Matiu 7:25 - Ata New Testament

²⁵ Utulusou xo xe ukalui la anipa toxoxu uxali. Uxali la la'avexu utuvusou tani ia umamulo uasi xo tava'u mutulu pumuxu no anu lavo'osi.

Matiu 7:25 Referans Kwoze

Tiemisi 1:12

Laso anu laixe noxou itema ane utulu pumuxu no anu tu'umaxu loxo utovonu lopala noxou. Xo uxolu uua'uli no anu xo xe ukalu la Mosinge ulosou palaisisou. Palaisi ne anu mi so mauli kaluxu uasi ane muvavalimasou noxi'a ane'i ane isexelaxu.

1 Pita 1:7

Mi axone uxali so utilovosou lopala noxinge. No anu lavo'o koli la ivaxanu no navu so ikilolou lexe manina axova, xo navu u'elaxu mosomoso no anu uxexesi. Ia koli anu mi so uxolu avile to uasi, lopala noxinge anu mi lailaixe muua'ulixu koli. La Mosinge utilovosou lopala noxinge axone kalumo mo so anu ane maninasou no anusi uxolu. Uxolu avile umomomo no anu voxo so Iesua Kalaisiti upala'a laso anu uvika­lasou lopala noxinge laixe mo u'itinu ualasingexu.

Kolosi 2:7

Ngatulu pumungenge noxou aloxo ovu uli'u usili mo uteteli no lia. Xe tava'u lopala noxinge noxou so ngaso­losolonu aloxo itulusou tani no anu tava'u so utelai. Mi ne nga'oxonu aloxo votovoto ane ngexalisou mukalu mupela'ingexu mo ngaxolu opongengi uana'ana no anu osa'ilasi.

1 Pita 1:5

Ngingi ngelopala laso Mosinge u'oxonu latolosinge no anu xaviousi xo mo upalasinoxu pamaulisinge avile no anu kaluxu­sou voxo.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Epesusi 3:17

Mo alinga noxou Mosinge lexe lopala noxinge pumuxu so Kalaisiti uxolu noxinge loxo no tasou u'isalili. Xe asolonu latilovo ne aloxo 'o. Tava'u tani ne, utulu no anu sexelasi.

1 Tioni 2:19

Ane'i anene mixolu mipita noxinge kaio mixexesinge mila. Mipita noxinge tei ia ane'i tanoxinge manina uasi xo axone la ane'i ixolu noxinge avile. Ia mila axone so umaxa'u lexe ane'i mukalusi ne tanoxinge to uasi.

Matiu 16:18

Mo kalumo eni avikalaneni lexe nini Pita ane, la no anu lavo'o anenesi eni atulusou pita noxilo. Atulusou la xavi no anu Tanixu soli uua'ulixu pita ne uasisi.

Matiu 7:24

Iesua musolonu mo mu'oxonu latilovo aloxo 'o, “Ioxe, loxo itema ulomusou vaikalaxeli 'o mo ulomuxu la anu itema so lavulavu mu'asi'asi. Anu loxo itema so utulusou tasou mo u'asou tanixu so tava'u utulu no lavo'osi.

Matiu 7:26

Ia loxo itema ulomu­sou vaikalaxeli 'o xe ulomuxu uasi la uxovulaulau ane. Anu loxo itema utulusou tasou no anu io'isi.

Matiu 7:27

Utulusou xo xe ukalui la anipa toxoxu uxali. Uxali la la'avexu utuvusou tani sila tani ulume ka umamulo e lapilai uasisi.”