Matiu 8:12 - Ata New Testament

¹² Ia noxi'a tamitema ane Mosinge muiloune'i tei so i'una ixolu nonano no voxo loxo molu u'uli laxune'i tamitemaou la usupeine'i noale no isivoxo. La ixolu ne itama tatila mo anaxa'a ukala­kikisi.”

Matiu 8:12 Referans Kwoze

Matiu 25:30

Xe noxou uoku­voi masua 'o la ngakusaou usu'a noale no isivoxosi. Xo tanixu anene tatemanu itatama mo ana­xa'a ukalakikisi.”

Luku 13:28

La no voxo anene ngamaisou lexe Mosinge molu u'uli laxune'i Apala'amu xe Aisaki xe Iakovo xe tapolopeti mukalusi. Ia ngingi la ukusainge ngaxolu noalesi mole ngatatama mo anangenge ukala­kikisi.

Matiu 21:43

Laso avikala­ngengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upili­xinu noxi'a tamitema laili vile ane so isaxila'u mo ixalixu nene'axu laixe no anu.

Matiu 13:50

Muka­lu la ipeine'i no navu toxoxu. Mo no navu toxoxu ne la itatama tatilasi xo mole anaxa'a ukala­kikisi.”

Matiu 13:42

Mukalu la ipeine'i no navu toxoxu. Mo no navu toxoxu ne la itatama tatilasi xo mole anaxa'a ukalakikisi.

Matiu 24:51

Uxali xe umaisou ilixo noxou axone la ukiaenu ka umulaxu uveisa'ine'i tamitema so kalaka­lavoi. Oli'a ixolu no anu tanixu anene tatemanu itatama mo ana­xa'a ukalakikisi

Iuti 1:13

Ane'i loxo xasi ane uxolaxola upaxelelesi. La ilixone'i ane laixe so imailamulinu ne upala'a no tani keakeasi aloxo livilivi upala'a no luaki. Ane'i loxo tataoto imulinu vote'isi'a u'isalili uasi, ixixao vitanisi. Laso maixene Mosinge mulalaxinu tanixa'a no anu isivoxo e tamokikisi so ixolu no anu kaluxu uasi.

2 Pita 2:17

Tamitema ane xo ne la aloxo lexa luxu ane esi'esisi mo ane'i loxo sauma ane uxali ia la'ave utavulenu mole tasiauxu vitanisi. Ane'i ne tanixa'a isivoxo e tamokikisi a mulalaxisi'a.

2 Pita 2:4

Aloxo ngelavusou, tatei loxo ta'angelo mose'i misusu la Mosinge iou uvaxaou susu noxi'asi uasi. Anu mukusai'a musu'ane'i no anu navu so mamulo mo so ixolu ikalavusu no isivoxo la ixomaiou voxo so ixalisou lakolisou susu noxi'a.

Lomu 9:4

Tavivilo ne, ane'i Ta'isilaeli ane. Ane'i ane Mosinge mumoxo'a lexe ane'i ta'olu mo mumaxa'u iaxu noxi'a. Xe kalumo mu'oxonu konitalaki noxi'a mo mulosi'a lo mo mulosi'a vote'i so i'itinu ualasou mo muvavalima noxi'a.

Ta'aposeli 3:25

Ngingi laili noxi'a tapolopeti, mo vavalima e Mosinge mu'oxonu noxi'a ta'ilusungengi la mulu'e muxali noxinge vaimomo 'o. Xo muvikalanu Apala'amu aloxo 'o, 'Tamitema so xale tuatuala muka­lusi ixalisou su'uli noxi'a laili noxine.'”

Matiu 13:38

Xe xai ne a lialia 'o. Xe loxo uiti ngiaxu laixe ne a tamitema ane ixolu nonano no voxo loxo Mosinge molu u'uli laxune'i tamitemaou. Xe laxalasi masua ne a tamitemaou Uluaou.

Mupala'a 22:15

Ia noxi'a ane'i ane ilixone'i loxo ta'a'a xe ane'i so ta'uluxu masua xe ane'i so ilixo nuni'u olele xe ane'i ane ive'a tamitema isoisoli xe ane'i ane i'itinu momosi'a kalavoi xe ane'i ane utotomu ikalakalavoisi, tamitema axone imomomo so i'unalai no taoni uasi manina, ixolu noalesi.