avolu noxie sila alaxu vilesisi sema ne mitulu mimexi. La ane mi'iti'itinu Mosinge ualasousi.

Ta'aposeli 11:18

Taiuta talopala ne milomusou vaikalaou Pita laso ane'i opone'i lelemesou mo ivikala mi vilela uasi. Ane'i mi'itinu Mosinge ualasou mo mivikala lexe, “Ai vaimomo 'o nenge talamana. Mosinge mu'oxonu vote'i so tamitema noale'ale kalumo loxo ixali lamana no anu susu noxi'a la ixalisou pamauli.”

Ta'aposeli 21:20

Anu Polu mua'aloi'a xe milo­musou mukalu la ane'i mi'itinu Mosinge ualasou. Ia mivikalanu aloxo 'o, “Ai vivixeo, nini nelavu mukalu lexe Taiuta tavu'alo e tavu'alo milopala noxou Iesua mukalu. Milopala ia ane'i opone'i ututulu so imulinu lavuloto no anu lo.

Maki 7:37

La ane'i latala ne tane'ilili noxou mo mivikala lexe, “Ai, mimi ma'ia u'oxonu la u'oxonu laixesi. Xo tamitema ane sangali'a utomu la ilolomusi. Xe ane'i loxo anaxa'a utomu la ivivikalasi.”

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Matiu 12:23

Sila tamitema latala mikulukemolu mo tane'ilili lexe, “Itema ano'o masi Teviti Ilusunu, ne?”

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

Matiu 9:7

Sila itema ne muavutu mutulu la mulai no tasou.

Luku 2:20

Xe no anu lailivu noxi'a tamitema so isaxila'a tasipisipi la milalai mo mi'itinu Mosinge ualasousi. Milemolu osa noxou Mosinge xo mimi e milomu­sou mo mimaisou la muxali mu'isa­lili a loxo angelo mupela'axusi.

Luku 17:18

Axova, vilela ulivu une'e so u'itinu Mosinge ualasou uasi? Itema ano'osi so tuala va'axu mo, ne?”

Luku 18:43

Sila alaxu vilesisi iou lamanasi mo mumulinu Iesua mulai la mu'iti'itinu Mosinge ualasou. Xe tamitema latala mimaisou mi ne la ane'i kalumo mi'iti'itinu Mosinge ualasou.

2 Kolini 9:13

Laso no anu su'uli noxinge ne la upala'anixu ilixo laixe noxinge no ie'i tamitema. Xo anu upalasi noxi'a lexe anene nene'axu vaikalamengi ngalemolu lexe ngelomuxu vaikala laixe so Kalaisiti. Xe ane'i imaisou avonge temanu ulai noxi'a xe noxi'a leviani ne la ane'i i'itinu Mosinge ualasou noxinge.

1 Pita 2:12

Muamua'ingenge ulapusi no taine'i tamitema so isivoxo. Xo masi ikalavoisinge lexe ngingi tamitema so susu 'o, ia loxo ilixomengi laixe upala'a no ie'isi la no anu voxo loxo Mosinge une'e 'o la i'itinu ualasouxu.