Matiu 9:16 - Ata New Testament

¹⁶ Xe vile aloxo 'o. Loxo lavalava teinu ukaka la umomomo so mosou uno'u lavalava xasixu alavua so usimenu no anu uasisi. Xo loxo 'o io u'uinu la xasixu alavua ne upipi mo ukakanu teinu ne avile.

Matiu 9:16 Referans Kwoze

Tioni 16:12

Eni vaikala tapiena amasaxau so alosingela ia ngingi ngamomomo so ngano'u ukalusi to uao.

1 Kolini 13:13

Laso xoluxolungenge aloxo 'o. Ngalopalanu Mosinge mo ngaxo­maiou ngalopalanu voxosou olele mo ngasexelaxa'a tamitema. Mi tatalu ne uxolu no anu mauli noxinge, ia mi ane u'uli'uli avile ane so tasexelaxa'a tamitema.

Matiu 9:15

Laso Iesua mu'oxonu latilovo so mukoline'i aloxo 'o, “Loxo itema vile so utaula'i ia uxolu noxi'a tamenexusio la ane'i opone'i tu'umaxu uasi, ne? Ia loxo ili'i isaxanu mo ulai mukalui laso ane'i i'apixa'a no anu ani'ani.

Matiu 9:17

Xe vile aloxo 'ola. Loxo itema vile uno'u uaini alavua la anu unava? Anu uno'u lexa vexasou teinu e mu'oxonu no anu misoposi sosoiou so utau no anu? Uasi! Xo loxo 'o io uaini alavua masi usoxonixu mole upaunoxu mo usu'a avile sila lexaxu ukasavalasi. Ia loxo utau uaini alavua no anu vexasou alavua laso ane, ilou ne uai laixesi.”

Maki 2:21

Xe vile aloxo 'o. Loxo lavalava teinu ukaka la umomomo so mosou uno'u lavalava xasixu alavua ka usimenu no anu uasisi. Xo loxo 'o io u'uinu la xasixu alavua ne upipi mo ukakanu teinu ne avile.

2 Kolini 9:12

Xo vaimomo 'o xoluxoluxa'a tamitemaou Mosinge no anu vasime'a ne loxo xalusousi. Ia loxo su'uli noxinge uxalisi'a la uana'ana mole ukasavalasi no anu vaikala laixe tavu'alo ilemolu noxou Mosinge.

Luku 5:36

Mo musolonu mutilovo aloxo 'ola, “Loxo lavalava teinu mo utolotolo la umomomo uasi so tateanu lavalava alavua so tasimenu xasixu se no anu ane teinu ne. Ta'oxonu uasi xo loxo 'o io tavila'isou lavalava alavua ne mo xasixu se ne usime laixe no anu ane tei uasi.