Matiu 8:11 - Ata New Testament

¹¹ La avikalangengi lexe ili'i tamitema tavu'alo me'a loxo no aso uxali xe loxo no aso ulu'elai. Ane'i ine'e so oli'a Apala'amu xe Aisaki xe Iakovo italupexa so i'ani no latevolo nonano no voxo so Mosinge molu u'uli laxune'i tamitemaou no tualasou.

Matiu 8:11 Referans Kwoze

Epesusi 3:6

Mi e mutalume tatei ne aloxo 'o. Ngingi tamitema noale'ale ne, ngelomusou vaikala laixe so Kalaisiti Iesua laso ngingi kalumo ngexalisou nene'axu vavalimasou. Mo axone la ngingi kalumo ngexali loxo pa'usou vasimolu. Mo ili'i la ngingi kalumo ngaxalisou mimi lailaixe e muvavalimasou lexe noxinge ta'olu.

Luku 12:37

Laixe manina noxi'a tamitema so xaixai ane ixolu ilo laixe no voxo loxo tilasi'a ulivu uxali. Xo avikalangengi manina lexe no voxo anene la anu usinixu lavalava laixe mo uvikalane'i tamitema so xaixai noxou lexe italupexa so i'ani no latevolo. Mukalu la anu molu uveluvelu­nuxa'a no anu mi ma'ia imasaxau.

Kolosi 3:11

Nenge mukalusi texali ta'ala­vua laso mi vile so ukali­palanengela uasi. Nenge taxavutalanenge lexe nenge se'i Takiliki xe Taiuta o ane'i so sosovo xe ane'i so sosovo uasi xe tokipelesi iouiou xe ane'i no anu lailaili o tasilevi xe ane'i ane ixolu lalavulusimo uasi. Mimi so ukalipalanenge axone la uasi xo nenge mukalusi taxolu noxou Kalaisiti mo anu a uxolu nonano noxinge mukalusi.

Ta'aposeli 11:18

Taiuta talopala ne milomusou vaikalaou Pita laso ane'i opone'i lelemesou mo ivikala mi vilela uasi. Ane'i mi'itinu Mosinge ualasou mo mivikala lexe, “Ai vaimomo 'o nenge talamana. Mosinge mu'oxonu vote'i so tamitema noale'ale kalumo loxo ixali lamana no anu susu noxi'a la ixalisou pamauli.”

Ta'aposeli 10:45

La ane'i talopala Taiuta ane oli'a Pita mine'e milomu lexe ane'i mivi­vikala no anu vaikala iouiou xe mi'itinu Mosinge ualasou. Milomu axone la mikuluke mo mivikala lexe, “Ai ngamalei, Mosinge munixi'u Ulenu Laixe muxali noxi'a tamitema noale'ale kalumo.”

Matiu 24:31

Mo piuka utama tatila so upalusi'a ta'angelo­xeli ilailai. Ilailai no anu noti xe sauti xe uesiti xe isiti no loxotolo teletelexu. La ipitane'i tamitema ane Mosinge musosovosi'a lexe tanoxou.”

Mupala'a 7:6

Xe 12,000 no anu laili noxou Asa. Xe 12,000 no anu laili noxou Napitali. Xe 12,000 no anu laili noxou Manase.

2 Tesalonaika 1:5

Xo anu umaxa'u lamana lexe loxo Mosinge utilovo la anu ulapusi, u'oxonu mi vile vuluvulusi uasi. Laso ngalavu lexe ngatavulenu navunavu vaimomo 'o so ulalaxingengi mo so no voxo loxo anu molu u'uli laxune'i tami­temaou la xoluxolungenge umo­momo mukalu.

1 Kolini 15:20

Ia uasi, axone uasi. Xo Kalaisiti mutulu mo mumaulila ne, mo ili'i la nenge axone kalumo. Laso anu aili'isinge xo anu tei manina noxinge no anu ane so tasoli xe tamaulila.

1 Kolini 6:9

Xo ngalavu uasi? Ane'i tamitema ane nuni'a no iou Mosinge la ane'i ixolu uasi no voxo so anu molu u'uli laxune'i tamitemaou. Ngaka­lavoingengi uasi. Tamitema ne opone'i ututuluou ilixo aloxo 'o. Ane'i ane i'oxonu ilixo nuni'u xe i'itinu mosi'a kalavoi xe ixolaxola'u taula'i xe tamulu i'oxonu ilixo nuni'u ngato'o.

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Luku 16:22

Ili'i xe itema oloxola ne musoli la ta'angelo talaixe milaixu noxou Apala'amu so ilou mixolu. Xe itema so lamoli musoli kalumo la tamitema mi'asixu.

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Matiu 8:10

Iesua mulo­mu­sou vaikala noxou itema ne la mukisikula. Mo muvikalane'i tamitema latala ane mimulinu ne lexe, “Avikalangengi manina aloxo 'o. No taingengi Ta'isilaeli la axalisou itema vile lopala noxou laixe aloxo itema ano'o to uasi.

Matiu 21:41

La ane'i mivikalanu lexe, “Anu masi umamulone'i tamitema tama­sua ne avilesi. Ukalu ka upilixinu xaisou uaini noxi'a tamitema se'ila. Upilixinu noxi'a tamitema talaixe so isaxila'u xo axone la itaxusou nene'axu mo ilosou no voxosou xai lingamo.”