Matiu 7:15 - Ata New Testament

¹⁵ La Iesua musolonu aloxo 'ola, “Ngingi ngalaxa'i laixe noxi'a tapolopeti kalavoi. Xo ane'i ilavusou ilemolu vaikala laixe so ixilisingengisi mo so ngakalavoi lexe ane'i tami talaixe loxo tasipisipi 'o. Ia uasi, a so i'oxo lolongengesi ane, xo loxo manina la imolo mamulosinge a loxo ta'a'a tavovasi.

Matiu 7:15 Referans Kwoze

1 Tioni 4:1

Tamaula, tamitema masi ine'e mo ivikala lexe, “Eni eno'u vaikala ano'o noxou Ulenu a.” Ia ngalopala noxi'a avile uasi, ngatilovosou vaikalai'a lexe molu noxou Ulenu Mosinge o uasi. Xo tamitema so pela'a kalavoi to a ixixaoxao no xale tuatuala mukalusi.

Matiu 24:11

Xe tapolopeti kalaka­lavoi tavu'alo i'avuti so i'oxo loloxa'a tamitema latala.

Kolosi 2:8

La ngalaxa'i laixe xo loxo 'o io evile masi ukalavusungengi no anu lavulavu noxi'a takeleva mo vaivaikala ane temanu uasi. Tamitema ane xo ne ilomuxu vaikalaou Kalaisiti uasi. Ane'i ilavusou imulinu ilixo noxi'a tatiatila tatei xe pakia'a no anu mimi tavatava'u so upamuxanu xoluxolu so lialiasi.

Mupala'a 19:20

Mixolu so i'otoxa'a ia anu oli'a ta'amiou mikasi'a mi vova ilou polopeti kalavoi. Polopeti kalavoi ne anu mosou e mu'oxonu sosovo so xavi no iou mi vova olele. Laso no anu vote'i anene la mu'oxo loloxa'a tamitema so mino'u sosovo noxou mi vova mo mi'itinu mi e musaxi loxo anu. Mikasi'a ilou xe imamaulisio ia misu'ane'i milu'elai no anu taxa e navu ilou lavo'o axexaxu u'ani'ani no anu.

Iuti 1:4

Xo tamitema se'i a mipakisi mi'una'una noxinge ne. Tamitema ane xo ne sosovo so mamulo muxolu noxi'a tateimo xo ixiunu tumali'aou ilixo noxou Mosinge. Ane'i ipilixine'i no anu ilixo masumasua iouiou kaio ixiunu vaikala so iaiama noxou Mosinge so ivalaxu ilixone'i ne. La ixiunu tumali'aou Tilasinge mo Tatananenge vilesisi e Iesua Kalaisiti.

2 Pita 3:17

Ioxe tavivilo ane asexela­ngenge, ngingi a ngalavusou mimi ne lumamo, laso ngalaxa'ingengi laixe. Xo loxo 'o io kalavoi noxi'a tamitema so xilili ulapungengi mole ngatulu pumungenge no anu lopala noxinge la ua'.

Luku 6:26

Masua noxinge loxo tamitema mukalusi i'itinu uala­singe xo tatei ta'ilusungengi mi'oxo axone noxi'a tapolopeti kalavoi.

2 Timoti 3:13

Ia tami­tema tamasua xe ane'i ane so ikalavoi kaio itulu no anu tani­tanixa'a toxonesi, la isusu xo mole utila avilesi. Ane'i ikakalavoine'i leviani xe ane'i kalumo imalukusou kalakalavoi.

2 Timoti 4:3

Xo nalomu, voxo une'e la tami­tema latala ilomuanu vaikala ane pumuxu mo manina. Ane'i imasa­xau vaikala ane ukikisou sangali'a xo ixamulinu sixisou no anu vaikala iouiou. Ixamulinu axone laso i'ava'avalia tamitema so ine'e ipili­xinu vaikala ane i'osasou so ilomusousi.

