Matiu 8:10 - Ata New Testament

¹⁰ Iesua mulo­mu­sou vaikala noxou itema ne la mukisikula. Mo muvikalane'i tamitema latala ane mimulinu ne lexe, “Avikalangengi manina aloxo 'o. No taingengi Ta'isilaeli la axalisou itema vile lopala noxou laixe aloxo itema ano'o to uasi.

Matiu 8:10 Referans Kwoze

Luku 7:9

Iesua mulomusou vaikala noxou itema e mivulunu ne la mukisikula. Mo muxiu muvikalane'i tamitema latala ane mimulinu ne aloxo 'o, “Avikalangengi aloxo 'o. No tai­ngengi Ta'isilaeli la axalisou itema vile lopala noxou pakia'u aloxo itema ano'o to uasi.”

Matiu 15:28

Xe Iesua mulomusou vaikalaie la mu'oxo lexe, “Ai semao, lopala noxine ne tatila kena. Laso mi ane nemasaxau la anu uxali noxine axone.” Sila alala'e se nesi ilie laixene avile.

Maki 6:6

La anu tanu­lilii'a tatemanu tualasou ne xo ane'i opone'i mamalaxu so ilopalanu uasisi. La anu mulutu muxixao no tuatuala no xale lia ne so uvoto­voto.

Luku 7:50

Ia Iesua muvikalane sema ne lexe, “Nini nelopala laso nexalisou pamauli ane. Nalai naxolu lalavulusi.”

Luku 5:20

La Iesua mumai­sou lopala noxi'a la muvikalanu itema ne lexe, “Maula, tina'uxene so susu muka­lu.”

Matiu 8:9

Eni avikala axone xo eni axolu no laxu tilasilo no anu ami e u'uli laxuleli. Xe ta'ami ane a'uli laxune'i la ane'i ixolu no laxo kalumo. Xo loxo avikalanu vile lexe, 'Nalai!' la anu ulutusi. Xe loxo avikalanu vile lexe, 'Nane'e 'o,' la anu une'esi. Xe loxo avikalanu voixeli vile lexe, 'Na'oxo aloxo 'o,' la anu u'oxonusi ane.”

Matiu 8:11

La avikalangengi lexe ili'i tamitema tavu'alo me'a loxo no aso uxali xe loxo no aso ulu'elai. Ane'i ine'e so oli'a Apala'amu xe Aisaki xe Iakovo italupexa so i'ani no latevolo nonano no voxo so Mosinge molu u'uli laxune'i tamitemaou no tualasou.

Ta'aposeli 2:7

Ane'i Taiuta so tuatuala nopaxapaxa ne tane'ilili mo mivikalane'i ngato'o lexe, “Ai tamitema ano'o so Xalilisi.