Matiu 7:22 - Ata New Testament

²² Laso no voxo olele la tamitema latala ivikalaleli lexe, 'Tatananexi, Tata­nanexi. Nexi e te'oxonu xaixai so pela'a no anu ualasine a. Xe no anu ualasinesi tekusai'a ta'angelo tamasua mo te'oxonu sosovo so xavi a no anu ualasine nesi.”

Matiu 7:22 Referans Kwoze

2 Timoti 1:12

Laso maixene atavulenu navunavusou 'o ia amailamulinu uasi. Xo anu ane alolopalanu la elavusou ilixou, mo elavu manina no opoleli lexe anu umomomo so uutululunu vaikalaou e mupilixinu noxilo 'o. Uutululunu uxolu laixe xo mo uxali no anu voxosou olele.

2 Timoti 4:8

La palaisi na'a xeli so itema uuini no anu lesisi a mulalaxi muai mukalu xo Mosinge mumoxo'ilo lexe eni alapu no iou. Xe Tatananenge e mosou tilovo mulapusi, la ulosilo palaisi ne no anu voxo olele. Ia enisi uasi, anu ulosi'a ane'i mukalusi ane opone'i u'oxoxu voxo so pala'axu kalumo.

Tioni 11:51

Ioxe, vaikalaou Kaiavasi ne u'avuti noxoumo kaio mulemolu ne uasi. Ia xo anu muxolu tila noxi'a tapilisiti no anu tua ie anene laso vaikala so pela'a mula no anaxu. Xo mulemolu mi e so uxali noxou Iesua ili'i loxo musolisi'a tatemanu xale lia ne.

1 Tesalonaika 5:4

Ia ngingi tavivixe, ngingi tamitema so isivoxo uasi. Laso loxo voxo ne uxali la ngingi ngakulukemolu loxo itema ukulu­kemolu itema so pakali uasi.

Luku 10:12

Ngingi ngavika­lane'i tatemanu taoni axone ia eni avikalangengi lamana aloxo 'o. No anu voxo so Mosinge ukolinu susu olele la tu'umaxu ane uxalisi'a tatemanu taoni ne la uua'ulixu anene so uxalisi'a Tasotomu.”

Matiu 25:11

Xe ili'i la ane'i tavuanga ta'uve olele mine'e mixali la mivikala noale mu'una lexe, 'Tatilao, tatila, nane'e nakisinu aitengasixe.'

Matiu 24:36

Mo musolonu aloxo 'ola, “Ia evile ulavusou voxo o aso iou so mimi anene uxali uasi. Ta'angelo talaixe no tualasou Mosinge ilavu uasi kalumo. Mo eni a Olu kalumo alavusou uasi. A Mosinge anu Mamingesi ulavusou.

Matiu 7:21

Tamitema tavu'alo manina ilavusou ivikala noxilo lexe, 'Tatananexi, Tatananexi,' Ia avikalangengi lexe no voxo so Mosinge molu u'uli laxune'i tamitemaou no tualasou la tavu'alo noxi'a ane mimoxo'ilo axone ixolu nonano to uasi. Xo ane'i ta'ei ane imulinu masaxa noxou Mamilo e uxolu no tualasou, la ane'isisi i'unalai ixolu no voxo ne.

2 Timoti 1:18

Laso maixene alinga noxou Tatananenge lexe anu u'oxonu alaunasou no anu voxo olele. Mo ngingi kalumo ngelavu laixe no anu xaixai tatila ane mu'oxonu ne Epesusi so musu'ulileli.

2 Tesalonaika 1:10

Ia loxo nenge tami­temaou mu'isalili la taxolu ta'itinu ualasou no anu voxo loxo une'e ne. Mo ngingi ngelomuxu vaika­lamexi no taingengi laso ngingi kalumo ngaxolu so nenge'a talo­pala mukalusi tatoxu Tatananenge ne.

Matiu 10:15

Ia eni avikalangengi manina aloxo 'o. No anu voxo so Mosinge ukolinu susu olele la tu'umaxu ane uxalisi'a tatemanu taoni ne la uua'ulixu anene so uxalisi'a Tasotomu oli'a Taxomola.”