Pilipai 3:2

Ngalaxa'i laixe noxi'a tamitema so xaixai masua olele xo ane'i loxo ta'a'a tavovasi. Ane'i to ne ipoposou vasime'a vitanisi so ikalavoi lexe anene sosovo noxou Mosinge.

Epesusi 4:14

Xo tamolomolo ilavu­sou ilomuxa'a tamitema vitanisi. Ia nenge ta'oxo axone uasi, tatilovo laixe. Xo tamitema se'i masi ilalaxinu xavutalai'a so ixilisinenge mo i'oxo lolonenge. Laso loxo talomuxa'a vitanisi, la taxali loxo uaxa ane xasi ilou sivo upamupamuxanu vuluvulusi.

Xalesia 2:4

Ia se'i ane ikalavoi lexe ane'i tavivinge kalumo mipakisi mi'una noxixe so milakokongonexe no anu xoluxolu lalavusi texalisou noxou Kalaisiti Iesua. Xo opone'i lexe ikalavusu­nenge no anu lo so taxali loxo tasilevila.

Luku 12:15

La Iesua muvikalane'i tamitema ne aloxo 'o, “Ngalaxa'i laixe so ngamaxalexu isu'isu iouiou. Xo itema vile masi mimiou ulolotusi ia maulixu temanu uxali no anu anene uasi.”

Mupala'a 16:13

Xe no anaxa'a mi loxo sineke tatila xe mi vova xe polopeti kalavoi la emaisi'a ta'ulenu tamasua a loxo talokoloko milala.

Epesusi 5:6

Laso ngalaxa'i laixe xo masi tamitema se'i ivikala aloxo 'o, “Ai nenge tamulinu masaxa noxingesi xo Mosinge la'iaxuinge uasi.” Vaikala axone kalavoisi, xo la'ia noxou Mosinge utuvu noxi'a tamitema ane ilomuanu vaikalaou.

Ta'aposeli 13:40

Laso ngingi ngalaxa'i laixe xo mi ane tapolopeti milemolu tatei ne anu masi uxali noxinge. Ane'i milemolu vaikalaou Mosinge aloxo 'o,

Tioni 10:12

Ia itema loxo ilotonusi no anu xaixai anene la u'oxo axone uasi. Anu itema so usaxila'a tasipisipi manina uasi xe anu tatanane'i tasipisipi uasi laso loxo umaisou a'a vova une'e la u'italone'i tasipisipi mo u'umesi. Io a'a vova utokitokine'i mo upaxelelene'i tasipisipi.

Matiu 16:11

Laso axova so ngingi ngalamana uasi lexe eni avikalasou pileti noxinge uasi? Eni avikala lexe ngalaxa'i laixe no anu isiti noxi'a Tapalisi oli'a Tasatusi.”

Matiu 16:6

Xe Iesua mupelototosi'a lexe, “Masi ngamalei laixe. Ngala­xa'inu isiti noxi'a Tapalisi oli'a Tasatusi so opongengi ulai no anu uasi.”

Matiu 10:17

Mo ngalaxa'i laixe noxi'a tamitema xo ane'i itulusinge so ikotingengi mo ipua­puasinge no anu tatasou lavuloto noxi'a.

Mupala'a 17:6

La emaisie sema ne miiexu sialuxa'a tamitemaou Mosinge u'isalili xe sialuxa'a tamitema ane mia'aloxu Iesua. Emaisie lexe miie no anu la loxo misipaki. La talelilili manina.

Ta'aposeli 13:6

La ane'i ilou mixixaosou ailani Saipilasi ne avile. Mixixao xo la mixali no tuala ne Pavosi. No tuala ne ane'i ilou mixalisou Iuta vile ualasou lexe Vaiesusi. Anu itema so u'oxonu sa iouiou mo anu polopeti kalavoi.

Matiu 7:14

Ia aitenga e ulai no anu mauli la isusu'a sesi. Laso maixene tamitema ane ixalisou vote'isou mo imulinu la tata'ei mososi.”

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.