Matiu 8:8 - Ata New Testament

⁸ Ia tila noxi'a ta'ami muvikalanu lexe, “Uo, Tilao, eni amitema alaixe so na'una no tasilo uasi. Nini naxolu 'o mo navikalasi mo so voixeli laixenula.

Matiu 8:8 Referans Kwoze

Matiu 8:3

Laso Iesua mumexinu avolu mo mumulaxu no vasimolu itema ne la muvikala lexe, “Eni amasaxa. Nini namalemalenga.” Xe alaxu vilesisi la pipiena lepelesi ne muxexesou itema ne sila mumalemalenga.

Tioni 1:27

Anu ne, itema e so uili'i noxilo. Io eni 'o amitema alaixe so axaxai noxou se so alulusou lamotasou lasuou uasisi.”

Luku 5:8

Xe Saimoni Pita mumaisou axone la mutanga­tulu no tava'u Iesua la muvikala lexe, “O Tatanaleli, naxexesilo xo eni amitema so susu a.”

Matiu 3:11

Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

Luku 15:21

La olu muvika­lanu lexe, 'O Papao, eni esusu no iou Mosinge xe noxine kalumo. Eni amitema alaixe umomomo so namoxo'ilo lexe a'ilinela uasi.'

Luku 15:19

Eni amitema alaixe umomomo so namoxo'ilo lexe a'ilinela uasi. Na'italoleli so axali vile noxi'a tauokuvoimenisi.'”

Matiu 3:14

Ia Tioni mutovonu so lexe u'apixu mo muvikala lexe, “Loxova so nene'e noxilo? Laixe loxo nini mene na'oxo ilixo so nakelenixilo ane.”

Matiu 8:7

Laso Iesua mukolinu lexe, “Io'o, eni alai apamaulinu.”

Matiu 8:9

Eni avikala axone xo eni axolu no laxu tilasilo no anu ami e u'uli laxuleli. Xe ta'ami ane a'uli laxune'i la ane'i ixolu no laxo kalumo. Xo loxo avikalanu vile lexe, 'Nalai!' la anu ulutusi. Xe loxo avikalanu vile lexe, 'Nane'e 'o,' la anu une'esi. Xe loxo avikalanu voixeli vile lexe, 'Na'oxo aloxo 'o,' la anu u'oxonusi ane.”