Matiu 8:22 - Ata New Testament

²² Ia Iesua mukolinu lexe, “Tami­tema ane misoli mukalu la me'a i'asixa'a tamenexi'a isoisoli, ia loxo nini la namulilelisi.”

Matiu 8:22 Referans Kwoze

Luku 15:32

Ia vaimomo 'o nenge ta'osa mo takekesi. Xo vivine soxu 'o musoli mukalu ia a mumaulila, mo anu mulusi ia a muxali noxinge 'oe.'”

Kolosi 2:13

La tei ngexolu no anu solisi xo no anu susu ilou susu tava'u no vasimenge ane mupamu­xangengi nesio. Ia Mosinge mutulusinge ngemauli xo mupita­ngengi noxou Kalaisiti loxo mutulusou. Anu mukalusou tina'u­nenge so susu mukalusi.

Epesusi 5:14

Lamanaxu Tatana­nenge ulapune'i laso maixene no anu Mosinge vaikalaou u'oxonu latilovo lexe, “Nini namitema ane neai nesoli, ne natulu. Natulu mo namauli, xo Kalaisiti lamanaxu utalosine.”

Epesusi 2:5

No voxo texolu no anu susu mo texolu loxo tesolisio la Mosinge mupitanenge noxou Kalaisiti so nenge'a tamauli. Mi ne no anu iaiama noxousi.

Epesusi 2:1

Ioxe, tatei la ngexolu nge'oxonu sususi mo ngepolo va'axu no anu masaxa noxou Mosinge. Laso ngexolu loxo ngesoli mukalu.

1 Timoti 5:6

Ia tasema se'i tamului'a misoisoli axone la ixavutala noxou Mosinge axone uasi. Ane'i imulinu masaxa no anu vasime'asi laso no anu xoluxoluxa'a la loxo misoli mukalu.

Tioni 1:43

Ioxe, no voxo loxo ne'ielala la Iesua mulalaxinu oponu lexe ulai no xale lia Xalili. La muxalisou itema vile ualasou lexe Pilipi ka muvikalanu lexe, “Nane'e namu­lileli.”

Matiu 9:9

Ioxe, ili'i la Iesua mumuamua'i mulai xe mumaisou itema vile ualasou lexe Matiu a uxoxolu no tasou taxisi. La muvikalanu lexe, “Nane'e namulileli.” Sila Matiu mu'avuti mumulinusi.

Matiu 8:21

Xe itema vilela ne anu mulimuliou Iesua muvikalanu lexe, “Tatilao, na'ita­loleli so alai a'asixu mamilo teio.”

Maki 2:14

Muvotone'i xe mumua­mua'i xo la muxalisou Livai e Alipiusi olu. Livai ne anu itema so utaxusou taxisi la no voxo anene anu a muxoxolu no tasou taxisi. Iesua muxalisou la muvikalanu lexe, “Nane'e namulileli.” Sila Livai mumulinusi.

Luku 9:59

Xe Iesua muvikala noxou itema vile lexe, “Nane'e namulileli.” Ia anu muvi­kalanu lexe, “Tatilao, na'italoleli so alai a'asixu mamilo teio, ukalu laso amulineni.”

Luku 9:60

“Ia Iesua muvikanu lexe, “Tamitema ane misoli mukalu la me'a i'asixa'a tamenexi'a isoisoli. Ia loxo nini la naxixao no tuatuala so navikala lamana no anu voxo ane Mosinge molu u'uli laxune'i tamitemaou.”

Luku 15:24

Xo alixeli 'o musoli mukalu ia anu a mumaulila. Anu mulusi ia a muxali noxinge 'oe.' Laso ane'i misoko'u so i'ani'ani mo i'osa'osasi.

Tioni 21:19

Iesua muvikala axone so ulosi lexe Pita usoli no anu vote'i axova mo uxalixu ualasou Mosinge utila avile no anu. Mulemolu vaikala ane mukalu la muvikalanu Pita lexe, “Namulileli.”

Tioni 21:22

La Iesua mulivuxu lexe, “Loxo no anu masaxa noxilo itema ne uxolu avile uxali no anu lailivu noxilo la anu mi na'a nini uasi. Loxo nini, la namulilelisi.”