Matiu 9:2 - Ata New Testament

² Muxali la tami­tema se'i mitavulenu itema vile xixinu musoisoli no lusou so mine'e­nu noxou Iesua. La mumaisi'a lexe milopala noxousi laso anu muvika­lanu itema e xixinu musoisoli ne lexe, “Alixeli, oponeni uai se'isisi. Tina'uxene so susu muiasi mukalu.”

Matiu 9:2 Referans Kwoze

Matiu 9:22

Ia Iesua muxiu loxo 'o mo mumaisie la muvikala lexe, “Alixeli, oponeni uai se'isisi. Nini nelopalaleli laso a laixeneni ne.” Sila alaxu vilesisi sema ne laixenesi.

Tiemisi 2:18

Ia vile noxinge masi uvikala lexe, “Anu mi vile uasi, loxo eni la alopalasi xe nini la na'oxonu ilixo laixesi.” Laso eni akolinu vaika­laou aloxo 'o, “Nini na'oxo lexe nalopala ia loxo na'oxonu ilixosou laixe uasi la upala'a lexe mani­nasou axovae? Ia eni la alemolu lopala vitanisi uasi, apala'anixu no anu ilixosou laixesi a.”

Ta'aposeli 19:12

Xo aloxo 'o. Mi ma'ia mulaisou vasimolu Polu, loxo lavalava xasixu o mimi, la tamitema mino'u so imulaxu no vasime'a tamitema ipipiena. Mi'oxo axone la tamitema laixene'i xe ane'i ane ta'angelo tamasua mikasi'a, la mixexesi'a.

Tioni 21:5

La Iesua mutali'isi'a lexe, “Tamaula moso 'o, ngingi ngaxalisi'a tasinana uaosio?” La ane'i mikolinu lexe, “Uasi e.”

Matiu 8:10

Iesua mulo­mu­sou vaikala noxou itema ne la mukisikula. Mo muvikalane'i tamitema latala ane mimulinu ne lexe, “Avikalangengi manina aloxo 'o. No taingengi Ta'isilaeli la axalisou itema vile lopala noxou laixe aloxo itema ano'o to uasi.

Matiu 4:24

Ioxe, a'alosou muxixaousou xale lia ne Silia mukalusi. Laso mine'ene'i tamene­xi'a ta'ei pipiena iouiou mukasi'a xe mitavulenu tu'umaxu xe ta'angelo tamasua mikasi'a xe ane'i ane i'olo'olo sika ilapau xe ane'i ane xixine'i musoisoli. Mine'ene'i noxou Iesua laso mupamauline'i.

Lomu 5:11

Mo mi vilela aloxo 'o. Tatananenge Iesua Kalaisiti mupitanenge so nenge'a Mosinge oponenge vilesisi. Mupitanenge axone laso ta'itinu Mosinge uala­sousi.

Ta'aposeli 14:9

Itema ne a muxolu ulomusou Polu muvotovoto. Sila Polu muma­takisou mo mutongonu lexe anu a mulopala lexe loxo Mosinge umasaxau, la anu upamaulinusi.

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Matiu 9:6

Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tami­tema so lavulavu axone mukalu la muvika­lanu itema e xixinu musoi­soli ne lexe, “Nini natulu xe nano'u lusine mo nalai no tasine.”

Matiu 8:16

Mixolu xe no olovoxo la tamitema latala mine'ene'i tame­nexi'a ane ta'angelo tamasua mikasi'a noxou. Mine'ene'i noxou laso anu mukusakusai'a noxi'a tamitema ne no anu vaikalaousi. Xe tamitema ane misiki la mupai­poune'isi.

Tioni 2:25

Laso tava'u so evile upela'u no anu ilixone'i uasi xo anu mulavusou xavutala ma'ia muxolu no opone'i mukalusi.

Maki 5:34

Ia Iesua muvikalane lexe, “Alixeli, nini nelopalaleli laso laixeneni 'o. Nalai mo oponeni uai se'isisi xo tu'umaxu ne mukalu.”

Maki 1:32

Mixolu xo xe aso mu'una la ane'i tatemanu tuala mine'ene'i tapipiena oli'a tamitema ane ta'angelo tamasua mikasi'a noxou Iesua.

Matiu 6:12

Mo oponeni ulu'e so susu noxixe a loxo nexi ta'oxo noxi'a tamenexixe 'o.

Matiu 9:5

Ma'ia ane ialuxu so alemolu? Ialuxu so avikala lexe tina'uxene so susu muiasi mukalu o ialuxu so avikala lexe natulu nano'u lusine mo nalai?

Matiu 14:27

Ia alaxu vilesisi Iesua muvikalane'i lexe, “Ngaxolu pakia'inge xo eni a. Mamu so nga'ume.”

Maki 6:50

Miiaukaka xo mimaisou Iesua ia ilavusou uasi mo ane'i mi'ume kena. Ia alaxu vilesisi Iesua mumamatolane'i lexe, “Opongengi uai se'isisi, nga'ume uasi. Xo eni to!”

Maki 10:49

La Iesua a mumuamua'i sila mutulu no vote'i la muvikalane'i lexe i'avalou itema ne une'e noxou. La ane'i mi'avalou itema iou selevenu mo mi'oxo lexe, “Opo­neni uai laixe. Natulu xo anu a u'avaline 'oe.”

Ta'aposeli 23:11

Ioxe, mi'umenu xe muxolu no tasi'a ta'ami xo xe olovoxo la anu Polu musaxisou Tatananenge a utulu no pa'umolu la muvikala lexe, “Poluo, na'ume uasi, oponeni uai se'isisi. Xo loxo nea'aloxo ne Ielusalemo 'o la anu axonesi naa'aloxo ne Lomu kalumo.”