Matiu 8:5 - Ata New Testament

⁵ Xe mune'e la Iesua mu'unalai ne Kapeniamu. La tila vile noxi'a ta'ami so Lomu 100 mune'e muli­nga pakia'u noxou.

Matiu 8:5 Referans Kwoze

Matiu 27:54

Ioxe, tilasi'a ta'ami oli'a ta'ami ane mixolu milosou Iesua ne mimalei lexe uni'uni toxoxu xe mimi e muxali ne la ume mukasi'a. La mivikala lexe, “Ai manina misevile, itema ano'o Mosinge Olu ane!”

Ta'aposeli 27:43

Ia tatila noxi'a ta'ami umasaxa lexe Polu usoli uasi laso anu mu'apixa'a ta'ami lexe ive'ave'a takalavusu uasi. Anu muvikala lexe ane'i ta'ei ilavusou inou la i'uli iili'e inou so ixali noale.

Ta'aposeli 27:31

Ia Polu muvikalanu tatila noxi'a ta'ami oli'a ta'amiou lexe, “Loxo tamitema olele ixolu no lasipi 'osi uasi, la ngingi mukalusi ngamasua.”

Ta'aposeli 23:17

Polu mulomu laso mu'avalou tatila vile noxi'a ta'ami mo mu'oxo lexe, “Nalaixu soxu 'o noxou tilasinge xo anu vaikala vile so ulemolu noxou.”

Matiu 4:13

La anu muvula ne Nasaleti mulai muxolu ne Kapeniamu. Kapeniamu ne anu uxolu no pa'umolu kupa toxoxu Xalili no liaxa'a laili noxou Sevuluni xe noxou Napitali.

Ta'aposeli 27:13

Ioxe, ane'i milalaxinu opone'i axone xe mimalei lexe sivo lailaixe molu no tumalixe laso mi'oxo lexe, “Anu ane, talai.” Mi'oxo lexe talai laso milapunu axa ka telutu telai. Telai la temulinu luaki pa'umolu no ailani Kiliti.

Ta'aposeli 23:23

Ioxe, mukalu laso tatila noxi'a ta'ami mu'avali'a tamitemaou tamei. Ane'i tatamei ne mi'uli laxune'i ta'ami tapiena. Mu'avali'a la muvikalane'i lexe, “Ngolou ngapitane'i ta'ami ane imuamua'isi so ixali loxo 200 mo ta'ami 70 ane iiave noxi'a ta'osi mo ta'ami 200 ane itavulenu lalumiso. Ngapitane'i xo masi no olovoxo no anu 9 kiloko la ngalai ne Sisalia.

Ta'aposeli 22:25

Laso ane'i ta'ami misakinu tava'u ilou avolu mo milalaxi so ipuapuasou. Milalaxi axone ia Polu iou mukaou tila vile noxi'a ta'ami a mututulu la mutali'isou lexe, “Loxova? Loxo tiasi utongonu itema vile Lomu no anu lakoti uao, la anu laixe so ngapuasou vitanisi. Anu lo uvikala axone, ne?”

Maki 15:39

Xe ami vile tatila noxi'a ta'ami 100 mutulu no laxunu Iesua. Anu mulomusou ava noxou Iesua mo mumaisou soli noxou la mu'oxo lexe, “Ai, manina misevile, ano'o Mosinge Olu.”

Maki 2:1

Ioxe, voxo se'i mulai mukalu la Iesua mulivu mulai no tuala ne Kapeniamu. La tamitema milomu­sou lexe anu muxali mo muxolu no tani.

Matiu 9:1

Ioxe, Iesua mutelo no pouti so ulivu ulai xalevile no kupa no tualasou u'isalili.

Matiu 11:23

Xe ngingi Takape­niamu, ngingi nga'oxo lexe nga'itingengi so ngaxali no tuala­sou Mosinge, ne? Uasisi ane, ngingi ngasu'a ulu'e no tanixu solisi ane! Xo loxo sosovo so xavi uxali tatei ne Sotomu a loxo anene muxali noxinge 'o la anu tuala ne masi a uxoxolusio.

Ta'aposeli 9:38

Anu tualasie Iopa ne anu muxolu alai no tuala Lita. Xe talopala milomu lexe Pita a uxolu ne Lita laso ane'i mipalusi'a tamitema tamei so ivikalanu lexe, “Nini napalea nane'e, navovoxo uasi.”