Matiu 7:21 - Ata New Testament

²¹ Tamitema tavu'alo manina ilavusou ivikala noxilo lexe, 'Tatananexi, Tatananexi,' Ia avikalangengi lexe no voxo so Mosinge molu u'uli laxune'i tamitemaou no tualasou la tavu'alo noxi'a ane mimoxo'ilo axone ixolu nonano to uasi. Xo ane'i ta'ei ane imulinu masaxa noxou Mamilo e uxolu no tualasou, la ane'isisi i'unalai ixolu no voxo ne.

Matiu 7:21 Referans Kwoze

Lomu 2:13

Xo tamitema ane ilomusou lo vitanisi la imomomo so ixali malemalenga no iou Mosinge uasi. Ia ane'i ane ilomuxu lo la Mosinge umoxo'a lexe ane'i tamalemalenga.

Luku 6:46

Mo musolonu lexe, “Axova so ngamoxomoxo'ilo lexe, 'Tatana­nexi, Tatananexi,' ia ngalomuxu vaikalaxeli to uasi?

Tiemisi 1:22

Mo vaikalaou ngeno'u ne la ngalomuxusi. Xo loxo ngalomusou vitanisi ia ngamulinu uasi la anene ngingi ngakalavoingengisi ane.

Luku 11:28

Ia anu muko­line lexe, “Uasi, aloxo 'o. Anu laixe noxi'a tamitema ane ilomusou vaikalaou Mosinge mo ilomuxu.”

Taitusi 1:16

No anu anaxa'a la ivikala lexe ilavusou Mosinge oponu. Ia no anu xoluxoluxa'a la umaxa'u lexe ane'i ixililiou ane. Xo xoluxoluxa'a ne masua no iou Mosinge. Ane'i ilomuxu vaikalaou to uasi mo imomomo uasi manina so i'oxonu ilixo vile laixe.

Ipilu 4:6

Laso ane. Ane'i ane milomusou votovoto so vaikala laixe tatei ne i'unalai no anu tanixu ma'ila noxou Mosinge uasi xo ilopala uasi. Ia ma'ila ne a uxoxolusi laso vote'i uxolu so tamitema mose'i i'unalai no anu vaimomo 'o.

Tioni 6:40

Xo masaxa noxou Mamilo aloxo 'o. Tamitema mukalusi ta'ei isaxi noxou Olu kaio ilopala noxou la ixalisou mauli kaluxu uasi. Xe uxali no anu kaluxusou voxo la eni melo atulusi'a imauli.”

Mupala'a 3:5

Ane'i tamitema so iua'uli ne eni asu'asi'a no anu lavuluti kea ne. Mo umomomo uasi manina so axexenu ualasi'a no anu lavuku so mauli. Axexenu uasi, alemolu no laxunu Mamilo xe no laxune'i ta'angelou.

1 Pita 4:2

Laso no anu mauli noxinge no anu vasimenge ane a uxolusio la ngalomulomuxu masaxa no anu vasimenge mamu, ngamulinu masaxa noxou Mosingesi.

Ipilu 13:21

Apili­xingengi noxou Mosinge xo anu a ulosinge mimi lailaixe so xoluxolu noxinge u'isalili no anu masaxa noxou. Xe mi ma'ia laixe no iou la anu upolonu noxou Iesua Kalaisiti so u'avutinoxu noxinge. Laso avikalangengi manina aloxo 'o, nenge ta'itinu ualasou Kalaisiti ulai ulai kaluxu uasi.

Matiu 12:50

Xo tamitema ta'ei ane imulinu masaxa noxou Mosinge, la ane'i tavivilo mo tanenilo ane.”

Mupala'a 22:14

Ioxe, ane'i ane mi'uinu lavu­lutii'a la i'osa'ilasi xo ane'i imomomo so i'ani no anu ovu so mauli. Mo ane'i imomomo so i'unalai no anu aitengaxu taoni, evile u'apixa'a uasi.

Tioni 3:5

La Iesua mukolinu lexe, “Eni avikalaneni manina e maninasi, loxo itema vile uvo'ola no anu lexa xe Ulenu Laixe uasi, la anu umomomo uasi so u'una uxolu no voxo ane Mosinge u'uli laxune'i tamitemaou.

Matiu 18:3

La muvikala lexe, “Eni avikalangengi manina aloxo 'o. Loxo ngaxiu avile so ngaxali aloxo tamolomolo uasi, la vote'i uasi so ngingi nga'una ngaxolu no voxo so Mosinge molu u'uli laxune'i tamitemaou no tualasou.

Tioni 7:17

Loxo itema vile oponu u'osa so umulinu masaxa noxou Mosinge ne laso ane, utongonu votovoto noxilo 'o lexe anu mi noxou Mosinge o eni melo exalixusi.

Lomu 12:2

Mo ngingi ngamuamua'i loxo tamitema ane ixoxolu no isivoxosio uasi. Ngingi ngapilixingengi noxou Mosinge so anu uxiuxiunu xavuta­lamengi mo uxalixu alavua. Uxa­lixu alavua laso no anu xoluxolu noxinge ngingi ngamomomo so ngatilovosou masaxa noxou Mosinge. Mo axone la ngalavu no anu ilixo laixe mo ulapusi ane u'osasou.

Maki 3:35

Xo tamitema ta'ei ane imulinu masaxa noxou Mosinge, la ane'i tavivilo mo tanenilosi ane.”

1 Tesalonaika 5:18

Mo loxo mi ma'ia uxali la ngavikalasou laixe noxou Mosinge. Xo masaxa noxou noxinge tamite­maou Kalaisiti Iesua axone.

