Matiu 9:6 - Ata New Testament

⁶ Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tami­tema so lavulavu axone mukalu la muvika­lanu itema e xixinu musoi­soli ne lexe, “Nini natulu xe nano'u lusine mo nalai no tasine.”

Matiu 9:6 Referans Kwoze

Matiu 9:5

Ma'ia ane ialuxu so alemolu? Ialuxu so avikala lexe tina'uxene so susu muiasi mukalu o ialuxu so avikala lexe natulu nano'u lusine mo nalai?

2 Kolini 2:10

Ia loxo opongengi ulu'e so susu noxou menexinge aneva, la anu axone kalumo noxilo. Xo susu ma'ia loxo mututulusio la elu'enu opeleli no anusi. Ia mi olele 'oxo taleli uasi, eni exavutalangengisi laso elu'enu opoleli so susu ne no iou Tatananenge.

Kolosi 3:13

Loxo tamenexinge isusunixinge la ngata­vulenusi mo ngalu'enu opongengi noxi'asi. Ngaiasou susu noxinge ngato'o axone xo Tatananenge muiasou susu noxinge ne.

Epesusi 4:32

Ngapilixinu mo nga'oxo aloxo 'o. Ngingi nga'oxo laixe mo tangengingenge ngato'o. Xo susu ma'ia noxi'a tamenexinge la uxolu no xavutalamengi avile uasi. Nga'oxonu loxo Mosinge. Xo ngingi ngexolu noxou Kalaisiti laso anu muiasou susu noxinge avile.

2 Kolini 5:20

Ioxe, laso Kalaisiti mutulusixe so tasosovosou mo talemolu vaika­laou. Mo no anu xolinexi la anu loxo Mosinge a u'ava'avali'a tami­tema. Nexi a tavikalangengi 'o ia nexi uasi, anu loxo Kalaisiti molu uxolu 'o so ukatu noxinge aloxo 'o, “Tu'umaxu ane ukalipa­langengi ne ukalui, xo vote'i a uxolu so ngalivu ngapita noxou Mosinge.”

Ta'aposeli 9:34

La Pita muvikalanu aloxo 'o, “Aineasi, alala'e 'osi Iesua Kalaisiti upaipou­neni. Natulu mo nano'u lusine.” Sila anu mutulu alaxu vilesisi.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Tioni 17:2

Xo nepilixinu xavi noxou so u'uli laxune'i tatemanu lialia mukalusi. Mo so noxi'a tamitema mukalusi e nepilixine'i so lexe tanoxou, la anu ulosi'a mauli kaluxu uasi.

Tioni 10:28

La eni alosi'a mauli kaluxu uasi mo ane'i imamulo uasisi xe evile utokine'i ixexe no avolo uasisi.

Luku 5:21

Ia tamitema so lavulavu no anu lavuloto oli'a Tapalisi milomu axone la mitatali'i no opone'i lexe, “Anu u'oxo lexe anu ena'ei to? Xo vaikala e so noxou Mosinge u'isalili la itema ano'o ulemolu vuluvulusi. Mosinge anusisi umomomo so ukalusou tina'u so susu.”

Maki 2:10

Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tamitema so lavulavu axone mukalu la muvikalanu itema e xixinu musoisoli ne lexe,

Maki 2:7

“Loxova laso itema ano'o ulemolu vaikala noxou Mosinge vuluvulusi loxo 'o? Mosinge anusisi umomomo so ukalusou tina'u so susu.”

Matiu 8:20

Ia Iesua muvikalanu lexe, “Ta'a'a tavova taxataxasi'a no lia so ixolu no anu. Xe tangiala tasi'a kalumo. Ia Itema ane molu noxou Mosinge anu tanixu so uai uasi.”

Matiu 4:24

Ioxe, a'alosou muxixaousou xale lia ne Silia mukalusi. Laso mine'ene'i tamene­xi'a ta'ei pipiena iouiou mukasi'a xe mitavulenu tu'umaxu xe ta'angelo tamasua mikasi'a xe ane'i ane i'olo'olo sika ilapau xe ane'i ane xixine'i musoisoli. Mine'ene'i noxou Iesua laso mupamauline'i.

Matiu 9:2

Muxali la tami­tema se'i mitavulenu itema vile xixinu musoisoli no lusou so mine'e­nu noxou Iesua. La mumaisi'a lexe milopala noxousi laso anu muvika­lanu itema e xixinu musoisoli ne lexe, “Alixeli, oponeni uai se'isisi. Tina'uxene so susu muiasi mukalu.”

Matiu 9:7

Sila itema ne muavutu mutulu la mulai no tasou.

Tioni 5:8

La Iesua muvikala noxousi lexe, “Natulu nano'u mi so ai'aisine ka namuamua'ixene nalaisi.”

Tioni 5:27

Anu ne Itema ane molu noxou Mosinge, laso Maminge mulosou xavi no anu tanixu e so utilovosou kaio ukolinu susu noxi'a tamitema.