Matiu 7:13 - Ata New Testament

¹³ Xe muvikalala lexe, “Ngingi xavingengi so nga'unalai no anu aitenga ane kitua sesi. Xo aitenga e ulai no anu mamulo la tatila musuku laso maixene tavu'alo ipolo no anu vote'isou xo ixaxasi so imulinu.

Matiu 7:13 Referans Kwoze

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Tioni 10:9

Eni enisisi a aitenga. Loxo itema ena'ei upolo noxilo so u'una la uxalisou pamauli. Laso axone la u'una xe ula mo uxalisou ani'ani lailaixe.

Xalesia 5:24

Xo ane'i tanoxou Kalaisiti, la mino'u vasime'a xe masamasaxa ilou mimi ane upalu­palusi'a no anu ka mililinu no ovu valautu mole musoli mukalu.

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Matiu 3:8

Loxo ngexiunu opo­ngengi mo nge'i­slali­­noxou mani­nasou la nexi masi tamaisou nene'axu uxali no anu xoluxolu noxinge ane.

2 Kolini 6:17

Laso ane, tamulinu loxo Tatananenge mulemolu aloxo 'ola, “Ngala no taine'i mo ngakalitotongengi. Mo ngakasi no anu mi ane nuni'u uasi. Laso eni opoleli u'osasinge.

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Mupala'a 20:15

La tamitema ta'ei ane ualasi'a uxolu no anu lavuku so mauli uasi, la ane'i muka­lusi misu'a no taxa so navu kalumo.

Pilipai 3:19

Ane'i xo ne ilomulomuxu masamasaxa no anu vasime'a mole mi ne loxo mosi'asi. La utotomu xavutalai'a uiaveou mimi so lialiasi mo i'itinu ilixo ane laixe so imaila no anu. Tamitema anene ixalisou mamulosi.

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

Ta'aposeli 3:19

Laso ngingi ngaxiu­nu opo­ngengi so susu noxinge mo nga'isa­lilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasi­menge uxolu mana­mana'u.

Mupala'a 20:3

Muloilokisou mukalu ka musu'anu mulu'e no taxa e ulu'elai avile. Musu'anu mukalu la muto­munu taxa anaxu pakia'u e pakia'u mo so Uluaou ula u'oxonu loloxa'a tatemanu tuatuala uasi. Uxolu uxolu xo xe tau iexu 1000 ukalui laso ane, ipilixinu ula so uxixao se voxo ataxusi.

1 Tioni 5:19

Xe nenge talavu lexe nenge tanoxou Mosinge ia lialia oli'a tatemanu mukalusi uxolu no laxu xaviou mosou susu ne.

Matiu 25:46

La ane'i tamitema anene ilai so itavulenu lakolisou susu noxi'a kaluxu uasi. Ia ane'i tamitema talapusi ilai ino'u mauli kaluxu uasi.”

Matiu 25:41

Ioxe mukalu la kingi uvikalane'i laili ane no avolu kaisi lexe, 'Ngingi ane so ngaxalisou mamulo, ngaxexe noxilo mo ngalai no navu so mamulo e u'ani'ani kaluxu uasi. Navu so mamulo anene mulalaxisi'a Uluaou oli'a ta'angelou.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Lomu 9:22

Xe Mosinge axone kalumo. Anu la'ia noxou uxoxolu noxi'a tamitema se'i ia anu umasaxau so xavi noxou upala'a. Laso anu uxolusi, ulosi'a nene'axu la'ia noxou so umamulone'i palea uasi.

Luku 14:33

Laso anu axone. Loxo vile noxinge uxiunu tumalou no anu mimiou tei uasi la anu umomomo so uxali tisaipelixeli uasi.

Mupala'a 12:9

Laso mikusaou mi loxo sineke tatila ne. Anu ane talemolu lexe Uluaou. Anu muxolu tatei mune'e avile vaimomo 'o xe anu mosou so u'oxo loloxa'a tatemanu lialia mukalusi. Miku­saou no tualasou Mosinge la oli'a ta'angelou.

Luku 9:33

Mimaisi'a axone xe ilou so ixexesoui la Pita muvikala lexe, “Tatananexi, laixe so nenge taxolu aloxo 'osi. Nenge ta'alaxu tani tatalu. Vile sine xe vile noxou Mosisi xe vile noxou Elaitia.” Pita muvikala axone vuluvulusisi.

Matiu 7:14

Ia aitenga e ulai no anu mauli la isusu'a sesi. Laso maixene tamitema ane ixalisou vote'isou mo imulinu la tata'ei mososi.”