Epesusi 6:6

Nakalavoi so naxaxai laixe no voxo loxo tilasine uxolusi uasi. Xo axone la naxaxai no iou so u'osasinesi ane. Na'oxo axone uasi, naxavutalaneni lexe nini namitema so xaixai noxou Kalaisiti. Mo so axone la oponeni uleilaxu masaxa noxou Mosinge so na'oxonu.

1 Pita 2:15

Ngaxolu no laxa'a taxamani axone xo anu masaxa noxou Mosinge lexe nga'oxonu ilixo laixesi. Mo so axone la tamitema so lavulavu uasi la vote'i so ito'omenge no anu vaikala vuluvu­lusi uasi.

Matiu 25:21

La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxine la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'

1 Tesalonaika 4:3

Aloxo 'o. Masaxa noxou Mosinge lexe xoluxo­lungenge malemalengasi laso ngingi nga'apingenge no anu ilixo nuni'u olele.

Kolosi 4:12

Epavilasi e anu vile noxinge ne anu kalumo mukalanu aso noxinge. Anu itema so xaixai noxou Kalaisiti Iesua mo utotomu xavinu so upilipilixingengi noxou Mosinge. La ulinga noxou lexe ngatulu pumungenge avile no anu lopala mo ngalavu manina no anu masaxa noxou Mosinge.

Luku 13:25

Xe ili'i mosou tani utatusou aitenga la ngingi ngane'e ngatulu noale so ngapolo­polo mo ngavikala u'una lexe, 'Tatananexi, nakisinu aite­nga­­sixe.' La anu ukolingengi lexe, 'Eni alavusinge lexe ngingi so ne'ei to uasi.'

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Luku 18:25

Loxo kameli utovonu so u'unalai no anu lalili so sumapi taxanu la ta'oxo lexe, 'Uo umo­momo uasi ane.' Ia loxo itema e mimiou tavu'alo xavinuou so u'una uxolu no voxo so Mosinge molu u'uli laxune'i tamitemaou la umo­momo uasi e uasisi manina.”

Maki 9:47

Mo ieni kalumo. Loxo ieni ulapuneni no anu susu la naxexenu mo usua'si. Xo loxo naxolu ieni vilesisi no voxo so Mosinge molu u'uli laxune'i tamitemaou la anu laixe ane. Ia loxo naxolu no navu so mamulo ieni tamei la anu masua manina.

Matiu 19:24

Mo avikalangengi aloxo 'ola, “Loxo kameli utovonu so u'unalai no anu lalili so sumapi taxanu la ta'oxo lexe, 'Uo umomomo uasi ane.' Ia loxo itema e mimiou tavu'alo xavinuou so u'una uxolu no voxo ane Mosinge molu u'uli laxune'i tamitemaou, la umomo­mo uasi e uasisi manina.”

Matiu 18:35

Ioxe, Mamilo e uxolu no tualasou lailaixe u'oxo iou vilesisi axonesi noxinge loxo opongengi ulu'e manina so susu noxi'a tavi­vinge uasi.”

Tioni 15:23

Itema ane umatapialeli la anu umatapianu Mamilo kalumo ane.

Matiu 26:42

Xe anu muxexesi'a alaxu tameisou la muvikala noxou Mosingela lexe, “Papao, loxo vote'i so lexa sixula 'o uxexesilo uasi la namulinu masaxa na'a ninisi, eni aiexusi.”

Matiu 16:17

La Iesua muvikalanu lexe, “A laixe manina noxine Saimoni e Tioni olu xo mi ne itema vile so lialia upela'inexu uasi. Mamilo e uxolu no tualasou lailaixe anu molu mupala'anixu mi ne noxine.

Mupala'a 2:27

I'uli laxu­ne'i mo so loxo tamitema ta'ei ixilili la ikasi'asi. Anu loxo itema ukapikapinu pilika so u'oxo lasopeni xe umaisou lexe masua la uno'u aini so umamulonu. Xavi anene exalisou noxou Mamilo laso apilixinu noxi'a kalumo.

Tioni 14:7

Loxo ngingi ngelavusilo laixe mukalu la ngingi ngelavusou Mamilo laixe kalumo. Io vaimomo 'o ngingi a ngelavusou mo ngemai­sou mukalu 'oe.”

Tioni 5:17

Ia anu mulivuxa'a no anu vaikala lexe, “Mamilo ulavusou uxaxai xo mo muxali no anu voxo vaimomo 'o, la eni kalumo axaixai axonesi.”

Matiu 26:39

Anu muvikalane'i mukalu xe mulai sevile la mulapau mo mutonu alaiou no lia. Muai no lia la mukatu noxou Mosinge lexe, “Papao, tu'umaxu e so uxali noxilo 'o la loxo lexa sixula. Laso loxo vote'i la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”

Matiu 18:10

Laso ngingi ngalaxa'i laixe lexe ngingi ngamatapiane'i ta'aliku moso 'o uasi. Xo eni avikalangengi lexe ta'angelo so isaxila'a a utotomu isaxisou iou Mamilo no tualasou.

Matiu 18:19

Mo avikalangengi aloxo 'ola. Loxo tatamei noxinge no lialia 'o opongengi vilesisi no anu mi vile so ngalingau la Mamilo no tualasou uxalixu noxi'a ane.

Matiu 25:10

Laso ane'i milutu milai so ilotonu ueli mo ilivu ine'e uao ia itema mutaula'i alavua olele a muxali. Laso oli'a tavuanga ane mixolu milo laixe mi'unalai no tasou lavilelu so taula'i, ka tamitema mitatusou aitenga.